Mumpar 45:16 - mzwDBL

¹⁶ Baa no koodem kɛŋɔ Josef dɔɔranar balɔ la, kooro ne o nomonome bwa sie lɛo.

Mumpar 45:16 Referans Kwoze

We-ɛɛla 7:13

Baa bera ba la bela nɛɛtena la, Josef kpɔ o te baɡ ba, asɛ ba jemɛ kɛŋɔ ba nime Josef laanee on. Ijipt harɛ kooro la ɡe baa jemɛ ba wa.

We-ɛɛla 6:5

Nɛra la bwa sie lɛ waa la Yeesu toroma la aa bola la ta, dɛ le baa bɛl Korowii Domadɛɛɡe aa soɡe o nɛɛ kpeɡri nɛɛ wɛɛ yarada Korowii, dɛɛ tomɔ kasinteŋ ne baa yerɔ Steeven la. Nɛra baa jaa la ɡe sɔnaa Felep, ne Prokɔrɔs, ne Nikenɔ, ne Taemɔn, ne Paamenas, dɛ Nikolas. Dɛ Anteɔk tee Nikolas nɔ, asɛ wɛɛ tomɛ Korowii Juu tena ŋwɛnɛ baa dɛ tomɛ Korowii la ta.

Ɛsta 5:14

Heeman daamanar ne o haah la ŋɔ o be ŋɔ, “Gel ba pa daa o jaŋne aa ɛ naɡale fifraanuanɛ dɛ anue kaa nyundua, ásɛ he ŋɔ kooro be ŋɔ, ó ɡel ba saɡɛ Mɔdekae o ta kere chɔɔ. A ba ɡɛ naa, he ne kooro ɛɛ won berɛ la kondikonjena la bɔr, ásɛ he sie lɛ.” Ba wobol la wer tɛ Heeman kɛrɛdɛ, anomanta, o sɛoh dɛ ɡel ba pa daa la.

Ɛsta 2:4

Ba bini bɛlbwa he sie aa lɛ o nɛɛ la, kpɔɔ ɛ he haah chiɡ Vasti naa ta.” Kooro aa no ɡɛ baa jao la, o sie lɛ a ta, dɛ ɡel ba ɛa ɡɛ.

Ɛsta 1:21

Kooro ne o nomonjena la sie lɛ Mɛmokan waa waa bola la ta, anomanta, o do mmara la.

2 Webena 30:4

Dɛ waa nɔ maɡrɔ tɛ kooro ne nɛra baa cheme bela la bwa.

2 Samoɛl 3:36

Nɛra la bwa sie lɛ waa kooro aa ɛa la ta, dɛ kpɔ do ba liire bini. Kasinteŋ, kooro wobɛlbwa waa ɛa lɛ nɛra la bwa sie.

Mmarare 1:33

Onee tɔ he sie he vala bini, dɛ kpɔ nii dɛɛ tɔ he sie jwaana, dɛ kpɔ bam ɡe dɛɛ tɔ he sie webaŋa, dɛ nyin bela haa dɛɛ chɔ, dɛ baɡle heyaa ŋwɛnɛ haa kpɔ o ta.

Mumpar 41:33

Anomanta, n naa kooro, nyin nɛn waa ɛ wejereme dɛɛ no waa mun, dɛ́ kpɔ Ijipt harɛ nɔ do o nɔn ta.

Mumpar 34:18

Waa baa bola la wer dɛ tɛ Hamɔ ne o bie Sɛkem.

Mumpar 20:15

Belaa Abemɛlɛk ŋɔ o be ŋɔ, “Na, harɛ nɔ aa chɔa kaa nɔ, n konee o bwa. Hɛɛ won ka so bobɛlbwa haa dɛ nyin.”

Mumpar 16:6

Belaa Abram ŋɔ Sarai be ŋɔ, “He toloo, he dɔ o kpeɡri dɛ́ doo ɡɛ haa dɛ nyin.” Asɛ Sarai fiiɡu kohona o ba chwa le o be.

Mumpar 45:15

O mo o dɔɔranar la lwɛrɛme dɛ wi. Asɛ a habɔɔ o ne ba bol wa.

Mumpar 45:17

Asɛ kooro ŋɔ Josef be ŋɔ ó ŋɔ o dɔɔranar la be ŋɔ bá kpɔ ba bone la dawɛ keeɡore la ta, ásɛ dɛ berɛ kaa Keenan harɛ ta,

Mumpar 41:37

Kooro ne o nomonome bwa sɛh ɡɛ waa la ta.