Nehemia 3:16 - mzwDBL

¹⁶ Asɛ Asbuk bibaa Nehemia, o fa aa ɛ Bɛt Sor harɛ nomoa ɡe kwaa ma choŋi ka tel bobɛl o ne bela baa huɡe Kooro Devid sie aa chaɡɛ dɔŋa, ne tam bɛl baa kwiu, dɛ bobɛl baa dɛ yerɔ Banyoola Dea.

Nehemia 3:16 Referans Kwoze

We-ɛɛla 2:29

Yabala, mɛɛ wonoo bol n naa Devid wa, dɛkalkɛŋɔ ya bwa jemɛ o waa kɛrɛdɛ. O sewɔ, ba huɡo, hale o ŋwam ta lole fini nɔ.

Nehemia 3:12

Halɔhɛs bibaa Salum, o ɡe fa aa ɛ Jerusalam bampera nomoa kwaa ma choŋi. O bihaahna chao.

Nehemia 3:9

Hur bibaa Refaya o fa aa ɛ nomoa dɛɛ nyiŋi Jerusalam bampera ɡe kwaarɔ ma choŋi.

2 Koranar 20:20

Waa aa kaa ne anɔ la Kooro Hɛsɛkea aa wona ɛ, ne tam waa kwia, dɛ kwi bɔɔ nee kpɔ o bini dɛɛ ba Jerusalam la, ba chwera do Juda Koranar Waa Tɔne bini.

Aesaya 22:11

He ma konjen asɛ nee le tambene la ta dɛ ba jo o bini, bwɛɛ la ne danjwɛɛ waa baro la baah ta. He ɛ anɔ nɔ bwa, kɛ he ta sie kpɔe dawɛ Korowii waa waa maɡla bil wubwa, dɛ ɛa la ta.

Aesaya 7:3

Belaa Korowii ŋɔ Aesaya be ŋɔ, “Yerɛ he bie Sea Jasub, ásɛ he ne o ka cheme Kooro Ahas bɔɔ baa kwiu feelɔɔ ken le nyundua tam la ta nee palɛ dɛɛ kpɔ o bini la harɛbɔr, ŋwɛnɛ baah ta bela baa dɛ ɛ yale toma la.

Nehemia 3:14

Puldoa Doonyoa la, Rekab bibaa Malkija o fa aa ɛ Bɛt Hakerem harɛ nomoa la ɡee kwaara mao. O do ɡbera o nyoa, dɛ do bune o ta ba kpɔ dɛɛ karɔ.

Josua 15:58

Bwɛjena la ane ɡee Halhul ne Bɛt Sor dɛ Gedɔr,

Yelsom 3:7

Hé na, Kooro Solomɔn kon baa kpɔa dɛɛ cheo laanee. Banyoola fifraanumɛl teŋɛ o nɛ, ba ɛ Israel harɛ nomonjena ɡbaɡba.

2 Webena 16:14

asɛ ba huɡo Kooro Devid Bwɛjen Jerusalam, bwe bɛl waa komɔ kɛŋɔ dea o ɛ o ɡbaɡba huɡribɔr bini. Ba kpɔ konsɔɔhsoma ne nosɔɔhsoma fɔɡlo dɛ huɡo. Nɛra warɔ cheme dɛ mar nijena a fuh, a baɡle jirima baa kpɔa dɛɛ tɛo o seo la wa.

2 Webena 11:7

ne Bɛt Sor ne Soko dɛ Adulam,

1 Webena 2:45

Samai bibaa waa lolɔ sɔne Mayɔn, asɛ Mayɔn ɡe ir, dɛ lolɛ Bɛt Sor.

Nehemia 3:17

Lewi dea tena baa teŋa nɔ ɡee kwaara ma danjwɛɛ la baŋ bɛla ane choŋi. Banee, Bani bibaa Rehum waa ɛ ba sitɔɔ, ne Hasabia o fa aa ɛ Keila harɛ nomoa, o ɡee aa maa choŋi tɛ o harɛ tena.

Wejereme 2:6

N kwi taama nee le bela palɛ kaa jo daa la mune, ásɛ a won kpeɡ kɛrɛdɛ.

Aesaya 22:9

He nao kɛŋɔ danjwɛɛ waa bar Kooro Devid Bwɛjen la pera aa choɡla, asɛ he ɡel nee do harɛbɔr tam la ta warɛ.

Nehemia 2:14

Ate, n berɛ kpɔ sie chaɡɛ Nee Nyu Doonyoa ne Kooro Tam ta, kɛ dɛ bɔr toole keeɡo maa soɡe o ta la dɔ bɔr kpɔ,