Mumpar 48:5 - mzwDBL

⁵ Jekɔb berɔ ŋɔ o be ŋɔ, “He bibaala banɛ, Manasɛ ne Efrem haa lol ba Ijipt mɔɔ n ba la bwa ɛ n kwa, kɛŋɔ n bibaala Rubin ne Simeon.

Mumpar 48:5 Referans Kwoze

Josua 14:4

Josef dea tena lɔ bele banɛ, Manasɛ ne Efrem deene tena. Lewi dea tena ta harɛ la bɛlbwa dɔe, nemenɛ bwɛɛre waa ɡela ba so a ta ne bela waa tɛɛ ba ŋɔ ba nae ne peera ɛɛ di la ɡbo.

Mumpar 46:20

Josef aa lɔ Ijipt la, o lolɛ bibaala banɛ. Banee Manasɛ ne Efrem. Haah o ne waa lol ba la sɔne Asenat waa ɛ sɔfo Pɔtefɛra bihaah, dɛ o soɡe On. O sɔn bɛl ɡee Hɛleopɔles.

2 Kɔrent 6:18

dɛ́ ɛ he Mɛɛ, ásɛ he ɛ n bii.’ Men Nemenɛ Korowiirii bola.”

Josua 13:7

ásɛ dɛ bɔne harɛ la tɛ deene anuanaarɛ aa kaa la ne Manasɛ dea pera tena bane, ásɛ o ɛ ba kapɛrɛ kon.”

Ɛfesos 1:5

O nyina waa dɛ nyin yaa waa o fel jemɛ ya waa cheɡ kɛŋɔ wɛɛ koh Yeesu Kristo waa dɛ́ kpɔ yaa ɛ o bii. O tetooraa o cheɡa ɡɛ.

Malakae 3:17

Koranar Bwa Kooro ŋɔ, “Awola maa ɛ a ɡɛ waa nɔ la, mɛɛ kpɔ baa ɛ n bii maa dɛ nyin ba kohona. N tea ɛɛ domɛ ba nɛɛ ń lɛɛ ba, kɛŋɔ mɛɛ yon dɔ tedoma tɛ o bie waa dɛ tomɔ dɛɛ lɛo la ken.

Ɛsekeɛl 16:8

A habɔɔ n berɔ fɛrɛ ba kaa, dɛ na kɛŋɔ namete he kpeɡo kohona kɛŋɔ he yalɛ, asɛ n paɡri n yal nyoa tɔ he nɛ, he ta mumɡbal cheɡɛ kpa. N ŋwɛɛrɔ baɡle asɛ n ne he fɔwɛ fɔo he berɛ n haah. Men Nemenɛ Korowiirii bola.

Aesaya 43:1

Israel tena, Korowii waa ta heya la ŋɔ, “He bɛ ɔmɛ. Menee lɛ heyaa ta, n yerɛ he sɔn dɛ le heyaa tɛ n te. Men dɔ heya.

Nɛra Kura 1:10

Josef naanar la ɡe bini, Efrem dea, Amihud bibaa Elisama, Manasɛ dea, Pedasur bibaa Gamaleɛl,

Lewi Dea Tena 20:26

A chɛ kɛŋɔ hé do ɡoroŋ dɛ́ che tɛ mɛ, dɛkalkɛ men Korowii n do ɡoroŋ, asɛ dɛ le heyaa cheɡ harɛre nɛra bwa bini, dɛ kpɔ heyaa ɛ n nɛra.

Hibru 11:21

Jekɔb aa dɛ ba sewa la, o swee andɛɛɡa tɛ Josef bii banɛ la bwa. Dɛ o kpoŋe daŋɡbala dɛ pi o ta dɛɛ duu Korowii. Jekɔb aa dɛ yarada Korowii waa o won ɛ anɔ bwa.

Mumpar 48:1

Awola bɛl, ba baa ŋɔ Josef be ŋɔ o mɛɛ bwara dɛ weo. Belaa o kpɔ o bibaala banɛ, Manasɛ ne Efrem asɛ ba ka nao.

Mumpar 48:6

Dɛ he dɔ bii bane ja kwaraa naa, n kwaa laa ba te. Ba kapɛrɛ diile ɛɛ le Manasɛ ne Efrem luɡe taa.

Ɛsekeɛl 47:13

Nemenɛ Korowii ŋɔ, “Anɔɔ dɛ́ ɛ harɛ la haa dɛ ba bɔna tɛ Israel deene fi dɛ anɛ la, ne bɔre anɛ Josef dea bii aa dɛ ba dɔe la jwɛhre, ásɛ bɛlbwa dɔ o harɛ ó ɛ o kapɛrɛ kon.

Yela 77:16

N Naa Korowii, neerare do kɛŋɔ nɛra, dɛ nae dɛɛ ɔmɛ, asɛ mpo vile ɡe ɛɛ chel he sie.