Mumpar 8:20 - mzwDBL

²⁰ Nowa pa bwea dawɛ dɔŋa nɛ, asɛ dɛ lawɛ ola ne jumbii Korowii aa ŋɔa bá di la bini beŋkpoŋa, dɛ kpoora dɛ fuah ɛ saraha kon la ta, dɛ kpɔ jam Korowii.

Mumpar 8:20 Referans Kwoze

Tɔn Pɔɔl Aa Chwerɛ Rom Tena 12:1

Anomanta, yabala, n dɛ soŋe heya. Hé nyiŋi Korowii suna waa sune ya nɛɛ la dɛ́ kpɔ he te tɛo. Gɛ baa kpɔ kondɛɛɡa aa chɛ Korowii dɛɛ su o siwi dɛ kpo dɛ ɛ saraha tɛo dɛɛ tomɔ la, hé ɡe kpɔ he te kɛŋɔ ɡɛ saraha la, dɛ́ laa doŋa bɛlbwa kpɔ he nɛɛ dɛɛ tomɔ he bokpeɡa ne. Gɛɛ a chɛ kɛ hɛɛ tomɛ Korowii.

Mumpar 22:9

Baa kaa tel bela Korowii aa chaɡle Abraham la, o kwaa kon baa dɛ fuh kwaa o ta dɛɛ jam Korowii la bɛl bela, asɛ dɛ pa daa darawe o ta. O vɔrɔwe o bie Aesek dɛ kpɔɔ dawɛ daa la doa.

1 Pita 2:9

Kɛ he te la, Korowiirii le heya. O Kora sɔforee heya. He do ɡoroŋ. He ɛ o nɛra waa le heyaa ŋɔ hɛ́ɛ bol o nyokpowaa waa ɛa. On le he ne biro ta dɛ ba he ne o bochaah waa wera kohona la ta.

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Hibru 13:10

Juu tena sɔfore baa dɛ ɛ toma Korowii Tɛnte Dea bini la ta ŋwɛnɛ dɔe kɛŋɔ ba di ya saraha kwaa yaa dɛ di la ane.

Kaala 10:25

Asɛ Mosis chaŋe ŋɔ “A chɛ kɛ yá kpɔ kondɛɛra yaa ka kpoo ɛ saraha dɛ́ fuh ane tɛ Korowii yaa dɛ tomɔ la.

Mumpar 35:7

Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.

Mumpar 35:1

Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”

Mumpar 33:20

O ɛ kon baa ɛ saraha o ta dɛɛ tɛ Korowii bela, asɛ dɛ pa o sɔn ‘Korowii Israel tena aa dɛ tomɔ’.

Mumpar 26:25

Belaa Aesek ɛ kon baa ɛ saraha o ta dɛɛ tɛ Korowii bela dɛɛ tomɔ. O baŋre o tɛnte dea, asɛ o bonɔɔna la kwi kɔlɔŋ bela ja.

Mumpar 13:18

Asɛ o ir bela waa soɡa la, dɛ ba so dajena ane mun Mamre, o bɛne bwɛɛ bɛl sɔne Hɛbrɔn. Asɛ o kwaa kon waa kpoo kwaa dɛɛ ɛ saraha o ta tɛ Korowii bela.

Mumpar 13:4

bela o fa aa pa bwea dawɛ dɔŋa nɛ dɛ kwaa kon dɛ kpo kwaa dɛɛ tɛ Korowii o ta la, dɛ tomɛ Korowii bela kɛrɛdɛ.

Mumpar 7:2

Kpɔ ola bwa soo siwi maa wola an kie bele anuanɛ, a bini bɛlbwa onnee ne bal kaa daka la bini, ásɛ ola bwa soo siwi maa kia ɡe bɛlbwa beŋkpoŋ, onnee ne ombal.

Mumpar 4:4

Asɛ Ebel ɡe nyiŋi o peera la bini dɛ lawɛ a biloɡla la dɛ kpoora, asɛ dɛ kpɔ a bodɛɛɡa bɔra la ka ɛ saraha tɛ Korowii. Korowii sie lɛ saraha Ebel aa baa ɛ tɛo la ta taeh,

Mumpar 22:2

Belaa o ŋɔ o be ŋɔ, “Kpɔ he bibeŋkpoŋ Aesek haa dɛ nyin o waa la kaa Moria harɛ ta dɛ́ ka kpoo, dɛ́ fuuh ɛ saraha tɛ mɛ. Mɛɛ baɡlee bwejen bɛl haa ka ɛ saraha la o taa.”

Mumpar 8:19

Ola ne kwaa aa dɛ tuuɡi tea ta, ne anɔ la aa dɛ huuh, ne jumbii bwa aa dɛ le la, dɛ a bini bɛlbwa ne a soo siwii, asɛ a teŋɛ dɔŋa nɛɛ dɛɛ le.

Job Tɔn 1:5

Ba di kondikonjena la dɛ bar chiɡ tonaa, ba mɛɛ Job yon ir chɔɔ, dɛ kpo kon ɛ saraha soŋe ba wechɔɡa Korowii be, bɛlbwa nyu ta. O yon lii ŋɔ, “N bii nɔ ken ɛ wechɔɡa, dɛ jo Korowii nɛɛ ba ta jemɛ.” Dɛ waa Job aa dɛ ɛ saŋ bɛlbwa laanee la.

Mumpar 7:3

Jumbii ɡe, he kpɔ bele anuanɛ, onnee ne ombal. N dɛ nyin kɛ he ɛ ɡɛ maa baɡla nɔ, ásɛ a bini bɛlbwa soo siwi mun bɛ he, dɛ́ won ya kerekere.

Kaala 29:18

Ásɛ dɛ fuh o bwa saraha kon la ta. A ɛ saraha kon baa dɛ fuh o bwa o sɔɔh ɛɛ do som n be.

Kaala 29:25

Berɛ lɛ saraha kwaa la ba be, ásɛ dɛ kpɔ ja anɔ la baa fuah la ta, dɛ́ fuah saraha kon la ta. A ɛ saraha baa fuh a bwa a sɔɔh ɛɛ do som n be.

Nɛra Kura 7:21

ne nabale beŋkpoŋ dɛ pebale beŋkpoŋ aa di benanyoa bá kpɔ ɛ saraha baa dɛ fuah,