Mumpar 42:13 - mzwDBL

¹³ Ba ɡe ŋɔ, “Nomoa, he bonɔɔna, ya lɔ bii fi dɛ banɛ, dɛ ɛ babeŋkpoŋ bii, dɛ le Keenan harɛ ta. Ya bini bechala te lɔ ya mɛɛ be dem, asɛ ya bini beŋkpoŋ ɡe toole.”

Mumpar 42:13 Referans Kwoze

Mumpar 37:30

O berɔ ba o bala la be dɛ ba ŋɔ, “N nime la toole bela! Ɛrɛɛ mɛɛ ba ɛɛ yɔ?”

Mumpar 44:20

Asɛ ya chaŋe ŋɔ ya dɔ mɛɛ o hwɛɛh dɛ dɔ nime bɛl ɡe. Ya mɛɛ aa hwɛɛhra la taa o lolɔ, asɛ o dɔɔ o ne waa pɛ nya la sewɛ a ka o ɡbo, anomanta, o mɛɛ dɛ nyin o waa taeh.

Mumpar 42:32

Ya lɔ bibaala fi dɛ banɛ, dɛ ɛ babeŋkpoŋ bii, ya bini beŋkpoŋ toole, asɛ ya bini bechala ɡe lɔ ya mɛɛ be taraken Keenan harɛ ta.”

Mumpar 43:7

Asɛ ba ɡe chaŋe ŋɔ, “O teŋɔ dɛɛ bɔɔ ya ne ya lolanar wa. Dɛ́ ya mɛɛ ta soɡe le naa? Ya dɔ nime bɛl dɛ ja ya nɛ aa? Waa waa bɔɔra laanee ya ɡe chaŋe. N mɛɛ, dɛ ya ta jemɛ kɛŋɔ wɛɛ ŋɔɔ ya kpɔ ya nime la ba.”

Matiu 2:18

O bolɔ ŋɔ, “Nomɛl lɔ bwɛɛ bɛl baa dɛ yerɔ Rama dɛɛ wi. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Matiu 2:16

Kooro la aa baa jemɛ kɛŋɔ wejerema la neɡro la, o bwaawee iro taeh. Dɛ o fa ta sie dɛ na kɛ ɡɛ saŋ wejerema la aa ŋɔa ba na wewee bɛl la, aa dɔ bene anɛɛ. Anomanta, o do nɛra ŋɔ bá ɡaaɡe dɛ́ kpoo bibaala ba taa ɛ bechasɔɔhne ka tel banɔ la baa di bene anɛ, dɛ do Bɛtlɛham ne o bwɛɛre aa baro cheme la bwa ta.

Wiile 5:7

Ya naawa fa ɛ wechɔɡa dɛ bwa serewe kaa, kɛ taraken yanee bera dɔ a deŋnetɛra.

Jeremia 31:15

Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Mumpar 45:26

Baa tel ba mɛɛ be dem la, ba bol o be ŋɔ, “Josef ta lole! Onee dɛɛ nyiŋi Ijipt harɛ ta.” Baa bol ɡɛ o mɛɛ be la, o nyoa kpoo, o ta ɡɛ waa ɛ nae.

Mumpar 44:28

Beŋkpoŋ te le o nɔn ta. O jemɔ kɛŋɔ kpɔɡ bini ola ka toɡri o bini, o ta on nae kpa ba le fini.

Mumpar 42:38

Ate Jekɔb ŋɔ, “Maa sɛh he kpɔ n bie nɔ kaa, o dɔɔ toole, o ɡboo kaa. N ɡe hwɛɛhrɔ tonɛ. Wobɛlbwa kaa ɛo ŋwɛnɛ ta bela haa dɛ kaa nɔ naa, n ne n tebinichɔɡee dɛɛ ba sewa.”

Mumpar 42:36

Ate, ba mɛɛ Jekɔb ŋɔ ba be ŋɔ, “Hé dɛ nyin kɛ n paŋɛ n bii bwa kɛɛ? Josef toole, Simeon ɡe kao. Hé berɔ dɛɛ nyin kɛ he kpɔ Bɛnjamen ɡe kaa. Menee dɛɛ ba waa nae!”

Mumpar 42:11

Babeŋkpoŋ biirii yan, ya ne ya tepoŋee. Ya ta balɛ dɛ́ ba sɔh nyiŋi harɛ nɔ.”

Mumpar 42:12

Ate, o ŋɔ ba be ŋɔ, “Nyosone. He balɔ dɛ́ ba sɔh nyiŋi na kɛŋɔ harɛ nɔ chɔ pɛɛ.”

Mumpar 42:14

Anee Josef ŋɔ, “Gɛɛ haa doa laanee n den bol la. He balɔ dɛ́ ba sɔh nyiŋi ya harɛ nɔ.

Mumpar 43:29

Josef aa nyiŋa dɛ na Bɛnjamen waa ɛ o nyabie pɔrɔdɔ la, o ŋɔ, “Hé nime haa bol o waa n be laanee nɔ naa? Korowii chae, n bie.”