Mumpar 49:6 - mzwDBL

⁶ Maa ba nɛɛ ja ba wobɛlbwa baa vɔrɔwe ta. Ba baah diu waa, ba dɛ kpoo nɛra, dɛɛ ŋwɛne nae ɡe nakpale pɛɛpɛɛ á bɛ won valɛ.

Mumpar 49:6 Referans Kwoze

Mumpar 34:30

Asɛ Jekɔb ŋɔ Simeon ne Lewi be ŋɔ, “He nyin waa dɛ ba dawɛ n nɛ, dɛ ɡel dɔm ba chɔ n ne Keenan ne Pɛrɛs tena baa soɡe harɛ nɔ ta la baah ta. Yaa wola kanɛ nɔ, dɛ ɡɛ nɛra nɔ kaa pɛ nyoa ŋɔ bá ba yoo mɛ naa, amɔ dɛ ya bwaa dena dɛɛ ba hee laɔ.”

Yela 26:9

Bɛ pɛ chɔɡ n ne wechɔɡ-ɛɛra, bɛ men kpo ja nɛra baa dɛ kpoo nɛra nɛ,

Yela 16:9

Anomanta, n sie lɛo mɛɛ jam hen Korowii, maa wobɛlbwa ɔmɛ kpa,

2 Kɔrent 6:14

He bɛ ɡel he ne nɛra baa wola Korowii waa lɛɛ la pɛ dɛ ɛ beŋkpoŋ, dɛkalkɛ darame bɛlbwa toole wedɛɛɡa ne wechɔɡa baah. Ɛrɛɛ bochaah ne biro ɛɛ ba wona pɛ a maɡre ɔ?

Amanesoma Luk Aa Chwera Tɔn 12:19

O lii waa o nyu bini dɛ ŋɔ, ‘N dɔ kwaa dɛ́ di la sie, mɛɛ diu dɛ́ lɛ n sie dɛ́ so dɛɛ onɛ.’

Jeremia 15:17

N laa n te kpɔ nɛra baa soɡa dɛɛ do ɡbɔɡa, dɛɛ hɛɡre kɛŋɔ sennyɔdɛɛra bini. N ɡbo soɡo, dɛkalkɛ he ja n nɛ, asɛ bwaawee far mɛ.

Jeremia 4:19

Anee Jeremia ŋɔ, “N weweele kan, a kan kohona to! N bwara bwaa dɛɛ wee mɛ mɛɛ beɡre n te. N loo kuu, n bambile ɛɛ lɔ kohona! Maa won tɔ nyoa, dɛkalkɛ n no bɛla sii, dɛ no laa lɔŋɔre.

Yela 64:2

Lɛɛ mɛ le nyubinikpeɡ tena vɔrɔwa nyoa, lɛɛ mɛ le wechɔɡ-ɛɛra baa wara nɔn ta.

Yela 57:8

Mɛɛ iruu che, dɛ́ kpɔ janjela ne kwaa bwa soo siwi lɔ yela! Mɛɛ feluu ir mɔɔ bɔr chaah.

Sɛɡla 12:5

Nɛn o wa aa toɡra bol waa dɛɛ pa bole aŋwɛnɛ ta, kɛ nɛn o nyondoŋe aa bar o nyu te liire ɛ nyosone ɡbosoo.

Sɛɡla 1:11

Dɛ ba ŋɔ he be ŋɔ, “Ba ya ka nyin nɛn kpo, kɛɛ ya ka teŋe ŋwɛnɛ, dɛ́ kpo nɛn ne o tepoŋ pɛɛ,

Yela 139:19

N Naa Korowii, n dɛ nyin kɛ he fe aa kpoo nyubinikpeɡ tena! N dɛ nyin nɛra baa dɛ kpoo nɛra fee ɡel mɛ, ásɛ n bwara sɔɔh mɛ.

Yela 103:1

N dɛ kpɛɛ Korowii n bambile bwa ne! N kpɔ n bwadabii bwa dɛɛ kpɛɛ o sɔn waa do ɡoroŋ la!

Yela 43:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee ɛ n Lɛɛ.

Yela 42:11

Ɛrɛɛ tebinichɔɡ su n bwa ken? Ɛrɛɛ n bambile chɔɡ ken nɔɔ? N kpɔ n hwɛɡa bwa dawɛ hen Korowii nɛ, dɛ berɛ kwaa dɛɛ kpɛɛre ja, henee Korowii maa dɛ tomɛ, henee n Lɛɛ.

Yela 42:5

Ɛrɛɛ n tea bini chɔɡ ken? Ɛrɛɛ n liire bwa chɔɡ ken nɔɔ? N kpɔ n hwɛɡa bwa do hen Korowii nɛ, dɛ berɛ kwaa dɛɛ kpɛɛre ja. Henee ɛ n Lɛɛ,

Yela 30:12

Anomanta, maa nyoa tɔ, mɛɛ ɡo yelaa dɛ́ kpɛɛre. Korowii maa dɛ tomɛ, mɛɛ kpɛɛre saŋ bɛlbwa dɛɛ la.

Yela 28:3

Bɛ pɛ pa n ne nyubinikpeɡ tena bolchɔɡe, nɛra baa dɛ ɛ wechɔɡa la, ba nyoa wobol som ba bala be, kɛ dɛ dɔ liichɔɡa ba nyu bini la.

Yela 5:10

N Naa Korowii, pa ba bole dɛ́ tɛr ba deŋne, ɡel ba ɡbaɡba waa baa vɔrɔwa ɡure ba nyu ta. Doŋ ba le he sie, ba wechɔɡa kohona ne ba deŋnekpeɡ baa dɛ ɛɛ la wa.

Yela 1:1

Nɛra baa wola nɛnchɔɡa we-ɛɛla ta teŋɛ, baa wola waa wechɔɡ-ɛɛra aa dɛ ɛ ɛ, kɛɛ baa wola banɔ la baa dɛ mamɛ Korowii nɛɛ jae la, ba na som.

Sitɔɔla 5:21

Kesɔn Moo palɛ laa tena kaa, Kesɔn Moo waa lole saŋ la bwa lɔ ba kaa. Mɛɛ kaa bambikpeɡ nee!

Mmarare 27:24

Bá berɛ ŋɔ, ‘Nomɛlbwa waa sɔh dɛ́ kpo o dɔŋ la, Kórowii taahno.’ Ásɛ Israel tena la bwa chaŋe ŋɔ, ‘Aamen!’

Josua 11:9

Josua ɛ ɡɛ Korowii aa doo la. O ɡelɔ ba chaa ba jaɡre la nadɛɛne, dɛ fuh torɔɡore baa vɔwa pɛl jaɡre la.

2 Samoɛl 8:4

Kooro Devid lawɛ Kooro Hadadesa kwaa aa do kɛŋɔ torɔɡore kaɡboŋ, ne laa tena baa soɡe laa torɔɡore bini kaɡboŋa banuanɛ, ne laa tena kaɡboŋa fifraanɛ baa dɛ valɛ. O ɡel kwaa aa do kɛ torɔɡore la lafa, ne jaɡre ane aa dɛ ba torɔɡore la tɛɡra, dɛ chaa a kabora habɔɔ nadɛɛne.

1 Webena 18:4

Kooro Devid lawɛ Kooro Hadadesa kwaa aa do kɛŋɔ torɔɡore kaɡboŋ, ne laa tena baa soɡe laa torɔɡore bini kaɡboŋa banuanɛ, dɛ laa tena kaɡboŋa fifraanɛ baa dɛ valɛ. O ɡel kwaa aa do kɛ torɔɡore la lafa, ne jaɡre ane aa dɛ ba torɔɡore la tɛɡra, dɛ chaa a kabora habɔɔ nadɛɛne.