Mumpar 7:21 - mzwDBL

²¹ Korowii kontaala bwa, nɛwɛnyina ne ola, ne kwaa aa dɛ tuuɡi tea ta, ne anɔ la aa dɛ huuh, dɛ jumbii bwaa serewa.

Mumpar 7:21 Referans Kwoze

Mumpar 6:13

Asɛ Korowii ŋɔ Nowa be ŋɔ, “N dɛ ba nɛra bwa chɔɡa le harɛ nɔ ta. Mɛɛ chɔɡ baa, dɛkalkɛ ba ɡelɔ naɡrenyin we-ɛɛla perɛ harɛ ta bwa. Kasinteŋ, mɛɛ chɔɡ ba ne harɛ bwaa.

Mumpar 7:4

Le fini dɛɛ kaa o yawanyoa, n dɛ ba ɡela bwaala nɛ kohona, waa ɡel bwa tɔpera fifraanaarɛ, dɛ́ chɔɡ komɛlbwa maa tao.”

Mumpar 6:17

N dɛ ba ɡela nee su dɛ́ tɔ harɛ nɔ bobɛlbwa, ásɛ dɛ chɔɡ n kontaala bwa. Komɛlbwa waa lɔ harɛ nɔ ta te bwa dɛ ba sewa.

Tɔn Pɔɔl Aa Chwerɛ Rom Tena 8:20

A dɛ yo dɛ yo kaahonɛ, dɛkalkɛŋɔ a ta a te dɔe. Korowiirii taa o tetoora ta kɛŋɔ a bɛ kpeɡri dɔ. Kɛ a dɛ hwɛɡɛ

2 Pita 2:5

O ta a saŋ la tena ɡelɛ. O ɡelɔ nee su tɔ nɛra baa wola on ɔmɛ la nɛ. Nɛra waa ɡel ba bwaa Nowa o fa aa dɛ chaɡle nɛra ŋɔ bá ɡel ba waa toɡre Korowii be la, ne nɛra banuanɛ.

Tɔn Pɔɔl Aa Chwerɛ Rom Tena 8:22

Ya jemɔ kɛŋɔ ba le fini, Korowii kontaala bwa bwara dɛ nyɛɡ, aa pɛmɛ kɛŋɔ lol tea aa lɔ haah o yon dɛɛ pɛmɛ la.

Amanesoma Luk Aa Chwera Tɔn 17:27

Nowa bere saŋ la, dɛ ba dɛ di kwa, dɛɛ nyɔ sene, dɛɛ mo haahna, dɛ lawɛ haahna tɛ baala baa mo, dɛ ka tel kɛŋɔ awola Nowa aa jo o daka la bini, asɛ bwaala nɛ aaa, mpo ne neerare bwa su tɔ harɛ bwa, asɛ ba bwa serewe kwaraa.

Matiu 24:39

Kɛ ba ta wone jemɛ waa aa dɛ ba bala ka tel ɡɛ saŋ nee la aa sua dɛ ba kpɔ ba bwa kaa. Gɛɛ Men Nɛn Bie la bala la ɛɛ ba nɛra piɡra.

Sefania 1:3

Mɛɛ chɔɡ nɛwɛnyina ne ola bwaa, ne jumbii aa dɛ ɡah nyundua, ne mpo bini pɛŋa bwa. Nɛnchɔɡa ɛɛ daŋɔɔ chɔ kɛŋɔ dea aa chola chɔ ken, dɛ́ chɔɡ nɛwɛnyina bwa, nomɛlbwa aa wola ka. Men Korowiirii bola.

Joel 2:3

A dɛ chɔɡ kwaa kɛŋɔ nii yon fuh kwaa dɛ chɔɡa la. Harɛ waa chɔ a sie do kɛ Korowii bodɛɛɡe Eden ken, asɛ pua hɛŋle ɡbo harɛ chɔ a habɔɔ, komɛlbwa aa won chwa le a be.

Hosia 4:3

A ɡɛ nomanta, harɛ la holɔ dɛ chɔɡ, ásɛ kwaa aa lɔ o ta bwa serewe. Kpɔɡ bini ola ne jumbii dɛ mpo bini pɛŋa bwa dɛ serewe.”

Aesaya 24:19

Harɛ ɛɛ peroo, wɛɛ jiɡruu dɛ́ peɡri.

Aesaya 24:6

Anomanta, Korowii taah harɛ bwa, nɛra baa lɔ o ta la ɛɛ dɔ ba wechɔɡa kembɔree. Anomanta, wɛɛ kpɔ niinii tɛr ba deŋne dɛ́ fuuh ba, ba bini tamaa ken ka.

Mumpar 1:25

Korowii ta a bini bɛlbwa soo siwi. Waa na kwaa waa taa la, o nao kɛŋɔ a wer.

Job Tɔn 34:15

nɛwɛnyina bwa fe ɛɛ pɛo serewe, dɛ́ bwa berɛ kaa teera bini.