Mumpar 6:9 - mzwDBL

⁹ Kenii Nowa bwara waa do. Waa ira ɡɛ saŋ la, dɛ o ɡboo ɛ nomɛl o wa aa toɡra, wechɔɡa bɛlbwa aa wola toole o nɛ. Anomanta, o ne Korowii kpɔ darame.

Mumpar 6:9 Referans Kwoze

Amanesoma Luk Aa Chwera Tɔn 1:6

Dɛ ɡɛ nɛra banɛ nɔ bwa ɛ nɛndɛɛɡa ba waa aa su Korowii siwi, baa no Korowii wa, dɛɛ teŋɛ a bwa ta kɛrɛdɛ.

Hibru 11:7

Yarada taa a che Korowii aa kah Nowa waa a ta aa lɔ sie dɛɛ ba bala la, o no, dɛ o ta an nae mɔɔ. O noɔ dɛ kwaa daka o ne o haah ne bii jo o bini, ba ta serewɛ. Nowa te aa yaradaa, asɛ nɛwɛnyina baa kaa la aa wola yaradae la, a ɡelɔ nɛwɛnyina bwa di bolchɔɡe, asɛ dɛ ɡel o ɛ nɛra aa cheɡɛ ba yarada ta, asɛ ba waa su Korowii siwi la bɛl.

2 Pita 2:5

O ta a saŋ la tena ɡelɛ. O ɡelɔ nee su tɔ nɛra baa wola on ɔmɛ la nɛ. Nɛra waa ɡel ba bwaa Nowa o fa aa dɛ chaɡle nɛra ŋɔ bá ɡel ba waa toɡre Korowii be la, ne nɛra banuanɛ.

Mumpar 7:1

Korowii ŋɔ Nowa be ŋɔ, “He ne he bii ne he bii haahna bwa ka jo daka la bini. N nao kɛŋɔ harɛ nɔ ta, he ɡboo ɛ nɛn he wa aa toɡra.

Mumpar 5:24

Waa kpɔ Korowii darame dɛ biɡri o soɡa bini nomanta, Korowii baa kpɔɔ kaa o be nyundua. Nomɛlbwa ta on nae kpa.

Galaasia 3:11

Taraken nɔ, ya nao kɛŋɔ nomɛlbwa aa won che Mosis Mmara la ta dɛ́ ɛ nɛndɛɛɡe o waa su Korowii siwi, dɛkalkɛŋɔ nomɛlbwa aa won teŋɛ a bwa ta. Korowii Tɔn baɡlɔ ŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Mumpar 17:1

Abram aa di bene fifraanuanaarɛ dɛ anuanaarɛ la, Korowii ba o be deera ta dɛ ba ŋɔ o be ŋɔ, “Menee Kpeɡri Bwa Dɔɔ la. Dɛɛ no n wa, dɛɛ ɛ waa aa toɡra.

Mumpar 5:22

A habɔɔ la, o ne Korowii kpɔ darame bene lafraatoro dɛ lolɛ o bibaala ne bihaahna bane ɡe.

Ɛsekeɛl 14:14

Hale dɛ Nowa ne Danɛl dɛ Job ba wa aa toɡra la kwaraa lɔ bela aa, ba wedɛɛɡa la aa won lɛ nomɛlbwa, atane ba ɡbo. Men Nemenɛ Korowiirii bola.

Job Tɔn 1:1

Baa bɛl fa lole, o sɔne Job, dɛ do harɛ bɛl ta baa yerɛ bela Us. Wobɛlbwa toole o nɛ, o waa toɡre. O dɛ tomɛ Korowii, dɛ laa o te dɛɛ kpɔ wechɔɡa ta.

Mumpar 2:4

Kenii Korowii ta nyundua ne harɛ. Korowii aa ta nyundua ne harɛ la,

1 Pita 2:5

he ɡe do kɛ bwea aa dɔ mkpa. Hé ɡel o kpɔ heyaa ma Korowii Dea ásɛ he ɛ Korowii sɔfore haa do ɡoroŋ, ásɛ dɛ che Yeesu Kristo nɛɛ dɛɛ tomɛ Korowii bambile bwa ne a ɛ saraha dɛɛ su o siwi.

Wejereme 7:20

Nɛn o wa aa toɡra beŋkpoŋ kwaraa toole harɛ nɔ ta, dɛɛ ɛ wa aa toɡra waa wola wechɔɡa ɛ.

We-ɛɛla 10:22

Asɛ ba ŋɔ, “Soojare nomoa Kɔnɛɛleɔs laanee tomɛ yaa. O ɛ nɛndɛɛɡe waa dɛ tomɛ Korowii, asɛ Juu tena bwa ɛɛ duuru. Nyundua torome bɛlee ŋɔ o be ŋɔ ó yerɛ ba o dem dɛ no waa haa dɛ ba o be bola.”

Ɛsekeɛl 14:20

hale dɛ Nowa ne Daneɛl dɛ Job lɔ bela kwaraa naa, n ŋwɛɛrɔ kɛŋɔ men Nemenɛ Korowii taa lole nɔ, baa wona ba dɛ́ lɛ ba bibaala kɛɛ bihaahna. Ba ɡboo dɛ́ won dɔ ba nyu ba wedɛɛɡa wa.”

Job Tɔn 1:8

Korowii ŋɔ o be ŋɔ, “Ɛrɛɛ he na n bonɔɔ Job waɔ? Nomɛlbwa toole o waa toɡre kɛ on harɛ nɔ ta, wechɔɡe bɛlbwa toole o nɛ, o dɛ tom mɛ, o laa o te dɛɛ kpɔ wechɔɡa ta.”

Tɔn Pɔɔl Aa Chwerɛ Rom Tena 1:17

Yeesu Amanesoma laanee dɛɛ baɡle ɡɛ Korowii aa dɛ nyin kɛŋɔ nɛwɛnyini do ásɛ ya waa su o siwi. Le waa la mumpar ka tel a jaɡa bwa, o waa yaradae waa ɡboo a bwa. Korowii Tɔn baɡlɔ kɛŋɔ, “Naate o wa aa toɡra dɛ su Korowii siwi la, wɛɛ yaradao dɛ́ dɔ o nyu.”

Amanesoma Luk Aa Chwera Tɔn 23:50

Dɛ baa bɛl sɔne Josef, o ɛ Juu te dɛ le Arimatea. Dɛ o ja nomonome baa bol Yeesu waa la nɛ, dɛ o dɛ ɔmɛ Korowii dɛ ɛ nɛndɛɛɡe,

Amanesoma Luk Aa Chwera Tɔn 2:25

A ɡɛ saŋ la dɛ baa bɛl lɔ Jerusalam baa yerɔ Simeon. O ɛ nɛndɛɛɡe, dɛɛ ɔmɛ Korowii, dɛ o dɛ nyiŋi naate waa dɛ ba ó ba lɛ Israel tena ŋwɛnɛ. Dɛ Korowii Domadɛɛɡe ir o nɛ,

Habakuk 2:4

Wepila laanee nɔ, Babelɔn tena baa ɛ nyubinikpeɡ tena aa ba nyuu dɔ, kɛ naate o waa aa toɡra dɛɛ su Korowii siwi la, wɛɛ yaradao dɛ́ dɔ o nyu.

Sɛɡla 4:18

Nɛra ba wa aa toɡra waa do kɛŋɔ, bɔr aa chaahna chɔmbibii ka tel kɛŋɔ wee aa baŋa.

Yela 37:37

Hé nyiŋi nɛra ba wa aa toɡra na, ba dɔ deŋnesɔɔhna ba kerekere soɡa bini.

2 Webena 15:17

A lole kɛŋɔ Kooro Asa ta bela voɡtoroma aa soɡa dɛɛ tomɛ ba voɡa bwa chɔɡɛ le Israel harɛ ta te, kɛ dɛ o bambile cheɡɛ Korowii nɛɛ o soɡa bini bwa.

Mumpar 48:15

Asɛ o soŋe tɛ Josef ŋɔ, “Korowii n mɛɛ Abraham ne Aesek aa tomɔ la swee bii nɔ andɛɛɡa. Korowii waa dɛ nyiŋi n nɛɛ, dɛ ba le fini tɔpere nɔ swee ba andɛɛɡa.

Job Tɔn 12:4

N berɛ akwekwe nɛn n daamanar be, ba dɛ mam mɛ, kɛ n waa toɡrɔ, wechɔɡa bɛlbwa toole n nɛ, Korowii fa no n wesoŋa ka.

1 Koranar 3:6

Kooro Solomɔn chaŋe ŋɔ, “He nyin n mɛɛ Kooro Devid waa ɛ he bonɔɔ kohona, dɛkalkɛŋɔ o waa dɔ kasinteŋ, o waa toɡrɔ o tea ɡe to. He teŋɛ he nyina aa wola jaɡa dɔe ta, dɛ tɛo bibaa o chiɡ o naa ta, dɛɛ di kora fini nɔ.

2 Webena 25:2

Kooro Amasea ɛ waa aa too Korowii tea, kɛ dɛ o bambile bwa ne laa.

Mumpar 10:1

Kenii Nowa bibaala Sɛm ne Ham dɛ Jafɛt waa do. Nee la aa sua dɛ hweeh la, ba bwa loɡle bibaala.

Mumpar 5:1

Kenii Adam naanar teŋɛ dɔŋa nɛ. Korowii aa ta nɛwɛnyina la, o ta ba ɡɛ o tenten aa doa.

Mumpar 6:10

O lolɛ bibaala batoro asɛ dɛ pa bɛl sɔn Sɛm, nɛɛte ɡe Ham, asɛ toorote la ɡe Jafɛt.

Mmarare 18:13

A chɛ kɛŋɔ hé waa do kaih Korowii haa dɛ tomɔ nɔ be.”

2 Samoɛl 22:24

O jemɔ kɛ wechɔɡe bɛlbwa toole n nɛ, n laa n te kpɔ wechɔɡa ta.

Yela 37:39

Korowii dɛ lɛ nɛra ba wa aa toɡra, dɛɛ lɛɛ ba ba wenaale ta.