Nehemia 3:14 - mzwDBL

¹⁴ Puldoa Doonyoa la, Rekab bibaa Malkija o fa aa ɛ Bɛt Hakerem harɛ nomoa la ɡee kwaara mao. O do ɡbera o nyoa, dɛ do bune o ta ba kpɔ dɛɛ karɔ.

Nehemia 3:14 Referans Kwoze

Jeremia 6:1

Bɛnjamen dea tena, hé chwa le Jerusalam dɛ́ dɔ he nyu. Hé hoh bɛla la Tekoa, ásɛ dɛ choŋi nii Bɛt Hakerem ɡe, á baɡle kɛ siswɛm balɔ. Wekpeɡa ne harɛchɔɡ le weekaŋle nyunduabɔr dɛɛ ba.

Nehemia 2:13

Asɛ n kpɔ Fɛlembɔjen Doonyoa ta awola jwaana, dɛ kpɔ bobɛl baa dɛ yerɔ Kalampoŋa Kɔlɔŋ ne Puldoa Doonyoa dɛɛ nyiŋi Jerusalam danjwɛjena baa kuuɡa, ne ɡɛ baa fuh o doonyoone bwa la.

Nehemia 3:9

Hur bibaa Refaya o fa aa ɛ nomoa dɛɛ nyiŋi Jerusalam bampera ɡe kwaarɔ ma choŋi.

Nehemia 12:31

Ate, men Nehemia yerɛ Juda nomonome la cheme danjwɛɛ waa bar bwɛjen la doa, dɛ ɡel ba chɔ yelɡoola kuore anɛ aa kana nyoa ŋɔ, bá valɛ bar bwɛjen la, dɛ́ ɡo yela jam Korowii. Kuo beŋkpoŋ tɔ sie kpɔ sie chaɡɛ danjwɛɛ la diɡ pera, dɛ kaa Puldoa Doonyoa la ta.

2 Samoɛl 4:2

Dɛ Esbɔsɛt dɔ baala banɛ bane ba chɔ nɛra ba yon la ka lɔ tɔ bwɛɛre nɛra nɛɛ dɛ́ pa ba laala nyoa. Bɛl sɔne Baana, asɛ nɛɛte la ɡe Rekab. Remɔn waa le Beɛrɔt harɛ ta biirii ban, Bɛnjamen dea. Ba kpɔ Beɛrɔt nɔ ɛ Bɛnjamen dea harɛ pera,

1 Webena 6:40

ne Maekel bibaa Simia, ne Baaseya bibaa Maekel, dɛ Malkija bibaa Baaseya,

2 Koranar 10:15

Kooro Jehu aa le bela ɡe dɛɛ kaa la, o cheme Rekab bibaa Jɛhɔnadab. Asɛ Kooro Jehu jaamo dɛ pɛɛro ŋɔ, “N ne he liire bwa beŋkpoŋ, hɛɛ ja n nɛɛ kɛɛ?” Jɛhɔnadab chaŋe ŋɔ, “N sɛh ɡɛ.” Kooro Jehu ŋɔ, “Dɛ ɡɛɛ tenaa ɡwaa mɛ.” Asɛ ba ɡwa dɔŋa, Jehu chao dɛ lawɔ o teeh torɔɡo waa soɡe o bini la.