Nehemia 13:10 - mzwDBL

¹⁰ N berɔ na kɛŋɔ Lewi dea tena baa dɛ ɡo yela Korowii Dea la, ne Lewi dea tena la bane ɡe le Jerusalam, dɛ berɛ kaa ba kooni ta, dɛkalkɛ nɛra la aa ban kwaa aa chɛ kɛ ba tɛɛ ba la tɛ.

Nehemia 13:10 Referans Kwoze

Nehemia 10:37

Yaa kpɔ ya kondikonloɡlaa la Korowii yaa dɛ tomɔ la Dea, bela baa dɛ cheɡ kwaa la, dɛ́ kpɔ ka tɛ sɔfore la, ya mendɛɛɡa ne mea sarahare, ne ya daa nɔna, ne senfala dɛ ɔleve no. Yaa bɔne komɛlbwa aa le ya kooni ta bɔre fii, dɛ́ kpɔ bɔrbeŋkpoŋ ka tɛ Lewi dea tena la, dɛkalkɛ banee dɛɛ lɛa ya bwɛɛre bwa ta.

Malakae 3:8

N dɛ bɔɔ heyaa ŋɔ a wer kɛŋɔ nɛn ŋwɛ men Korowii aa? Kɛ he dɛ ŋwɛɛ mɛ. He dɛ bɔɔ ŋɔ, ‘Bɔkwa taa yaa ŋwɛɛ nɔ?’ Kwaa haa bɔne a bini bɔre fi, dɛ kpɔ bɔrbeŋkpoŋ baa tɛ mɛ, ne saraha kwaa taa hɛɛ ŋwɛɛ mɛ.

Nehemia 12:47

Anomanta, le Sɛrobabɛl ne Nehemia bere saŋ bwaa Israel tena le, dɛɛ tɛ yelɡoola ne nɛra baa dɛ daah Korowii Dea kwa tɔpere bɛlbwa. Ba kpɔ saraha kwaa aa do ɡoroŋ dɛɛ tɛ Lewi dea tena, ásɛ ba ɡe kpɔ anɔ la aa chɛ sɔfore baa ɛ Arɔn naanar kwaa tɛɛ ba.

Mmarare 12:19

Hé nyiŋi kɛrɛdɛ dɛ bɛ Lewi dea tena la ba ta he soɡa bini bwa harɛ la ta.

Nɛra Kura 35:2

“Do Israel tena la dɛ́ ŋɔ bwɛjena baa dɔ la, bá tɛ Lewi dea tena la ane bá so a ta. Bwɛɛre la dahare harɛre ɡe ɛ ba kondɛɛra dibɔra.

Nehemia 10:39

Israel tena ne Lewi dea tena la kpɔ ba mea ne senfala, dɛ ɔleve noo la kaa dejeɡre baa dɛ cheɡ laala baa kpɔa dɛɛ ɛ toma Korowii Dea la bini, bela sɔfore baa dɛ ɛ toma ne nɛra baa dɛ daah doonyoo dɛ yelɡoola aa dɛ so la. Yaa Korowii yaa dɛ tomɔ la Dea vɛh.

2 Webena 31:4

Kooro berɔ ŋɔ Jerusalam tena be ŋɔ, bá kpɔ saraha kwaa aa chɛ sɔfore ne Lewi dea tena la dɛɛ tɛɛ ba, ɡɛ aa ɛ, ásɛ ba won kpɔ ba te tɛ kɛrɛdɛ, dɛɛ teŋɛ ɡɛ Korowii Mmara la aa dɛ baɡle.

Aesaya 43:23

Hé ta peera kpoe dɛ fuah ɛ sarahare tɛ mɛ, á ba ɛ kɛŋɔ hɛɛ kpɔ saraha bɛlbwaa ba duu mɛ. N ta mea sarahare waa kpɔe dawɛ he nɛɛ a ɛ heyaa bontɔɡa, n ta daawiile ɡe waa pɛɛrɛ le he be he mee le.