Mumpar 47:9 - mzwDBL

⁹ Anee Jekɔb chaŋe ŋɔ, “Bene maa kpɔa dɛɛ ɡaaɡe la lɔ lafa fifraatoro, a kwaraa la dɛ a kpeɡri tɛ mɛ. A ta n naawa bene baa dia ba ɡaaɡa bini dɛ so biɡri la tele.”

Mumpar 47:9 Referans Kwoze

Yela 39:12

N Naa Korowii, no n wesoŋa, no n wii dɛ́ cha mɛ, bɛ he deŋna laa kpɔ n be. N do kɛŋɔ hɔɔh harɛ nɔ ta he sie, kɛŋɔ ya naawa bwa fa aa ɛa la.

Mumpar 35:28

Aesek di bene lafa fifraanuatoro

Yela 39:5

He ɡelɔ me mkpa do bori, a ta komɛlbwa ɛɛ he siwi ta, nɛwɛnyini bɛlbwa mkpa do kɛŋɔ peu he be.

Job Tɔn 14:1

Job berɔ ŋɔ, “Ba lolɛ nɛn aa, o tɔpera aa kanɛ, a lɔ tamaa ken, wenaale ɡe ɡboo a bwa.

Josua 24:29

Anɔ habɔɔ la, Korowii bonɔɔ Josua baa dɛ yerɛ o mɛɛ Nun baa sewɛ. Dɛ o di bene lafa dɛ fi.

Mmarare 34:7

Dɛ Mosis dɔ bene lafa fifraanɛ mɔɔ dɛ sewɛ, kɛ dɛ o bwara ta kpeɡri ɡɛ o fa aa doa, asɛ dɛɛ na ɡe kɛrɛdɛ.

Kaala 7:7

Baa kaa bol waa la kooro be la, dɛ Mosis di bene fifraanuatoro, asɛ Arɔn ɡe di fifraanuatoro dɛ atoro.

Kaala 6:4

Asɛ n ne ba fɔwɛ fɔo kɛŋɔ mɛɛ kpɔ Keenan harɛ baa soɡe o ta kɛŋɔ hɔɔhra laanee tɛɛ ba ó ɛ ba kon.

Mumpar 50:26

Gɛɛ a do Josef sewɛ Ijipt harɛ ta, dɛ o di bene lafa dɛ fi, asɛ ba kpɔ tɛɛɡa fɔɡle o bwara dɛ kpɔɔ do daka bini.

1 Pita 2:11

N dandɛɛɡa, n dɛ soŋe heyaa kɛŋɔ haa ɛ hɔɔhra bonɔ, bonɔ aa wola he bwɛɛ ɛɛ nɔ, hé laa he te kpɔ he bwadabii pɛlchɔɡa ta. Anee dɛɛ vuuɡi heyaa haa wola won ɛ waa Korowii aa kpɔa do he bambile bini la.

Jems 4:14

kɛ dɛ he ɡe aa jemɛ ɡɛ tɔɔ aa dɛ ba he pera la! Gɛ kɔɔla yon ta, kɛ aa biɡri dɛ yon kaa la, ɡɛɛ he mkpa do.

Yela 119:54

N soɡa tama harɛ nɔ ta nɔ, he waa laanee ber mɛ yela mɛɛ ɡo.

Yela 119:19

N ɛ hɔɔh harɛ nɔ ta, bɛ he waa haa do mɛ a ta la kpɔ sɔɔh mɛ.

Mumpar 47:28

Jekɔb soɡe Ijipt bene fi dɛ anuanɛ. O bene waa dia mɔɔ dɛ sewɛ la lɔ lafa fifraanaarɛ dɛ anuanɛ.

Mumpar 11:11

A habɔɔ la, o berɔ so bene lafraanue, dɛ lolɛ bibaala ne haahna bane ɡe.

Hibru 13:14

dɛkalkɛŋɔ, ya ta bwɛjen dɔe dɛ so o ta saŋ bɛlbwa harɛ bonɔ. Bwɛɛ o ta aa lɔ sie dɛɛ ba la, o taa ya sie dawɛ.

1 Webena 29:15

Ya ɛ hɔɔhra he sie kɛŋɔ ya naawa bwa fa aa ɛa la. Ya tɔpera yaa di harɛ nɔ ta do kɛŋɔ lileo, tamaa ken dɛ o kaalɔ la ken. Ya ta hwɛɡa bɛlbwa dɔe.

Mumpar 5:27

Waa baa sewɛ la, dɛ o di bene lafraanuanaarɛ fifraanumɛl dɛ anuanaarɛ.

2 Kɔrent 5:6

Anomanta, ya bwara aa yaa hwah bwa. Ya jemɔ kɛ ya lɔ ya bwadabii nɔ bini naa, ya toole ya Dɔɔ be,

Mumpar 47:8

asɛ kooro la bɔɔ Jekɔb ŋɔ, “He di bene aŋwɛnɛ ɔ?”

Yela 39:13

Laa sie kpɔ n nɛ, ásɛ n sie berɛ lɛ ja, mɔɔ n sewɛ le harɛ nɔ ta.”