Nehemia 4:21 - mzwDBL

²¹ Anomanta, tɔpere bɛlbwaa ya bini bane ɛɛ ɛ toma, asɛ bane ɡe kpoŋe lampeare, dɛ che dɛɛ daah yaa. Ya dɛ ɛ toma le chɔmbibi ka tel kɛ bɔr aa jo, weweela le.

Nehemia 4:21 Referans Kwoze

Galaasia 6:9

He bɛ ɡel ya bwara ɛɛ hwah ya wedɛɛɡa ɛɛ ta. Dɛ ya swɛɛ siwi a ta naa, Korowii Tɔpere La telaa, yaa komaa.

1 Kɔrent 15:58

Anomanta, yabala maa dɛ nyin he wa, hé lawɛ waa la bini kiŋkiŋ, dɛ bɛ ɡel wobɛlbwa ha heyaa ásɛ he berɛ habɔɔ. Hé lawɛ ya Dɔɔ toma bini bambile bwa ne, dɛkalkɛŋɔ he koeh aa pɛɛ ɛɛ ba.

1 Kɔrent 15:10

Kɛ Korowii sune n nɛ, dɛ cha mɛ. Chae waa cha mɛ laanee ɡela n do ɡɛ maa doa nɔ la. O suna waa sune n nɛɛ la ta pɛɛ ɛɛ. N iro, asɛ dɛɛ ɛ o toma la kohona hale dɛ ɡwaa n bala toroma la kwara. N ɡbaɡba kpeɡri ne laa mɛɛ ɛ toma nɔ. Korowiirii sune n nɛɛ dɛ cha mɛ, asɛ mɛɛ ɛa ɡɛ la.

Kolosi 1:29

A waa ɡela n swɛɛ siwi dɛ takapɔ dɛɛ ɛ toma la. Yeesu Kristoo tɛ mɛ kpeɡri ɡa n won dɛɛ ɛ ɡɛ toma la.

Nehemia 4:20

Dɛ hé ba dɛ no laa bɛla nɔ sii aa, hé bwa chwa ba ya jwɛh. Korowii yaa dɛ tomɔ la ɛɛ yoo tɛ yaa.”

Nehemia 4:22

A ɡɛ saŋ la, n ŋɔ nɛra la be ŋɔ, “Nómɛlbwa ne nɛn waa dɛ chao ɛɛ baa so Jerusalam jwaanaa, dɛ́ won dɛɛ daah bwɛjen nɔ jwaana, dɛ́ bwa berɛ dɛɛ ɛ toma webaŋa ɡe.