Nehemia 4:5 - mzwDBL

⁵ Bɛ ba bolchɔɡe dii ta tɔ, bɛ ba wechɔɡa soh, dɛkalkɛ ba chɛɡre ya nɛra yaa bera kwaa dɛɛ ma danjwɛɛ la.”

Nehemia 4:5 Referans Kwoze

Jeremia 18:23

Kɛ hen Korowii, he te jemɛ vɔrɔwa bwa baa dɛ vɔrɔwe dɛ́ kpo mɛ. Bɛ ba dichɔɡa kpɔ kɛ ba, kɛɛ dɛ́ fee ba wechɔɡa he sie. Gel ba choɡli chɔ he sie, ásɛ dɛ che he bandia ta tɛr ba deŋne kohona.”

Yela 109:14

N Naa Korowii, lii o naawa wechɔɡa o sie. Bɛ o nya wechɔɡa kpɔ kɛo bwa.

2 Timoti 4:14

Loɡre bɛl baa dɛ yerɔ Alɛksanda la ɛɛ mɛ wechɔɡa taeh. Korowii ɛɛ bɔɔ o waa waa ɛa la kemee.

Aesaya 44:22

N laa he wechɔɡa fee a tonɛ, kɛŋɔ bam ne chɔɔlen kɔɔla ken. Hé laa berɛ ba n be, dɛkalkɛ menee lɛ heya.

Aesaya 43:25

Menee fee he wechɔɡa dɛɛ ta. N ɡbaɡba waa mɛɛ ɛ ɡɛ, maa an lii kpa bwa.

Yela 51:1

N Naa Korowii, koh he nyina aa wola jaɡa dɔe la wa, dɛ́ na n sum. Koh he tedoma kohona la wa, dɛ́ fee n wechɔɡa.

Yela 51:9

Laa sie kpɔ n wechɔɡa ta, dɛ́ fee n wechɔɡa bwa.

Nehemia 4:6

Anomanta, ya teŋɔ kwaa ma danjwɛɛ la ka tel bela waa kpeɡ ka tel la baah ta tonɛ, dɛkalkɛ nɛra la ɛ toma la sibeɡra ne.

Aesaya 2:9

Anomanta, hen Korowii ɛɛ ba ba bɛlbwa ne harɛɛ, ásɛ ba di sihiih. N Naa Korowii, bɛ ba wechɔɡa kpɔ kɛ ba.

Wiile 1:22

Pa ba bolchɔɡe ba wechɔɡa baa ɛa wa, dɛ́ tɛr ba deŋne ɡɛ haa tɛr n deŋne n wechɔɡa waa nɔ. N hima kan kohona n jum jah.”

2 Samoɛl 17:2

Mɛɛ lao ka lɔ tɔ o nɛ ɡɛ saŋ waa koah dɛ ɡwɛɡre. A ba ɡɛ naa, ɔmee ɛɛ chole o nɛɛ, ásɛ o nɛra baa ja o nɛɛ la bwa chwa kaa. Mɛɛ kpo Kooro Devid ɡboo,