Nehemia 2:18 - mzwDBL

¹⁸ N berɔ ŋɔ ba be ɡɛ Korowii maa dɛ tomɔ aa sune n nɛɛ dɛ kpɔ nɔn tɔ n nɛ, ne koojen la waa waa bol n be la. Anee ba chaŋe ŋɔ, “Hé ɡel ya pa mun kwaa dɛɛ ma.” Anomanta, ba kpɔ ba te dɛ́ ɛ ɡɛ tondɛɛɡa nɔ.

Nehemia 2:18 Referans Kwoze

Felepae 2:13

dɛkalkɛŋɔ Korowii soɡe he bɛlbwa nɛɛ dɛɛ ɛ toma, dɛ ɡel he won sɛh dɛ won dɛɛ tomɔ kɛrɛdɛ ɡɛ aa su o siwi.

2 Webena 32:5

Kooro Hɛsɛkea ɛ toma taeh, dɛ ɡel ba kwaa ma danjwɛɛ waa bar Jerusalam la bobɛla aa kuuɡa la, dɛ ma dejaŋa chɔŋɛ danjwɛɛ la ta. O berɔ ɡel ba ma danjwɛfale bɛl bar ombene la, dɛ che bwea su harɛ waa ɛ bɔɔ Kooro Devid Bwɛjen la ta. O berɔ ɛ dɔmkwaa ne kwaa baa kpɔa dɛɛ tɔ ɡbemɡbe laa ta warɛ.

1 Webena 19:13

Dɔ bambile dɛ́ che kiŋkiŋ, dɛ́ ɡel ya won yo bansua ne lɛ ya nɛra ne Korowii bwɛjena cheɡ. Waa aa too Korowii tea laanee wɛɛ ba ɛɛ.”

Ɛfesos 6:10

Anɔ la aa kaa laanee kɛŋɔ hé ɡel he ne ya Dɔɔ pɛ, ásɛ he won dɔ kpeɡri waa dɔa kohona la.

Ɛsra 6:22

Ba di Paanoo Iisi Aa Wola Toole A Ta Tɔpejen tɔpera anuanɛ silɛɛ ne, dɛkalkɛŋɔ Korowii charɛ Asiiria koojen liire, o won cha ba ba ma Korowii Israel tena aa dɛ tomɔ Dea la.

2 Samoɛl 2:7

He bɛ ɔmɛ, hé che kiŋkiŋ, Kooro Sɔɔl waa ɛ he dɔɔ la sewɔ, asɛ Juda dea tena fuɡe noo do n nyu ta, dɛ cheɡ mɛ kora ta.”

1 Webena 11:10

Kooro Devid banyoola ne Israel tena bwa baa chao o won di kora, ɡɛ Korowii aa baɡ ba nyoa, o kora che kiŋkiŋ laanee teŋa nɔ.

1 Samoɛl 23:16

Asɛ Kooro Sɔɔl bibaa Jonatan la Devid be Hɔrɛs, dɛ ka doo ɡbemba kɛŋɔ Kórowii kpɔ nɔn tɔ o nɛ.

Nehemia 2:8

N berɔ soŋo ŋɔ ó chwerɛ tɔn tɛ mɛ ń kpɔ ka tɛ Asaf waa dɛ nyiŋi koojen kɔne ta la, ásɛ o tɛ mɛ doli maa kpɔ ɛ dekpeɡ la doonyoo aa bɛne Korowii Dea, ne danjwɛkpeɡ waa bar bwɛjen la, dɛ dem maa ka so o ta. Korowii ja n nɛɛ nomanta, koojen la tɛ mɛ komɛlbwa maa soŋo.