Mumpar 48:17 - mzwDBL

¹⁷ Josef aa naa kɛŋɔ o mɛɛ kpɔ nɔn diɡ dawɛ Efrem nyu ta la, a ta o som doe. Anomanta, o laa o mɛɛ nɔn kpɔ Efrem nyu ta, dɛ kpɔ ba dawɛ Manasɛ nyu ta.

Mumpar 48:17 Referans Kwoze

Mumpar 48:14

kɛ Jekɔb aa dɛ ba soŋa tɛɛ ba la, o ɡaɡre nɔɔra dɛ kpɔ nɔndiɡ dawɛ Efrem waa ɛ bechala la nyu ta, asɛ dɛ kpɔ nɔŋɡal dawɛ Manasɛ waa ɛ nomoa la ɡe nyu ta.

Tɔn Pɔɔl Aa Chwerɛ Rom Tena 9:11

Baa wola ban lolɛ mɔɔ, a ɛ kɛŋɔ ba ɛ wechɔɡa kɛɛ wedɛɛɡa la, dɛ Korowii dɔɔ ŋɔ ba nya be ŋɔ,

Sɛɡla 24:18

A ba ɡɛ naa, Korowii ɛɛ nae, ásɛ dɛ laa o bandia kpɔ ɡɛ nɛn la nɛ.

1 Webena 21:7

Dɛ Korowii ɡe sie ta waa la ta lɛɛ, anomanta, o kpɔ deŋnetɛra ba ta Israel tena nɛ.

1 Koranar 16:25

Kooro Omri ɛ wechɔɡa dɛ jo Korowii nɛɛ ɡwaa koranar baa tɔ sie la bwa.

1 Samoɛl 16:7

Kɛ Korowii ŋɔ Samoɛl be ŋɔ, “Bɛ o jaŋne ne o wer nyiŋi, o laa mɛɛ nyin, n vɛoh. Kwaa nɛwɛnyini aa dɛ nyiŋi la korɛ anɔ la Korowii aa dɛ nyiŋi ta. Nɛwɛnyini dɛ nyiŋi siebɔr, kɛ Korowii te, nɛn bambile binii wɛɛ nyiŋi.”

Nɛra Kura 22:34

Balam ŋɔ Korowii nyundua torome la be ŋɔ, “N ɛ wechɔɡa, n ta jemɛ kɛŋɔ he cheɡɛ ŋwɛnɛ ta dɛ tɔ mɛ ŋwɛnɛ. Dɛ he sie ta lɛɛ yaa, mɛɛ berɔɔ laa berɛ.”

Nɛra Kura 11:1

A kaa ba kɛŋɔ Israel tena la dɛ naɡre ba wenaale wa, asɛ a chole Korowii deŋne ta. Waa noa la, bwaawee lawɔ, o ɡel nii le bela baa soɡa la, dɛ chɔɡ o baŋ bɛl.

Mumpar 38:10

Korowii be la, dɛ a ɡɛ liire nɔ ɛ wechɔɡa, asɛ dɛ kpo o ɡe.

Mumpar 28:8

Esɔ ɡe nao kɛŋɔ Keenan harɛ haahna wa aa were o mɛɛ be kwaraa,

Mumpar 48:18

Asɛ dɛ ŋɔ, “N mɛɛ, Manasɛɛ binomoa, kpɔ he nɔndiɡ dawɛ o nyu ta.”

Josua 17:1

Ba bɔne Jɔɔdan wee cholibɔr harɛ la pera tɛ Josef binomoa Manasɛ ne o lolanar, o ɛ ba kapɛrɛ kon. Josef binomoa sɔne Manasɛ, asɛ o ɡe binomoa sɔne Makir. Makirii Gelead tena naa, dɛ o jemɛ yoi taeh. Anomanta, Gelead ne Basan harɛ aa lɔ Jɔɔdan wee leebɔr la baa ɛ o kwa.