Nehemia 2:14 - mzwDBL

¹⁴ Ate, n berɛ kpɔ sie chaɡɛ Nee Nyu Doonyoa ne Kooro Tam ta, kɛ dɛ bɔr toole keeɡo maa soɡe o ta la dɔ bɔr kpɔ,

Nehemia 2:14 Referans Kwoze

Nehemia 3:15

Kol Hose bibaa Salum o fa aa ɛ Mispa harɛ nomoa laanee kwaara ma Nee Nyu Doonyoa. O tɔɔ dɛ do ɡbeni o nyoa, dɛ do bune baa kpɔ dɛɛ kara. Onee bera kwaa ma danjwɛɛ waa bar Siloam tam, waa bɛne Kooro bodɛɛɡe waa du daa jwɛh. O mao ka tel kwaa baa kpɔ a ta tu dɛɛ le Kooro Devid Bwɛjen la ta.

2 Koranar 20:20

Waa aa kaa ne anɔ la Kooro Hɛsɛkea aa wona ɛ, ne tam waa kwia, dɛ kwi bɔɔ nee kpɔ o bini dɛɛ ba Jerusalam la, ba chwera do Juda Koranar Waa Tɔne bini.

2 Webena 32:30

Gɛ saŋ Kooro Hɛsɛkea aa di kora la, onee ɡela ba kwi bɔɔ le Gehɔn bule ta, asɛ nee kpɔ o bini palɛ dɛɛ ba Jerusalam. Kasinteŋ, wobɛlbwa Kooro Hɛsɛkea aa ɛa la, a chiɡu kɛrɛdɛ.

2 Koranar 18:17

Asiiria koojen tomɛ o nomonjena batoro, laa sitɔɔla nomoa ne o ɡbaɡba nachiɡe ne o laa nomoa ŋɔ, bá le Lakes, dɛ́ kpɔ laa tena baa wara ja, dɛ́ la Kooro Hɛsɛkea be Jerusalam. Baa laŋa la, ba kaa che ŋwɛnɛ waa bɛne bobɛl nee aa pala dɛɛ kpɔ, dɛ le nyundua tam bɛl ta dɛɛ jo bwɛjen la ta, bela nɛra bane baa dɛ ɛ yale aa lole.

Nehemia 12:37

Baa tel Nebule Doonyoa ta la, ba cheɡɛ kwaa ane a do kɛ sanjol ta teeh kaa Kooro Devid Bwɛjen ta, dɛ ɡarɛ Kooro Devid koodem, dɛ berɛ habɔɔ ba Nee Doonyoa waa lɔ bwɛjen la wee leebɔr pera ta.

Wejereme 2:6

N kwi taama nee le bela palɛ kaa jo daa la mune, ásɛ a won kpeɡ kɛrɛdɛ.

Nehemia 3:16

Asɛ Asbuk bibaa Nehemia, o fa aa ɛ Bɛt Sor harɛ nomoa ɡe kwaa ma choŋi ka tel bobɛl o ne bela baa huɡe Kooro Devid sie aa chaɡɛ dɔŋa, ne tam bɛl baa kwiu, dɛ bobɛl baa dɛ yerɔ Banyoola Dea.