Mumpar 49:24 - mzwDBL

²⁴ Nemenɛ Korowii, o mɛɛ Jekɔb Kpeɡnɛn waa tomɔ nomanta, wɛɛ do kpeɡrii dɛ́ kpoŋe o to bini kiŋkiŋ. Peteɡre waa dɛ lɛ Israel tena, dɛ do kɛ Bwetal laanee dɛ́ chao.

Mumpar 49:24 Referans Kwoze

Yela 132:2

O ŋwɛɛ ntam baɡle hen Korowii, Nemenɛ Korowii Jekɔb aa tomɛ la ŋɔ,

Aesaya 28:16

Waa Nemenɛ Korowii aa dɛ bolee nɔ. “Na, n pɛne Bwedɛɛɡe o wa aa hiah, dɛ kpɔ pa n Dea mun Saayɔn, o lawɔ kpoŋe kiŋkiŋ.

Yela 132:5

ka tel kɛŋɔ maa nyin sobɔr tɛ N Naa Korowii, Nemenɛ Korowii, Jekɔb Kpeɡnɛn waa tomɔ la.”

Yela 80:1

Israel Peteɡre, no ya wii. Henee tɔ Josef naanar sie kɛŋɔ peteɡre, dɛ so he kookara ta, Kerobim la baah ta.

Yela 18:30

Korowii te, o ŋwɛnɛre bwa wer, o waa bwa toɡrɔ. O do kɛŋɔ ɡbemɡbe, dɛɛ tɛ nɛn waa chwaa baa marɔ.

Job Tɔn 29:20

N nyanyini aa tonɛ bwa, n bwara ɛɛ do kpeɡri saŋ bɛlbwa.

2 Timoti 4:17

Kɛ ya Dɔɔ la cheɡɛ n habɔɔ dɛ tɛ mɛ kpeɡri n won bol Amanesoma la bwa, asɛ nɛra baa wola Juu tena ɛɛ la bwa no. Korowii lɛɛ mɛ le siswɛm ta kɛŋɔ nɛn baa lɛo le nyujente nyoa ta ken.

Ɛfesos 2:20

dɛ ja Yeesu toroma ne o keamere la nɛ. Jae haa ja ba nɛɛ do kɛŋɔ baa dɛ ma dea la. O ɡelɔ he do kɛŋɔ dea danjwɛ. O toroma ne o keamere laanee dea la sol-loɡle, asɛ o ɡbaɡba ɡee bwedɛɛɡe la baa kpɔa pa dea la mun la.

Aesaya 1:24

Anomanta, Korowii, Koranar Bwa Kooro, Israel Kpeɡnɛn la ŋɔ, “Namete he berɛ n dɔma n bwaawee ir he nɛ. Mɛɛ tɛr he deŋnee bɔ kem ásɛ n baah sɔɔh mɛ.

Yela 118:22

Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Mmarare 32:4

O do kɛŋɔ Bwetal dɛɛ lɛ yaa, o wobɛlbwa toɡrɔ dɛ dɔ kasinteŋ. Waa nyosone teŋe, waa aa maɡra dɛ toɡree wɛɛ ɛ.

Mumpar 45:5

He bɛ ɡel a we he nɛ, he bɛ he te pwah kɛŋɔ haa yoɡ mɛ. Korowiirii cheɡa ɡɛ dɛ lee mɛ, n tɔ he sie dɛ́ ba lɛ nɛra mkpa.

Kolosi 1:11

dɛ́ won dɔ kpeɡri kɛrɛdɛ dɛ́ le o ɡbaɡba kpeɡri waa do kan dɛ dɔ jirima kɛrɛdɛ la ta. N dɛ soŋe Korowii ó cha heyaa ɡɛ hé won lawɛ bambile wobɛlbwa ta,

Tɔn Pɔɔl Aa Chwerɛ Rom Tena 14:4

Henee umeo he won pwah nomɛl bonɔɔ nɔ? O dɔɔ ɡbaɡbaa dɔ ŋwɛnɛ kɛŋɔ ó won baɡle kɛ o bonɔɔ dɛ ɛ waa kɛɛ waa waa ɛ. Waa ɛ ya Dɔɔ Yeesu Kristo bonɔɔ la nomanta, wɛɛ ɛ waa, dɛkalkɛŋɔ wɛɛ wonoo chao o ɛ wa.

We-ɛɛla 4:11

Yeesu nɔ bwara waa ba baɡle Korowii Tɔn bini ŋɔ, ‘Bwe la he mamaala aa vɛoh dɛ liiru konsala laanee bera ba lawɛ dea la kpoŋe la.’

Amanesoma Luk Aa Chwera Tɔn 20:17

Yeesu nyiŋ ba dɛ bɔɔ ba ŋɔ, “Amɔ ɛrɛ tenee hɛɛ no Korowii Tɔn bini waa mun ɔ? ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.’

Amanesoma Mak Aa Chwera Tɔn 12:10

Ba chwerɔ do Korowii Tɔn la bini ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la.

Matiu 21:42

Yeesu pɛɛ ba ŋɔ, “Hé ta waa nɔ Korowii Tɔn la bini nae kaa? Ba chwerɔ ŋɔ, ‘Bwe la mamaala aa vɛoh dɛ liiru konsala laanee bera ba lawɛ dea la kpoŋe la. Korowiirii ɡela a ɛ ɡɛ, asɛ a ɛ yaa nyokpowa.’

Sekaria 10:12

Mɛɛ tɛ n nɛra kpeɡrii, ásɛ baa tom mɛ dɛɛ no n wa. Men Korowiirii bola.”

Sekaria 3:9

Hé na bwe maa kpɔa bil Josua sie. Baŋne anuanɛ lɔ bwe beŋkpoŋ la ta. Mɛɛ di ɡwinee dawɛ o taa, dɛ́ laa wechɔɡa aa lɔ harɛ nɔ ta kpɔ tɔpebeŋkpoŋ ɡbo. Men Koranar Bwa Kooroo bola.

Aesaya 60:16

Harɛre nɛra ne koranar ɛɛ nyiŋi he nɛɛ kɛŋɔ, haah aa dɛ ɔr o bie, ásɛ he jemɛ kɛŋɔ men Korowiirii he Lɛɛ, menee Korowii, Jekɔb Kpeɡnɛn waa tomɔ la.

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 29:24

Nɛra baa ɡɛna ɛɛ hweli waa dɛ́ no a mun, banɔ la baa dɛ naɡre waa la ɡe sɛh baa baɡ ba wa.”

Yela 89:1

N Naa Korowii, mɛɛ ɡo he nyina aa wola jaɡa dɔe bwa la yelee dɛɛ bol he waa aa dɔ kasinteŋ la saŋ bɛlbwa.

Yela 44:7

Henee tɛ yaa kpeɡri, ya pɔ ya dɔma nɛ, dɛ ɡel sihiih kpo nɛra baa hah yaa.

Yela 28:8

Korowii kpɔ nɔn dɛɛ tɔ o nɛra nɛ, dɛɛ tɛɛ ba bokpeɡa, o do kɛ danjwɛkpeɡ, dɛɛ lɛ kooro waa leo cheɡ.

Yela 27:14

A chɛ kɛ yá kpɔ ya te dawɛ hen Korowii nɛ, dɛ́ lawɛ bambile, dɛ́ che kiŋkiŋ, dɛ́ɛ nyiŋi he siwi ta.

Yela 23:1

Korowii do kɛ peteɡre dɛɛ nyiŋi n nɛ, komɛlbwa aa men nya.

Yela 18:1

N Naa Korowii, mɛɛ ta tea tɛɛ dɛ́ nyin he wa, henee n Kpeɡnɛn.

Nehemia 6:9

Dɛ ba dɛ nyin ba aah yaa, ásɛ ya bwara yɔr ya ɡel toma la ɛɛ. Asɛ n soŋe Korowii ŋɔ, “N Naa Korowii, tɛ mɛ bokpeɡa!”

Mmarare 34:9

Nun bibaa Josua ɡe dɔ wejema kɛrɛdɛ, dɛkalkɛŋɔ dɛ Mosis leo ŋɔ ó chiɡ o naa ta. Dɛ Israel tena la dɛ teŋɛ waa Korowii aa cheɡɛ Mosis nɛɛ dɛ kpɔ tɛ Josua la ta dɛɛ no o be.

Kaala 3:6

Menee Korowii he nabaala Abraham ne Aesek dɛ Jekɔb aa tom mɛ la.” Belaa Mosis kpɔ sie sɔh dɛkalkɛ dɛ o dɛ ɔmɛ kɛ ó nyiŋi Korowii.

Mumpar 50:21

A ta chɛ kɛ he ɔmɛ. Mɛɛ nyiŋi he ne he bii bwaa.” O bol anɔ dɛ kpɔ larawe ba bwara ba baah sɔɔh.

Mumpar 47:12

Josef tɛ o mɛɛ ne o dɔɔranar, ne o mɛɛ lolanar bwa kondikwaa baa di. O tɛɛ ba ɡɛ del aa tel ba.

Mumpar 45:11

O baa so Gosen aa, anee mɛɛ ba wona nyiŋu. Lɔr nɔ ta ka bene anue, anomanta, maa nyin kɛŋɔ lɔr kpo o ne o bii ne kondɛɛra.”

Mumpar 45:7

Korowiirii cheɡa ɡɛ, dɛ lee mɛ ŋɔ n tɔ he sie, dɛ́ ba lɛ heyaa ɡɛ nyokpoa ŋwɛnɛ nɔ ta, ásɛ he ne he naanar dɔ mkpa.

Mumpar 48:15

Asɛ o soŋe tɛ Josef ŋɔ, “Korowii n mɛɛ Abraham ne Aesek aa tomɔ la swee bii nɔ andɛɛɡa. Korowii waa dɛ nyiŋi n nɛɛ, dɛ ba le fini tɔpere nɔ swee ba andɛɛɡa.

Mumpar 49:23

O dɔma ɛɛ ba yoo á do kpeɡri, dɛ́ teŋɛ o nɛɛ dɛɛ tao hɛma.

Mmarare 33:27

Korowii waa lole saŋ bɛlbwa dɛ lɛ heya, o nɔn waa do kpeɡri laanee o kpɔ dɛɛ cha heya. Wɛɛ doŋi he dɔmaa le he sie dɛɛ ŋɔ, “Hé chɔɡ ba!”

2 Samoɛl 5:2

Kooro Sɔɔl fa aa ɛ ya kooro la, dɛ henee tɔ ya Israel tena sie dɛɛ la ya ne laa. Asɛ Korowii ŋɔ he be ŋɔ, ‘Henee dɛ́ nyiŋi n nɛra Israel tena nɛɛ kɛŋɔ peteɡre ken, dɛ́ ɛ ba kooro.’ ”

Yela 73:23

Kɛ dɛ saŋ bɛlbwa n ja he nɛ, he lawɛ n nɔn kpoŋe.

Yela 132:1

N Naa Korowii, lii Kooro Devid ne wahala waa naa wa.

Aesaya 49:26

Mɛɛ ɡeloo nɛra baa dɛ yoo heyaa la kpoo ba ɡbaɡba, dɛ́ nyɔ ba ɡbaɡba chale, dɛ́ dɛɛ kɛŋɔ baa nyɔ sen ken, ásɛ nɛwɛnyini bwa jemɛ kɛŋɔ, Men Korowii, menee he Lɛɛ, menee yawɛ he nyu, dɛ berɛ ɛ Jekɔb Kpeɡnɛn waa tomɔ la.”

Josua 17:18

dɛ́ kpɔ deŋɡarere harɛ waa ɛ kɔr la ɡe ja. Hé teŋni kɔr la daa la, dɛ́ parɔ kaa sie. A lole kɛŋɔ Keenan tena dɔ kwaa aa do kɛŋɔ torɔɡore ba vɔwa pɛl jaɡre dɛ do kpeɡri te, kɛ hɛɛ won doŋ ba le.”

Sitɔɔla 1:22

Josef bibaala Efrem ne Manasɛ dea tena kaa yo bwɛjen Bɛtel, asɛ Korowii che ba habɔɔ.

2 Koranar 13:16

Asɛ Korowii keame Elaesa ŋɔ Israel kooro la be ŋɔ, “Kpɔ to la kpoŋe.” Asɛ o kpɔ kpoŋe, asɛ Elaesa kpɔ o nɔɔra dawɛ o nɔɔra ta.