Mumpar 46:32 - mzwDBL

³² Mɛɛ ŋɔ o bee ŋɔ he ɛ peteɡra dɛɛ nyiŋi kondɛɛra ta, anomanta, he ba he kondɛɛra ne he kwaa haa dɔa bwa ne.

Mumpar 46:32 Referans Kwoze

Mumpar 47:3

Belaa kooro bɔɔ ba ŋɔ, “Bɔkwa tomaa hɛɛ ɛɔ?” Asɛ ba chaŋe ŋɔ, “Nomoa, ya ɛ peteɡra kɛŋɔ ya naawa fa aa ɛa la.

Sekaria 13:5

Wɛɛ ŋɔɔ, ‘N ta keame ɛɛ, paaree men, n bonɔɔne saŋ bwaa n le dɛɛ parɛ.’

Aesaya 40:11

Wɛɛ nyiŋi o nɛra nɛɛ kɛŋɔ peteɡre yon dɛɛ nyiŋi o peera nɛɛ dɛ́ kpɔ a bii pɛl o bambile, ásɛ dɛ teɡɛ a nyare aa loɡla la kaa bɔeeh ken.

1 Koranar 9:27

Kooro Hiram tomɛ o nɛra baa jemɛ mpo nee toma wa ba ne Kooro Solomɔn nɛra pɛ dɛɛ ɛ toma mpo ta.

1 Samoɛl 17:15

kɛ Devid yon le Kooro Sɔɔl be kaa Bɛtlɛham dɛ́ ka teɡɛ o mɛɛ peera tama, dɛ́ yon berɛ ba.

Kaala 3:1

Awola bɛl, Mosis kpɔ o helabaa Jetro waa ɛ Midian sɔfo la kondɛɛra kaa di bɔr. O teɡa ka ɡarɛ pua hɛŋle ɡbo harɛ ta, dɛ ka le bwe waa do ɡoroŋ baa yerɔ Sinai la ta.

Mumpar 46:34

hé nyiŋi kɛrɛdɛ dɛ́ ŋɔ o be ŋɔ haa ira bwa, kondɛɛra ta nyiŋa toma ɡboo hɛɛ ɛ ɡɛ ya naawa aa ɛa wubwa la. O no ɡɛ naa, wɛɛ ɡeloo he so Gosen harɛ bonɔ.” Dɛ Ijipt tena kii peteɡra, a waa Josef ŋɔ ba ŋɔ ɡɛ la.

Mumpar 45:10

Ó ba, dɛ́ ba so Gosen waa lɔ Ijipt harɛ nɔ ta dɛ́ bɛn mɛ. Ó kpɔ o bii ne o naanar ne peera ne boohna, ne o nae dɛ komɛlbwa waa dɔa ba.

Mumpar 37:2

Kenii o bii ne o naanar waa do, Jekɔb bie Josef aa di bene fi dɛ anuanɛ la, dɛ o ne o dɔɔranar dɛ nyiŋi kondɛɛra ta. O mɛɛ haahna banɛ baa dɛ yer ba Bilha ne Silpa la biirii ban. Josef yon ba taa dichɔɡa o dɔɔranar aa dɛ di o mɛɛ be.

Mumpar 31:18

dɛ kpɔ o kondɛɛra waa dɔa Mɛsopoteemea harɛ ta bwa, ne komɛlbwa waa dɔa ɡe ja dɛɛ kaa o mɛɛ Aesek be Keenan harɛ ta.

Mumpar 9:20

Dɛ Nowa dɛ parɛ. Onee pa mun parɛ daa koo, dɛ du daa ane ba kpɔ a nɔna dɛɛ ɛ sen.

Mumpar 4:2

A habɔɔ, o lolɛ bɛl ɡe dɛ pa o sɔn Ebel. Ebel aa kpeɡa la, dɛ peeraa wɛɛ dɛɛ asɛ Keen ɡe ɛ paa.

1 Samoɛl 16:11

Samoɛl bɔɔ Jese ŋɔ, “He bibaala haa dɔa bwaa nɔ naa?” Anee o chaŋo ŋɔ, “Ba bini bechala ta lole, kɛ o dɛ teɡɛ peera.” Anee Samoɛl ŋɔ, “Tomɛ bá ka yerɔ ba. O ta balaa, ya ta saraha la ɛɛ.”

Mumpar 46:31

Asɛ Josef ŋɔ o dɔɔranar ne o mɛɛ lolanar baa kaa la be ŋɔ, “A chɛ kɛ ń la ka ŋɔ kooro be ŋɔ n dɔɔranar ne n mɛɛ lolanar bwa baa soɡe Keenan harɛ ta la ba n be.

Mumpar 46:33

Dɛ Kooro baa yerɛ heya dɛ bɔɔ toma haa dɛ ɛ wa aa,