Nehemia 2:20 - mzwDBL

²⁰ Asɛ n chaŋ ba ŋɔ, “Korowii Waa Dɛ Di Kora Nyundua ɛɛ ɡeloo wobɛlbwa kaa kɛrɛdɛ tɛ yaa. Yan yaa ɛ o bonɔɔnaa ɛɛ pa munii dɛɛ ma. Kɛ he te nɔn toole Jerusalam komɛlbwa ta. He toole o saŋ la waa ɡe ta.”

Nehemia 2:20 Referans Kwoze

We-ɛɛla 8:21

He ta ya toma nɔ ta jae, he ta dibɔr ɡe dɔe a ta, dɛkalkɛŋɔ he bambile ta chaahnɛ Korowii be.

Ɛsra 4:3

Kɛ Sɛrobabɛl ne Jesua, dɛ Israel deene nomonnyuune la chaŋɔ ŋɔ, “Ya ta he chae hiaeh Korowii yaa dɛ tomɔ Dea toma nɔ ta. Ya ɡbo ɛɛ doo, ɡɛ Pɛɛsea Koojen Saeros aa do yaa la.”

Nehemia 2:4

Ate, Koojen Atasɛksɛs ŋɔ n be ŋɔ, “Bɔkwaa hɛɛ nyin kɛ n ɛ́ tɛɛ nɔ?” Asɛ n soŋe Korowii Waa Dɛ Di Kora Nyundua,

We-ɛɛla 10:31

dɛ ŋɔ, ‘Kɔnɛɛleɔs! Korowii no he soŋa haa dɛ soŋo dɛ na he chae haa dɛ cha nyaara la bwa.

Yela 35:27

N Naa Korowii, ɡel banɔ la baa dɛ nyin n di boldɛɛɡe, ɛɛ do lɔŋɔre silɛɛ ne. Ásɛ baa bol ŋɔ, “Korowii kan ɡa, o sie lɛ o bonɔɔ wer waa doa ta.”

Aesaya 56:5

baa dɔ komɛl waa ɡwaa bibaala ne bihaahnaa. Mɛɛ ɡeloo ba sɔn ka n Dea, dɛ́ do le saŋ bɛlbwa, bá kpɔ dɛɛ liiru.”

Wejereme 7:18

Lawɛ a bwa bini kpoŋe, dɛ bɛ ɡel bɛlbwa le he nɔn ta. Naate waa dɛ ɔmɛ Korowii ɛɛ won le ɡɛ waa nɔ bwa nyoa.

Yela 51:18

N Naa Korowii, sune Saayɔn tena nɛ, dɛ́ cha ba, kwaa ma Jerusalam danjwɛɛ waa kuuɡa la.

Yela 20:5

Ásɛ ya kpɔ silɛɛ moo, pɔe haa pɔ ya dɔma nɛɛ la wa, dɛ́ ir ya fraŋkaare, Korowii yaa dɛ tomɛ sɔn ta. Kórowii no he wesoŋa bwa.

We-ɛɛla 10:4

Asɛ o ha sie nyiŋu ɔmee ne dɛ ŋɔ, “Ɛrɛɛ yɔ? A som aa, n Dɔɔ?” Asɛ nyundua torome la ŋɔ, “He soŋa haa dɛ soŋe Korowii, ne he chae haa dɛ cha nɛra la lɛ o sie, o dɛ ba he chae.

Sekaria 6:14

A chɛ kɛ he kpɔ kooɡbɛrɛ nɔ cheɡ n Dea bela, bá kpɔ dɛɛ lii Hɛldae, ne Tobija, ne Jedaya dɛ Sefania bibaa Josia.

Yela 122:6

Soŋe deŋnesɔɔhna tɛ Jerusalam tena ŋɔ, “Nɛra baa dɛ nyin hen Jerusalam la, ba wobɛlbwa do wer tɛɛ ba.

Ɛsta 4:11

“Nɛra baa dɛ ɛ toma koodem bela, ne nɛra baa lɔ harɛre la ta bwa jemɛ mmara la kɛŋɔ, baa kɛɛ haah aa won la kooro be kooloŋ ta, nemenɛ kooro yerɔ mɔɔ. Dɛ ɡɛ laa aa, kpoe chɛ kɛ bá kpoo, nemenɛ kooro tɛr o suuɡaswɛm daŋɡbala la tɛo dɛ́ lɛ o nyu.” Dɛ berɛ ŋɔ, “Kooro aa yer mɛ n la o be, tɔpera fifraatoroo nɔ.”

2 Webena 26:5

O tomɛ Korowii o bambile bwa ne ɡɛ saŋ Korowii keame Sekaria, waa dɛ jao Korowii waa ta taa soɡe le, asɛ Korowii sweero andɛɛɡa.

Nɛra Kura 10:10

Ba sie baa lɛ ba benanyoa ne Korobifala Tɔpejena baa lea cheɡ dɛɛ dia ta naa, bá hoah bela baa kpɔ saraha kwaa baa dɛ fuah, ne deŋnesɔɔhna saraha dɛɛ ba la, ásɛ a chɔ le dɛɛ lii ba n wa. Menee Korowii baa dɛ tom mɛ la.”

Kaala 28:29

Saŋ bɛlbwa Arɔn aa jo Boɡoroŋ men Korowii sie la, Israel bii sɔna la ɛɛ dawɛ bambile kon la taa dɛɛ lii Korowii ba waa tɔpere bɛlbwa.

Lewi Dea Tena 24:7

Baŋ bɛlbwa ta la, ɛ daawiile a sɔɔh aa soma bil a jwɛh a ɛ saraha kwaa baa fuh cheɡ paanoo la naa ta tɛ Korowii.

Lewi Dea Tena 2:2

Dɛ́ kpɔ ba tɛ Arɔn bibaala sɔfore la. Ásɛ sɔfo la ka fuah saraha kon la ta, á baɡle kɛŋɔ a bwaa n lɛ. Anɔɔ ɛ saraha ba yon fuah a sɔɔh ɛɛ do som men Korowii be.

Nehemia 1:4

Maa no waa nɔ la, n soɡo dɛ wi. N wio la sie tɔpere bɛl tama dɛ vɔwɛ nyoa, dɛ soŋe Korowii Waa Dɛ Di Kora Nyundua ŋɔ,

Yela 102:17

Wɛɛ no he nɛra baa vɛɛh ba la bee, dɛ́ no ba wesoŋa.