Nehemia 3:15 - mzwDBL

¹⁵ Kol Hose bibaa Salum o fa aa ɛ Mispa harɛ nomoa laanee kwaara ma Nee Nyu Doonyoa. O tɔɔ dɛ do ɡbeni o nyoa, dɛ do bune baa kpɔ dɛɛ kara. Onee bera kwaa ma danjwɛɛ waa bar Siloam tam, waa bɛne Kooro bodɛɛɡe waa du daa jwɛh. O mao ka tel kwaa baa kpɔ a ta tu dɛɛ le Kooro Devid Bwɛjen la ta.

Nehemia 3:15 Referans Kwoze

Amanesoma Jɔn Aa Chwera Tɔn 9:7

Asɛ dɛ ŋɔ, “La tam la baa dɛ yerɔ Siloam la ta dɛ́ ka samɛ he sie.” Gɛ sɔn Siloam la munii kɛŋɔ “Ba tomɔ.” Waa laŋa dɛ ka samɛ o sie la tonɛ la, dɛ o dɛ na, dɛ berɛ ba buse.

Aesaya 8:6

“Jerusalam tena aa vɛh nyiŋa maa dɛ nyiŋi ba nɛɛ bɔeeh kɛŋɔ Siloa nenabɔɔ aa dɛ palɛ bɔeeh, dɛ dɔ silɛɛ Kooro Resin ne Kooro Pɛka nɛɛ kɛŋɔ bá ba cha ba nomanta,

Nehemia 12:37

Baa tel Nebule Doonyoa ta la, ba cheɡɛ kwaa ane a do kɛ sanjol ta teeh kaa Kooro Devid Bwɛjen ta, dɛ ɡarɛ Kooro Devid koodem, dɛ berɛ habɔɔ ba Nee Doonyoa waa lɔ bwɛjen la wee leebɔr pera ta.

Amanesoma Luk Aa Chwera Tɔn 13:4

Yeesu berɔ ŋɔ, “Asɛ nɛra fi dɛ banuatoro bane dejaŋ bɛl aa kua chole ba nɛɛ Siloam ba bwa serewe la ɡeɔ? He liire dɛ ɛ heyaa kɛ ba wechɔɡa ɡwaa nɛra baa lɔ Jerusalam bwa kwaa kɛɛ?

Nehemia 2:14

Ate, n berɛ kpɔ sie chaɡɛ Nee Nyu Doonyoa ne Kooro Tam ta, kɛ dɛ bɔr toole keeɡo maa soɡe o ta la dɔ bɔr kpɔ,

Jeremia 40:6

Anomanta, n la Ahikam bibaa Gedalia be Mispa n ne nɛra baa ka harɛ la ta la ka so.

Nehemia 3:14

Puldoa Doonyoa la, Rekab bibaa Malkija o fa aa ɛ Bɛt Hakerem harɛ nomoa la ɡee kwaara mao. O do ɡbera o nyoa, dɛ do bune o ta ba kpɔ dɛɛ karɔ.

Nehemia 3:12

Halɔhɛs bibaa Salum, o ɡe fa aa ɛ Jerusalam bampera nomoa kwaa ma choŋi. O bihaahna chao.

Nehemia 3:9

Hur bibaa Refaya o fa aa ɛ nomoa dɛɛ nyiŋi Jerusalam bampera ɡe kwaarɔ ma choŋi.

Nehemia 3:7

Asɛ Melatia waa le Gebeɔn ne Jadɔn waa le Mɛrɔnɔt, ne Gebeɔn dɛ Mispa baala ɡe ma choŋi ka tel harɛ nomoa waa lɔ Yufretis Moo wee cholibɔr dem.

2 Webena 32:30

Gɛ saŋ Kooro Hɛsɛkea aa di kora la, onee ɡela ba kwi bɔɔ le Gehɔn bule ta, asɛ nee kpɔ o bini palɛ dɛɛ ba Jerusalam. Kasinteŋ, wobɛlbwa Kooro Hɛsɛkea aa ɛa la, a chiɡu kɛrɛdɛ.

2 Koranar 25:4

Babelɔn laa tena la kuuɡi danjwɛɛ waa bar Jerusalam la. Kooro Sedekia ne Jerusalam laa tena kpɔ doonyoa bɛl waa chɔ danjwɛɛre anɛ baah ta, ba kpɔ bela dɛɛ kaa kooro bodɛɛɡe waa du daa ta, dɛ le kpɔ sie chaɡɛ kaa Jɔɔdan Fɛlembɔjen ta jwaana,

Sitɔɔla 20:3

Dɛ Bɛnjamen dea tena la noɔ kɛŋɔ Israel tena la kaa cheme Mispa. Israel tena la ŋɔ, “Hé baɡle yaa waa aa cheɡɛ a ta wedoŋa nɔ ba.”

Sitɔɔla 20:1

Israel tena baa soɡe Dan dea harɛ ta dɛ kpoŋe kaa Beɛseeba, dɛ banɔ la baa soɡe Gelead harɛ ta bwa baa cheme Korowii sie Mispa kɛ nɛmbeŋkpoŋ.

Nehemia 2:17

Ate, n ŋɔ ba be ŋɔ, “Hé na waa yaa lɔ a ta! Jerusalam berɛ dimɡbia, ba fuh o doonyojen ɡbeni. Hé ɡel ya kwaa ma danjwɛɛ o fa aa baro la, ásɛ sihiih bɛ yaa kpo kpa.”

Nehemia 3:19

Asɛ Jesua bibaa Esa o fa aa ɛ nomoa Mispa ɡe berɛ kwaa ma choŋi dea baa dɛ cheɡ dɔmkwa o ta la sie, ka jaɡɛ dea la loŋkora waa ɡoŋa ta.

Wejereme 2:6

N kwi taama nee le bela palɛ kaa jo daa la mune, ásɛ a won kpeɡ kɛrɛdɛ.

2 Samoɛl 5:9

Kooro Devid aa kaa yo Jerusalam dɛ pɔ o nɛra nɛɛ la, o kaa so bela dɛ pa o sɔn Kooro Devid Bwɛjen. O ma danjwɛkpeɡ baro dɛ le deŋɡare la wee leebɔr pera harɛ waa baro la ta.