Nehemia 10:29 - mzwDBL

²⁹ Ba bwa kpɔ ba te ja ba sitɔɔla nɛɛ dɛ ŋwɛɛ ntam kɛŋɔ, baa teŋɛ Korowii Mmara waa cheɡɛ o bonɔɔ Mosis nɛɛ dɛ kpɔ tɛ la taa, dɛ́ nyiŋi kɛrɛdɛ dɛɛ teŋɛ o waa waa do ba a ta ne o webaɡla bwa ta. Ba ŋɔ, dɛ ba ta a ta teŋaa, Kórowii taah ba.

Nehemia 10:29 Referans Kwoze

Ɛsekeɛl 36:27

Mɛɛ kpɔ n domaa ba so he nɛ, ásɛ hɛɛ teŋɛ me Mmarare, ne waa maa baɡle heyaa la ta kɛrɛdɛ.

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Amanesoma Jɔn Aa Chwera Tɔn 15:14

He dɛ teŋɛ n waa maa kpɔa tɛ heyaa la ta te naa, amɔ dɛ n daamanaree heya.

Tɔn Pɔɔl Aa Chwerɛ Rom Tena 12:9

Hɛ́ɛ nyin dɔŋa bambile bwa ne. Hé hah wechɔɡa te bɛlbwa, dɛ́ lawɛ wedɛɛɡa te bɛlbwa bini kpoŋe kiŋkiŋ.

2 Webena 34:31

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne.

2 Koranar 23:3

Kooro Josia cheɡɛ o koochebɔr pila bɛl jwɛh, o ne Korowii berɛ kwaa fɔwɛ fɔo ŋɔ wɛɛ teŋɛ Korowii nɛɛ, dɛɛ teŋɛ waa waa bola ne o Mmarare ta o bambile ne o liire bwa ne, ɡɛ tɔn la bini fɔo waa la aa dɛ baɡle la. Asɛ nɛra la bwa baɡɛ nyoa kɛŋɔ baa dɛɛ teŋɛ fɔo la taa.

We-ɛɛla 23:21

Kɛ bɛ Pɔɔl kpɔ tɛɛ ba, dɛkalkɛ ba nɛra dɛ ɡwaa fifraanaarɛ sɔh ŋwɛnɛ ta dɛ́ kpoo. Gɛ nɛra la ŋwɛɛ ntam ŋɔ ba ta Pɔɔl kpoe yaa, baa kwaa di, baa nee ɡee nyɔ. Ba ɛ wobɛlbwa tonɛ. He siwi taa baa nyiŋi.”

We-ɛɛla 17:34

Nɛra la bane te yarada Yeesu waa la, dɛ ba ja o nɛ. Nɛra baa yaradaa la bini bɛl sɔne Daneseɔs. Dɛ Areɔpaɡos nomonome la bɛlee on. Haah bɛl baa dɛ yerɔ Damaris ne nɛra bane yarada Yeesu waa la.

We-ɛɛla 11:23

Waa la bela dɛ ka na ɡɛ Korowii aa nyin ba dɛɛ cha ba la, o sie lɛo. Anomanta, o ja ba dɛ do ba ɡbemba ŋɔ báa teŋɛ Yeesu ŋwɛnɛ ta ba bambile bwa ne.

Amanesoma Jɔn Aa Chwera Tɔn 7:19

Mosis ta heyaa Korowii Mmara la tɛɛ yaa? Asɛ he bini bɛlbwa toole dɛ teŋɛ a ta. Aah dɛ ɛrɛɛ he berɛ dɛɛ nyin mɛ dɛ́ kpo nɔɔ?”

Amanesoma Jɔn Aa Chwera Tɔn 1:17

Mosis nɛɛ Korowii che dɛ ba Mmara la ne. Yeesu Kristo ɡe nɛɛ nɛn nɛɛ suna ne kasinteŋ bwa che dɛ ba harɛ ta.

Malakae 4:4

Hé lii Mmarare ne webaɡla maa cheɡɛ n bonɔɔ Mosis nɛɛ dɛ kpɔ tɛ he Israel tena bwa ŋɔ hɛɛ teŋɛ a ta Sinai Bwejen ta la.

Jeremia 26:4

Korowii berɔ ŋɔ ń bol nɛra la be ŋɔ, “Hɛɛ teŋɛ n waa maa dɛ baɡle heyaa la ta,

Aesaya 14:1

Korowii ɛɛ dɔ tedomaa tɛ Israel tena, wɛɛ berɔ lee ba tɛ o te ja, dɛ́ kpɔ ba ba so ba ɡbaɡba harɛ ta. Hɔɔhra ɛɛ ba ja ba nɛɛ ba ne ba pɛ so.

Yela 105:45

ɡɛ aa ɛ ásɛ baa teŋɛ o Mmarare, ne waa waa do ba a ta la ta. Hé kpɛɛ Korowii!

Yela 8:9

N Naa Korowii yaa dɛ tomɛ, he sɔn kan harɛ nɔ ta bobɛlbwa!

Yela 8:1

N Naa Korowii yaa dɛ tomɛ, he sɔn kan harɛ nɔ ta bobɛlbwa! Nɛra dɛ kpɛɛre kohona, aa tel nyundua bwa.

Nehemia 13:25

Asɛ n baah di ba nɛ, dɛ taah ba. N lɔɔ ba, dɛ chuɡri ba bini bane ɡe nyumpona, dɛ ɡel ba ŋwɛɛ ntam Korowii sɔn ta kɛŋɔ, ba ne ba bibaala ne bihaahna bɛ nɛŋhɔɔhra baa wola Korowii tomɛ mo, kɛɛ dɛ yalɛ kpa bwa.

2 Webena 6:16

Name, N Naa Korowii Israel tena aa dɛ tomɛ, teŋɛ he nyoa haa baɡɛ n mɛɛ Kooro Devid waa ɛ he bonɔɔ la ta, ɡɛ haa ŋɔa ŋɔ, dɛ o bii do sie dɛɛ teŋɛ he waa ta, ɡɛ he Mmarare aa dɛ baɡle la aa, o naanar bini bɛlee dɛ́ so Israel tena kora ta he sie.

2 Koranar 10:31

Kɛ ane a bwa, Kooro Jehu ta Korowii Israel tena aa dɛ tomɔ la mmarare ta teŋɛ o bambile bwa ne, dɛ teŋɛ wechɔɡa Kooro Jɛroboam aa ɛa, dɛ ɡel Israel tena ɡe ɛ wechɔɡa la ta.

Mmarare 33:4

Ya dɛ teŋɛ Mmara Mosis aa kpɔa tɛ yaa la ta, o ɛ ya harɛ nɔ kpaŋjoɡo yaa dɔa.

Mmarare 5:32

Asɛ Mosis ŋɔ ba be ŋɔ, “Hé nyiŋi kɛrɛdɛ dɛɛ ɛ waa Korowii yaa dɛ tomɔ aa dɛ bol he be nɔ. He bɛ sie laa kpɔ a ta.

Mmarare 5:1

Mosis cheme Israel tena bwa dɛ ŋɔ ba be ŋɔ, “Hé no waa maa dɛ ba bola fini nɔ kɛrɛdɛ dɛɛ teŋɛ a ta. A ɛ Korowii Mmarare waa kpɔa tɛ heya.

Nɛra Kura 5:21

Kórowii ɡel he hwie serewe, dɛ́ do jeɡre he tea su, dɛ́ ɡel he nɛra taahne dɛ́ vɛɛh.

Nehemia 9:38

Anɔ bwa aa chiɡa nomanta, ya Israel tena dɛ baɡɛ nyoa dɛ́ chwera, ásɛ ya nomonome ne Lewi dea tena dɛ sɔfore kpɔ ba nonibala ɛɡre fɔo nɔ lɔɡa.”

Jeremia 34:15

Dɛ ɛ tɔpera tamaa ane aa baa kaa, he charɛ he liire dɛ ɛ wa aa toɡra n sie, he bini bɛlbwa tɛ o dɔŋ waa ɛ yom ŋwɛnɛ o di o nyu. Hale dɛ fɔwɛ fɔo n sie, n Dea bonɔ haa dɛ tom mɛ.

Lewi Dea Tena 20:26

A chɛ kɛŋɔ hé do ɡoroŋ dɛ́ che tɛ mɛ, dɛkalkɛ men Korowii n do ɡoroŋ, asɛ dɛ le heyaa cheɡ harɛre nɛra bwa bini, dɛ kpɔ heyaa ɛ n nɛra.

1 Webena 9:2

Nɛra baa tɔ sie dɛ berɛ ba so ba ɡbaɡba deremi ta ne ba bwɛɛre ta laanee, Israel tena la bini bane ne sɔfore ne Lewi dea tena, dɛ bonɔɔna baa dɛ ɛ Korowii Dea toma.

Nehemia 7:46

Bonɔɔna baa dɛ ɛ toma Korowii Dea ɡee nɔ, ba naanaree, Siha ne Hasufa dɛ Tabaot,

Nehemia 8:2

Anomanta, korobie la tɔpeloɡle ta, sɔfo Ɛsra kpɔ Mmara Tɔn la, dɛ ba che baala ne haahna, dɛ bechale baa kpeɡa dɛ won waa mun noe sie.

Nehemia 8:3

O kure tɔn la Nee Doonyoa la sie, nɛnlaa la sie, le chɔmbibi ka tel kɛŋɔ wee aa baa che nyufala, asɛ ba bwa cheɡ deŋne dɛɛ no waa aa lɔ Mmara Tɔn la bini kɛrɛdɛ.

Nehemia 9:2

Ba bini banɔ la baa ɛ Israel tena naanar la, pere ba te le banɔ la baa ɛ nɛŋhɔɔhra naanar la bini, dɛ ka che dɛ bol ba wechɔɡa, ne ba naawa nyubinikpeɡ waa baɡle Korowii.