Mumpar 42:36 - mzwDBL

³⁶ Ate, ba mɛɛ Jekɔb ŋɔ ba be ŋɔ, “Hé dɛ nyin kɛ n paŋɛ n bii bwa kɛɛ? Josef toole, Simeon ɡe kao. Hé berɔ dɛɛ nyin kɛ he kpɔ Bɛnjamen ɡe kaa. Menee dɛɛ ba waa nae!”

Mumpar 42:36 Referans Kwoze

Mumpar 43:14

Kórowii Waa Ɛ Kpeɡri Bwa Dɔɔ la ja he nɛɛ dɛ́ ɡel nomoa la na he sum, dɛ́ kpɔ Simeon ne Bɛnjamen tɛ heya he ba tɛ mɛ. Dɛ baa le n nɔn taa yaa, ba den le n nɔn ta.”

1 Kɔrent 10:13

Nomɛlbwa dɛ na wekpeɡa. Anomanta, dɛ he dɛ na wekpeɡa aa, he laa bɔ bere. Korowii waa dɔ yarada. Waa ɡel wekpeɡa bɛlbwa ɡwaa he nɛɛ ásɛ he horɛ. Wɛɛ baɡle heyaa ŋwɛnɛ haa kpɔ dɛ́ won lawɛ bambile ka tel kɛŋɔ haa le a nyoa.

Tɔn Pɔɔl Aa Chwerɛ Rom Tena 8:31

Ya ta sie nyiŋi anɔ bwa na naa, ɛrɛɛ yaa ba ŋɔe yɔ? Dɛ Korowii teŋɛ ya nɛ aa, umee dɛ́ won ɛ yaa waane ɔ?

Tɔn Pɔɔl Aa Chwerɛ Rom Tena 8:28

Ya jemɔ kɛŋɔ nɛra baa dɛ nyin Korowii la, wobɛlbwa aa puu ba la, o ɡelɔ a ɛ wedɛɛɡa dɛɛ tɛɛ ba. O tetooraa o lee ba ba ɛ o bii.

Matiu 14:31

Buɡ la ta, dɛ Yeesu tel bela dɛ lawɔ dɛ ŋɔ, “He yarada aa kanɛ kwara! Ɛrɛɛ he berɛ di tɔŋla nɔɔ?”

Aesaya 41:10

Anomanta, he bɛ ɔmɛ, n ja he nɛ. He bɛ ɡel he bambile chɔɡ, menee Korowii haa dɛ tom mɛ. Mɛɛ tɛ heyaa bokpeɡaa, dɛ́ cha heya. Mɛɛ kpɔ nɔnee tɔ he nɛ, dɛ́ lɛ heya.

Aesaya 38:10

“N liiro kɛŋɔ n ta n saŋ tele, dɛɛ ba sewa. N cheɡɛ lalabwɛɛ doonyoa, dɛ n fe aa lii kɛŋɔ mɛɛ dɔ mkpaa.”

Aesaya 27:9

Dɛ Korowii ɛɛ kpɔ Israel tena wechɔɡaa kɛ ba aa, atane baa kuuɡi kwaa baa kpoo kwaa a ta ɛ saraha dɛɛ tɛ ba voɡare la buruburu kɛŋɔ fula ken, dɛ́ teŋni ba voɡhaah Asera dajaŋa, ne bwea baa paaɡa dɛ fuh daawiile dɛɛ tɛo a ta la bwa ta.

Wejereme 7:8

Komɛlbwa tona wer ɡwaa o mumpar, asɛ bambile lawa ɡe ɡwaa kɛ haa dɛ ɛ mbarafo.

Job Tɔn 7:7

N Naa Korowii, bɛ soh kɛŋɔ me mkpa ka kerabeŋkpoŋ hweera, silɛɛ toole n soɡa bini kpa.

1 Samoɛl 27:1

Devid baa lii o nyu bini ŋɔ, “Tɔpebɛl Kooro Sɔɔl ɛɛ ba kpo mɛɛ. Chwae chɛ kɛ ń chwa kaa Filisti tena harɛ ta ka so. Anee dɛ́ ɡel ó ɡel n bɔr ɡaaɡa Israel harɛ ta bobɛlbwa, dɛ bɛ men dɔ lawɛ.”

Yela 34:19

Nɛra ba wa aa toɡra ɛɛ won na wahala kohona, kɛ Korowii lɛɛ ba dɛɛ le a bwa ta,

Mumpar 47:12

Josef tɛ o mɛɛ ne o dɔɔranar, ne o mɛɛ lolanar bwa kondikwaa baa di. O tɛɛ ba ɡɛ del aa tel ba.

Mumpar 45:28

Asɛ o ŋɔ, “Anɔɔ mɛɛ nyin dɛ́ no. N bie Josef ta lole! Mɛɛ lao ka nao mɔɔ dɛ́ sewɛ.”

2 Kɔrent 4:17

Wahala tama nɔ yaa dɛ na tɔpera anɛ bɛl nɔ ɛɛ ɡeloo ya dɔ jirima aa wola jaɡa dɔe, ásɛ a ɡwaa wahala nɔ kwaraa ken.

Mumpar 42:37

Asɛ Rubin ŋɔ o be ŋɔ, “Dɛ n ta Bɛnjamen ne balɛ ba tɛɛ naa, he kpoo n bibaala banɛ nɔ. Kpɔ o waa do n nɔn ta, mɛɛ berɔɔ ba o ne ba tɛɛ.”

Jeremia 31:15

Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Mumpar 44:12

Ate, Josef bonɔɔ la nyiŋi ba bone la bini. O pa mun le ba bini nomoa be dɛ ba tonɛ bechala la be, asɛ dɛ na numol la Bɛnjamen waa ɛ bechala la be.