Neehum 1:6 - mzwDBL

⁶ O baah diu waa, umee dɛ́ won che a nyoa ɔ? Umee dɛ́ won ba o sie o bandichɔɡe ta nɔ? O baah diu kohona naa, a do kɛŋɔ baa fuɡe nii ta ken, bwea bwa dɛ peɡri burbur ken o sie.

Neehum 1:6 Referans Kwoze

Jeremia 10:10

Kɛ hen N Naa Korowii, he waa dɔ kasinteŋ, henee kooro haa lole saŋ bɛlbwa. He baah diu waa, harɛ bwa dɛ chel, harɛre nɛra aa won che he bandia nyoa.

Malakae 3:2

Umee dɛ́ won che o sie o bala tɔpere la ta nɔ? Umee dɛ́ won le a nyoa ɔ? Wɛɛ ɛo kɛŋɔ nii baa kpɔa dɛɛ mwɛɛ bune dɛ laa doŋa dɛɛ kpɔ a ta, kɛɛ simina waa nyɛɡa ken.

Neehum 1:2

Korowii dɛ mee, dɛ ɡel o dɔma wechɔɡa ɛɛ ɡure ba nɛ. O baah dɛ di ba nɛɛ wɛɛ bɔ ba kem bwaawee ne, dɛɛ tɛr banɔ la baa haoh deŋne. O teŋɔ kpɔ o bandia dɛɛ ta o dɔma nɛ.

Yela 76:7

N Naa Korowii, he ɡbosoo nɛra bwa ɛɛ ɔmɛ, he baah diu waa, nomɛlbwa aa won che he sie.

Ɛsekeɛl 30:16

Mɛɛ fuh Ijipt harɛɛ, ásɛ lokua chole bwɛjen Pɛloseɔm tena nɛ. Baa kuuɡi bwɛjen Tebes danjwɛɛre aa baroo la, ásɛ bwɛjen Mɛmfes tena ɛɛ na weweele saŋ bɛlbwa.

Wiile 4:11

Korowii baah diu kohona, asɛ o choŋi nii dɛ fuh Saayɔn bwa dɛɛboo ken.

Wiile 2:4

O do kɛŋɔ dɔm waa harɛ o to pa ba nɛ, dɛ kpoo nɛra ba sie aa dɛ lɛ ba nɛ dɛɛ nyin ba kohona. O bandia kohona la ba Jerusalam tena nɛ.

Aesaya 27:4

N baah ta daa koo nɔ waa cheɡa tɛ n nɛra la nɛɛ dii, kɛ dɛ jabalnadaŋɛre ne sɔɔhne aa cheɡa tɛ ba dɔma, leɔ dɛ tɔ ba nɛɛ tenaa, mɛɛ jo ba binii dɛ́ chɔɡ ba.

Aesaya 10:16

Anomanta, Korowii, Koranar Bwa Kooro ɛɛ kpɔ ɡwaŋa weelaa ta Asiiria koojen laa tena baa kpeɡa kohona nɛ, ásɛ dɛ chɔɡ o jirima kɛŋɔ nii yon fuh kon tonɛ la.

Yela 90:11

Umee nyɔ he bandia danana nee kaɔ? Umee jemɛ ɔmee aa lɔ he bandia kohona ta nɔ?

Yela 2:12

Hé kpɔ he te tɛ Korowii bie la, ásɛ o baah bɛ di dɛ́ chɔɡ heya. O baah won dii saŋ bɛlbwa. Nɛra baa chwaa kaa marɔ la bwa, ba na som.

1 Koranar 19:11

Asɛ Korowii ŋɔ, “Le ka che bwe la doa n sie. Asɛ men Korowii teŋe ba kaa.” Asɛ peu o nyoa aa kpeɡa tɔ o sie, dɛ paɡre deŋɡarere, dɛ peɡri bweɡuŋe. Kɛ dɛ Korowii toole peu la bini. Peu la aa taa tonɛ la, harɛ jiɡro, kɛ dɛ Korowii toole harɛ waa jiɡra la ta.

Wepila 16:8

Nyundua torome naarɛte la ɡe leɔ, dɛ ka fuɡe o kwaa ta wee ta, asɛ a tɛo kpeɡri wɛɛ nyaa kɛŋɔ nii ken,

Wepila 16:1

N berɔ no takpeɡ bɛl o le Korowii Dea la bini, dɛ ŋɔ nyundua toroma banuanɛ la be ŋɔ, “Hé kaa dɛ́ ka fuɡe Korowii bandia la aa lɔ loɡa anuanɛ bini la ta harɛ.”

Wepila 6:17

dɛkalkɛŋɔ ba tɔpejen la telo, nɛra ɛɛ ba ba danana nee nyɔe. Anomanta, umee dɛ́ won le a nyoa ɔ?”

Job Tɔn 40:11

Nyiŋi nɛra baa dɛ ɛ mbarafo, ɡel he baah di ba nɛ, ásɛ ba nyoa sɔɔh,

Yela 130:3

Dɛ he fe chwerɛ nɛn wechɔɡa waa dɛ ɛ dɛɛ bil aa, umee dɛ́ fe leɔ?

Aesaya 13:13

Mɛɛ ɡeloo nyundua yiiɡi, ásɛ harɛ jiɡri dɛ́ le o chebɔr, ɡɛ tɔpere men Koranar Bwa Kooro aa baɡle n bandia harɛ nɔ ta la.

Aesaya 66:15

He na, Korowii kpɔ o torɔɡore dɛɛ ba nii ne kɛŋɔ kawulewule. O baah dɛ fuh kohona, wɛɛ ba ó ba tɛr nɛra deŋne.

Jeremia 21:12

Kooro Devid naanar, waa Korowii aa dɛ bol laanee nɔ. ‘Hé na kɛŋɔ waa aa wera dɛ toɡre lole tɔpere bɛlbwa, hé lɛ nɛra baa dɛ fiɡ ba le ba dɔɔranar nɔn ta, nɛra baa lɛ ba laala bwa la. Dɛ ɡɛ laa aa, n bandia ɛɛ fuuh kohona kɛŋɔ nii ken, bɛlbwa aa wola won sɔɔh o nyoa, wechɔɡa haa ɛa la wa.

Ɛsekeɛl 7:8

Maa biɡri dɛ́ kpɔ n bandia ba he nɛ, mɛɛ bol he waa haa ɛa la waa dɛ́ tɛr he deŋne waa maa kia he ɛa la wa.

Ɛsekeɛl 21:31

Mɛɛ kpɔ n banfuih ba ta he nɛ, dɛ́ kpɔ heyaa do nyubinikpeɡ tena baa won kwaa chɔɡa kohona nɔn ta.

Ɛsekeɛl 39:6

Mɛɛ kpɔ niinii ba fuh Maɡɔɡ harɛ ne nɛra baa soɡe deŋnesɔɔhna ta mpo nyoo, ásɛ ba jemɛ kɛŋɔ menee Korowii.

Sefania 2:2

mɔɔ Tɔpere Korowii aa lea cheɡ o do ɔma, dɛ́ kpɔ heya kɛŋɔ peu aa taa dɛ́ kpɔ haahra kaa la tel, mɔɔ Korowii bandia saŋ la ba, ásɛ o bwaawee bɛ he nɛɛ ir kohona.

Malakae 4:1

Koranar Bwa Kooro ŋɔ, “Hé no, tɔpere men Korowii aa dɛ ba ba bol nɛra baa dɛ baɡle ba te, ne wechɔɡ-ɛɛra waa la dɛ ba kpela. Baa fuuh kɛŋɔ kpɔɡa ken, ba komɛlbwa aa wola ka.

Job Tɔn 9:5

O huɡri bwejena dɛɛ ta, o baah diu waa, o dɛ chɔɡa.

Job Tɔn 26:11

Dɛ Korowii ŋɔ wɛɛ chɔɡ pilare aa lawɛ nyundua kpoŋe laanee yaa, aa yiiɡuu ɔmee lawa.

Yela 76:8

Nyundua he che bol nɛra waa dɛɛ pa bole, asɛ harɛ nɔ ta nɛra ɔmɛ dɛ hel jeih ken,

Aesaya 33:14

Wechɔɡ-ɛɛra baa lɔ Jerusalam dɛ ɔmɛ, nɛra baa wola Korowii tomɛ la bwara dɛ sa. Ba ŋɔ, “Ya bini umee dɛ won so nii aa dɛ hɔ aa wola dime, dɛɛ chɔɡ kwaa nɔ jwɛh ɔ?”

Wiile 2:3

O cheɡɛ o bandia kohona ta, dɛ sɔɔh Israel nɛŋkpeɡa nyoa. Gɛ saŋ ba dɔma aa ba ba nɛɛ la, o berɛ habɔɔ kpo ba, o ta ban chae. O baah di Israel tena nɛɛ kohona, o chɔɡ ba kɛŋɔ nii yon fuh dɛ chɔɡ komɛlbwa la.