Mumpar 50:25 - mzwDBL

²⁵ Asɛ Josef berɛ ŋɔ ba be ŋɔ, “Hé ŋwɛɛ baɡ mɛ kɛŋɔ Korowii tɔ he sie dɛ kaa he ne harɛ la ta naa, hɛɛ kpɔ n lalee kaa.”

Mumpar 50:25 Referans Kwoze

Josua 24:32

Gɛ saŋ baa le Ijipt harɛ ta dɛɛ ba la, ba kpɔ Josef hoɡa kaa dɛ ka huɡe Sɛkem. Harɛ Jekɔb aa yawa le Sɛkem bibaa Hamɔ bibaala be suuɡapoŋa lafa la ta. Harɛ la baa ɛ Josef naanar kapɛrɛ kon.

Kaala 13:19

Mosis aa dɛ kaa la, o pa Josef hoɡa dɛkalkɛ Josef ɡelɔ Jekɔb bii fa ŋwɛɛ baɡlo. O ŋɔ, “Korowii ɛɛ ba lɛ heyaa, anomanta, a chɛ kɛ hé kpɔ n chɔɔ le bonɔ harɛ nɔ ta.”

Hibru 11:22

Josef aa dɛ ba sewa la, o ŋɔ Israel tena be ŋɔ baa le Ijipt harɛ taa, dɛ baɡle ɡɛ baa kaa o hoɡa ne ka huɡe bwa. Waa dɛ yarada Korowii la waa o won ɛ ɡɛ.

We-ɛɛla 7:16

Baa serewa la, ba kpɔ ba kaa Sɛkem, dɛ ka huɡ ba lalbɔɔ la Abraham fa aa yawa Hamɔ dea tena be la ta.

Mumpar 50:5

N mɛɛ aa dɛ ba sewa la, o ɡelɔ n ŋwɛɛ baɡlo kɛŋɔ mɛɛ huɡoo bwebɔɔ waa kwaaro o do Keenan harɛ ta laanee. Anomanta, n dɛ soŋe, ó ɡel ń la ka huɡe n mɛɛ, ásɛ dɛ berɛ ba.”

Kaala 3:8

N tuo ba dɛ́ ba lɛɛ ba le Ijipt tena nɔn ta, ásɛ dɛ berɛ kpɔ ba ba harɛpare ondɛɛge ta. O do som Keenan ne Hiti ne Amɔre ne Pɛrɛs ne Hivi dɛ Jebus tena harɛ baa soɡe o ta la ta.

Kaala 3:17

Anomanta, o ŋɔ, wɛɛ lawɛ heyaa le Ijipt harɛ bela baa dɛ ɛ heyaa hɔhɔrɔwa kohona la, dɛ́ kaa he ne harɛpare ondɛɛɡe ta. Bela Keenan ne Hiti ne Amɔre ne Pɛrɛs ne Hivi dɛ Jebus tena aa soɡa la.’

Kaala 13:18

Anomanta, o kpɔ ba bar kpɔ ŋwɛnɛ waa chɔa kaa pua hɛŋle ɡbo harɛ ta, Mposwɛm pera. Dɛ Israel tena vɔwɛ ntoa, dɛ le Ijipt harɛ dɛɛ ba ba yo.

Rut Tɔn 1:6

A habɔɔ la, o baa no kɛŋɔ Korowii cha o harɛ ta nɛra dɛ ɡel ba dɔ kondikwa. Anomanta, o ne o bii la haahna la kpɔ ba te ásɛ dɛ berɛ kaa o bwɛ.