Mumpar 47:23 - mzwDBL

²³ Josef ŋɔ nɛra la be ŋɔ, “He nao maa yawɛ he ne he harɛre dɛ tɛ kooro kenɛ? Kondwee laanee la, hé kpɔ dɛ́ ka du harɛ la ta.

Mumpar 47:23 Referans Kwoze

2 Kɔrent 9:10

Korowiirii dɛɛ tɛ nɛwɛnyina kondwee baa du, dɛɛ tɛ kondikwa. On dɛ tɛ heyaa kondwee haa dɛ nyin bwa, dɛ́ ɡel a le dɛ́ nɔnɛ kohona, dɛ́ ɡel he wedɛɛɡa ɛɛ ɡe won dɛɛ ja.

Matiu 24:45

Bonɔɔ waa dɔ kasinteŋ dɛ dɔ liire la nɔn taa o dɔɔ kpɔ o dem tena dɛɛ do, dɛ ŋɔ bɔr dɛ maɡre aa, ó tɛɛ ba kondikwa.

Aesaya 55:10

N waa la do kɛ bwaala ne mɛn yon le nyundua dɛ pweh harɛ la ken. A ɡelɔ kwaa baa dua won ɛɛ, nɛra dɔ kondikwaa di, dɛ́ dɔ a dwee ɡe du.

Wejereme 11:6

Hɛɛ du kwaa yaa, he dua chɔɔ dɛ bɛ so pɛɛpɛɛ jɔmɔra ɡe. Haa won jemɛ anɔ la aa do wer, chɔɔ kɛɛ jɔmɔra kwaa laanee yoo. A laa ɡe aa, a bwa ken ɛɛ won do wer.

Sɛɡla 13:23

Dɛ nyaa koo kondikwaa ɛo kohona naa, nɛnchɔɡa ɡelɔ aa le o nɔn ta.

Sɛɡla 12:11

Paa waa swɛɛ siwi dɛɛ ɛ toma laanee, dɛɛ dɔ kondikwaa kohona. Gɛnee dɛɛ chɔɡ o te toma aa wola tɔnɔ dɔe ta.

Sɛɡla 11:26

Nɛn waa tɔ mea cheɡ, dɛɛ kpa suuɡajena la, nɛra dɛ taahno, kɛ onɔ la waa le o kwaa ne dɛɛ yoɡa la, ba swee andɛɛɡa dɛɛ tɛo.

Yela 112:5

Nomɛlbwa waa ta tea dɛɛ kemɛ o bala suuɡa dɛɛ di kasinteŋ o toma ta la, o na som.

Yela 41:1

Nɛra baa dɛ dawɛ nyaara waa la, ba na som, wenaale puu ba aa, Korowii lɛɛ ba dɛɛ le a nyoa.

Mumpar 45:6

Lɔr nɔ bene anɛɛ la. A ta ka bene anue nomɛlbwa aa wola won du kwaa a ba ɛ kɛŋɔ wɛɛ dɔ kondikwaa.

Mumpar 41:27

Asɛ naɡwaŋre anuanɛ aa doŋa dɛ ka mun le nee la ta ba la, ne boyu waa sɛɡla anuanɛ peuwɔb le wee leebɔr ba chɔɡa a ta wone ta pure la, ɡe cheɡɔ tɛ kɛŋɔ lɔr ɛɛ bao bene anuanɛ.

Mumpar 47:22

Sɔfore ɡbo harɛɛ kaa ba ta yawɛ. Ba te ta ba harɛ yoɡe, dɛkalkɛ dɛ kooro tɛɛ ba kondikwaa baa di.

Mumpar 47:24

A ɡɛ saŋ a koma aa ba tel la, a chɛ kɛ he bɔne a bini bɔre anue, dɛ́ kpɔ bɔrbeŋkpoŋ ba tɛ kooro. Ásɛ dɛ ɡe kpɔ a kar, dɛ́ kpɔ ane ɛ dwee cheɡ, ásɛ he ne he dem tena ɡe di a kabora.”