Mumpar 41:56 - mzwDBL

⁵⁶ Lɔr la aa chole Ijipt harɛ la ta o nyoa do kpeɡri la, Josef ɡelɔ ba pili deene baa kwaa boyu cheɡ a bini la bwa, dɛ yoɡ dɛɛ tɛ Ijipt tena.

Mumpar 41:56 Referans Kwoze

Mumpar 42:6

Dɛ Josef ɛ Ijipt harɛ la nomoa ne nɛn waa yoɡ boyu dɛɛ tɛ harɛre bwa nɛra. Anomanta, o dɔɔranar la aa bala la, ba kaa ɡuŋi o sie, dɛ kpɔ sie piiɡi harɛ.

We-ɛɛla 17:26

Nɛmbeŋkpoŋii o ta, asɛ a ɡɛ nɛn la lolɛ harɛ bɛlbwa nɛra, asɛ ba ya perɛ harɛ bwa. Waa ta nɛwɛnyini la, o do bɛlbwa tɔpera ne ya dobɔra.

Amanesoma Luk Aa Chwera Tɔn 21:35

dɛkalkɛ o bala tɔpere la ɛɛ piɡri nɛra baa lɔ harɛ nɔ ta bobɛlbwaa.

Sekaria 5:3

Anee o ŋɔ n be ŋɔ, “Ba chwerɛ nyotaahna waa do o ta aa kaa harɛ nɔ bwa ta. O baŋ bɛl dɛ baɡle kɛ nomɛlbwa waa ŋwɛ la, baa leo harɛ la taa, baŋ bɛl ɡe waa ɛɛ baɡle ŋɔ, nomɛlbwa waa teŋe nyosone dɛ ŋwɛɛ la, baa le o ɡee le harɛ la ta.”

Aesaya 23:17

Bene fifraanuanɛ habɔɔ la, Korowii ɛɛ ɡeloo Taaya tena berɛ kpɔ ba toma ja. Gɛ hanjwamane yon dɛɛ nyin suuɡa baala be la, ɡɛɛ baa ba harɛ nɔ ta harɛre ta laŋa ka di bona.

Mumpar 41:30

A habɔɔ la, lɔr ɛɛ chiɡ harɛ nɔ taa bene anuanɛ, ásɛ nɛn soh kɛŋɔ kondikwaa fa balɔ ka. Dɛkalkɛ lɔr la ɛɛ chɔɡ harɛ nɔɔ.

Mumpar 41:55

Lɔr aa baa pa mun Ijipt harɛ ta bwa ɡe la, bela tena wio no kooro la ŋɔ ó tɛɛ ba kondikwa. Asɛ o ŋɔ bá la Josef be, ásɛ ɡɛ bwa waa ŋɔ la, bá ɛ.

Mumpar 41:57

Nɛra le harɛre ta dɛ la Josef be Ijipt harɛ, dɛ kaa yawɛ boyu, dɛkalkɛ dɛ lɔr la nyoa kpeɡri bobɛlbwa.

Mumpar 43:1

Lɔr la nyoa baa do kpeɡri Keenan harɛ la ta,

Mumpar 12:10

A kaa ba kɛ lɔrchɔɡe bɛl o nyoa aa kpeɡa chole Keenan harɛ la ta. Asɛ o ir bela dɛ kaa Ijipt harɛ ta ka so.

Mumpar 41:35

Gel ba lɛ boyu a ɡɛ bene la ta bwɛjena ta cheɡ he sɔn ta.