Mumpar 5:32 - mzwDBL

³² Nowa ɡe aa baa kpeɡ dɛ di bene lafraanue la, o lolɛ bibaala batoro, asɛ dɛ pa bɛl sɔn Sɛm, bɛl ɡe Ham, asɛ toorote la ɡe Jafɛt.

Mumpar 5:32 Referans Kwoze

Mumpar 10:21

Sɛm waa ɛ Jafɛt dɔɔ la ɡe lolɛ bibaala. Hibru tena bwa naa Sɛm.

Mumpar 6:10

O lolɛ bibaala batoro asɛ dɛ pa bɛl sɔn Sɛm, nɛɛte ɡe Ham, asɛ toorote la ɡe Jafɛt.

Amanesoma Luk Aa Chwera Tɔn 3:36

Seela ɡe mɛɛɛ Keinan, Keinan ɡe mɛɛɛ Aafaksad, Aafaksad ɡe mɛɛɛ Sɛm, asɛ Sɛm la ɡe mɛɛɛ Nowa. Nowa ɡe mɛɛɛ Lamɛk,

Mumpar 10:32

Banɔɔ Nowa naanar, harɛre baa soɡe a ta ne ɡɛ ba deene waa aa doa, ne ɡɛ baa soɡa teŋɛ dɔŋa nɛ. Nee la aa sua bɔle harɛ bwa habɔɔ la, a ɡɛ Nowa bibaala batoro nɔɔ loɡle bii asɛ ba mun ya, nɛwɛnyina warɛ harɛ nɔ ta la.

Mumpar 10:1

Kenii Nowa bibaala Sɛm ne Ham dɛ Jafɛt waa do. Nee la aa sua dɛ hweeh la, ba bwa loɡle bibaala.

Mumpar 7:13

Awola bwaala la aa pa mun laanee Nowa ne o haah ne ba bii batoro, Sɛm ne Ham ne Jafɛt dɛ ba ɡe haahna bwa ka jo daka la bini.

Mumpar 5:31

Waa baa sewɛ la, dɛ o di bene lafraanuanɛ fifraanuanɛ dɛ anuanɛ.

Mumpar 6:1

Nɛwɛnyina aa dɛ warɛ harɛ nɔ ta asɛ dɛɛ loɡle bihaahna la,

Mumpar 7:6

Nowa bene lafraanumɛl taa a ɡɛ nee nɔ su dɛ chɔɡ harɛ nɔ la.

Mumpar 10:6

Ham bibaala waa lol ba laanee, Kus ne Misraim ne Put dɛ Keenan. Ba sɔna nɔ cheɡɔ tɛ ba naanar sɔna.