Mumpar 47:12 - mzwDBL

¹² Josef tɛ o mɛɛ ne o dɔɔranar, ne o mɛɛ lolanar bwa kondikwaa baa di. O tɛɛ ba ɡɛ del aa tel ba.

Mumpar 47:12 Referans Kwoze

Mumpar 45:11

O baa so Gosen aa, anee mɛɛ ba wona nyiŋu. Lɔr nɔ ta ka bene anue, anomanta, maa nyin kɛŋɔ lɔr kpo o ne o bii ne kondɛɛra.”

1 Timoti 5:8

Dɛ nomɛl lole, waa o nya ne o mɛɛ kɛɛ o dem tena nyiŋi aa, naate Korowii toma ɛ pɛɛ. Naate waa wola Korowii yarada ɡba bɔɔ.

1 Timoti 5:4

Kɛ dɛ luhaah bɛl lole dɛ dɔ bii kɛɛ naanar aa, a chɛ kɛ ba jemɛ ɡɛ ba ne waa so, ba nyiŋu, dɛkalkɛŋɔ a wer kɛŋɔ nɛra baa dɛ teŋɛ Korowii waa ta la ɛɛ ɛ wedɛɛɡa dɛɛ nyiŋi ba lolanar ɡɛ ba ɡe fa aa koh ba nɛɛ la. Gɛɛ dɛɛ su Korowii siwi.

1 Timoti 4:8

Dɛ he swɛɛ siwi dɛɛ tɛɡre he pɔla bini naa, a dɔ tɔnɔ tama. Kɛ dɛ he swɛɛ siwi kɛ hɛɛ dɛɛ teŋɛ Korowii waa la taa yaa, anee dɔ tɔnɔ wobɛlbwa ta, dɛkalkɛ Korowii nɛɛ teŋa dɔ tɔnɔ tɛ nɛra fini ne seo habɔɔ bwa.

1 Tesalonika 2:7

Ya ɛ Yeesu Kristo toroma, dɛ fe dɔ ŋwɛnɛ kɛ ya lɛ komɛl le he be. Kɛ ya tɛ heyaa sisɔna kɛŋɔ haah naa ta tea dɛɛ dɛɛ o bechasɔɔhna la.

Rut Tɔn 4:15

Wɛɛ tɛɛ silɛɛ, ásɛ dɛ lawɛ kpoŋe he hwɛɛhra bini. Dɛkalkɛ Rut waa dɛ nyini lolɛ bibeŋkpoŋ ɡwaa he be kɛŋɔ he fe aa lolɛ bibaala banuanɛ.”

Kaala 20:12

Hé duu he nyare ne he mɛɛnanar. Anee dɛ́ ɡel he dɔ mkpajaŋ harɛ men Korowii aa kpɔa tɛ heyaa ŋɔ he so o ta la ta.

Mumpar 47:24

A ɡɛ saŋ a koma aa ba tel la, a chɛ kɛ he bɔne a bini bɔre anue, dɛ́ kpɔ bɔrbeŋkpoŋ ba tɛ kooro. Ásɛ dɛ ɡe kpɔ a kar, dɛ́ kpɔ ane ɛ dwee cheɡ, ásɛ he ne he dem tena ɡe di a kabora.”

Mumpar 47:21

Josef kpɔ nɛra baa lɔ Ijipt harɛ ta bwa ɛ o nɛndɔɔla.

Mumpar 47:1

Josef la Ijipt kooro be dɛ ka ŋɔ, “N mɛɛ ne n dɔɔranar kpɔ ba peera ne nae ne ba komɛlbwa baa dɔa le Keenan harɛ ta dɛ ba, taraken ba lɔ Gosen harɛ ta.”

Mumpar 50:21

A ta chɛ kɛ he ɔmɛ. Mɛɛ nyiŋi he ne he bii bwaa.” O bol anɔ dɛ kpɔ larawe ba bwara ba baah sɔɔh.

Mumpar 45:7

Korowiirii cheɡa ɡɛ, dɛ lee mɛ ŋɔ n tɔ he sie, dɛ́ ba lɛ heyaa ɡɛ nyokpoa ŋwɛnɛ nɔ ta, ásɛ he ne he naanar dɔ mkpa.

Mumpar 45:10

Ó ba, dɛ́ ba so Gosen waa lɔ Ijipt harɛ nɔ ta dɛ́ bɛn mɛ. Ó kpɔ o bii ne o naanar ne peera ne boohna, ne o nae dɛ komɛlbwa waa dɔa ba.

Aesaya 22:24

O dem nɛra wobɛlbwa ɛɛ dawɛ o nɛɛ, o naanar ne ba ɡe bii bwa saɡre o nɛɛ kɛŋɔ numoli ne loŋa aa saɡre daa ta la.