Mumpar 49:29 - mzwDBL

²⁹ Ate, Jekɔb berɛ ŋɔ o bii la be ŋɔ, “Taraken, n dɛ ba sewa. N baa sewaa, hé ka huɡ mɛ n mɛɛwa huɡri bɔr o fa aa lɔ Hiti te Efron koo ta.

Mumpar 49:29 Referans Kwoze

Mumpar 50:13

Ba cheɡɔɔ kaa Keenan harɛ ta, dɛ ka huɡo bwebɔɔ waa lɔ Makpɛla. O bɛne Mamre wee leebɔr koo Abraham aa yawɔ le Hiti te Efron be dɛ kpɔ ɛ huɡri bɔr la.

Mumpar 47:30

N dɛ nyin kɛ he ka huɡ mɛ bela baa huɡe n mɛɛwa. Kaa n ne bela ka huɡe.” Asɛ Josef sɛh ŋɔ, “Mɛɛ ɛ ɡɛɛ.”

Mumpar 15:15

Kɛ he te la, he nyumpona ɛɛ too kpelkpel ken mɔɔ he sewɛ bambisɔɔhna ne bá huɡe.

Hibru 12:23

O binomonome o kapɛrɛ aa ku ba nɔn asɛ ba sɔna do tɔn la aa lɔ o be la ta la ɡba cheme bela. Ba ne Korowii waa dɛ ba nɛra bwa waa bola dɛ́ pa bole la, ne lala ba wa aa toɡra dɛ su o siwi, asɛ o ɡel ba ɛ nɛndɛɛɡa ka tonɛ la bwa bee he ba.

2 Samoɛl 19:37

Gel he bonɔɔ berɛ ba kaa dem dɛ́ ka sewɛ bɛne n lolanar huɡribɔr. N bibaa Kimham ɡee nɔ, kpɔɔ kaa ó kaa tomɛ. N naa kooro, ɛ ɡɛ bɛlbwa aa too he tea tɛo.”

Mumpar 35:29

mɔɔ dɛ sewɛ. Asɛ o bii Esɔ ne Jekɔb huɡo.

Mumpar 23:16

Asɛ Abraham sɛh dɛ bɔ suuɡapoŋa lafraanaarɛ, ɡɛ Efron aa di harɛ la yoɡ ba bala la bwa no la tɛo ba siwi ta. O bɔ ba ɡɛ ba bonadiire aa dɛ peɡra ɡɛ saŋ la.

Mumpar 23:17

Belaa ba kpɔ Efron harɛ waa lɔ Makpɛla dɛ do Mamre wee leebɔr la, ne bwebɔɔ la, ne daa aa lɔ koo la ta bwa,

Mumpar 49:28

Gɛɛ Israel deene fi dɛ anɛ la waa do. Gɛɛ ba mɛɛ Jekɔb bol ɡɛ saŋ waa sweera tɛɛ ba la.

Mumpar 49:33

Jekɔb aa bol o waa bwa tonɛ o bii la be la, o kpɔ o nyu bil kapuri ta dɛ sewɛ.

Mumpar 23:9

kɛŋɔ ó tɛ mɛ bwebɔɔ waa lɔ Makpɛla dɛ ɛ o kon dɛ chɔ o harɛ nyoa la. He ŋɔ o be ŋɔ ó yoɡu ɡɛ o yoɡ aa chɛa tɛ mɛ, ásɛ n dɔ lala huɡri bɔr he be bonɔ.”

Mumpar 23:20

Gɛɛ a ɛ Hiti tena kpɔ harɛ la ne bwebɔɔ la do Abraham nɔn ta ŋɔ ó kpɔ ɛ o lala huɡribɔr.

Mumpar 35:27

Asɛ Jekɔb la o mɛɛ Aesek be Mamre, waa bɛne Hɛbrɔn bela Abraham ne Aesek fa aa soɡa ka la.

Mumpar 50:12

Kenii a ɛ Jekɔb bibaala ɛ ɡɛ waa do ba ŋɔ ba ɛ la.