Mumpar 41:49 - mzwDBL

⁴⁹ Josef ɡelɔ ba lɛ kondikwaa cheɡ a warɛ kɛŋɔ mpo nyoa hɛŋle ken, anomanta, o berɔ ɡel a maɡa.

Mumpar 41:49 Referans Kwoze

Yela 78:27

asɛ dɛ ɡel jumbii ba lee o nɛra la bini. A warɔ kɛŋɔ mpo nyoa hɛŋle ken.

1 Samoɛl 13:5

Filisti tena la chemo kɛ bá ka yo Israel tena. Ba dɔ kwaa aa do kɛ torɔɡo baa vɔwa pɛl jaɡre kaɡboŋa atoro, asɛ laa tena kaɡboŋa banumɛl so jaɡre ta, dɛ laa tena baa wara kohona kɛŋɔ mpo nyoa hɛŋle ken. Ba kaa cheme Mikmas, waa lɔ bwɛɛ Bɛt Avɛn wee leebɔr.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Sitɔɔla 6:5

Ba cheɡɛ ba tɛnte deene ba ne ba kondɛɛra fuɡe le aa, ba do kɛŋɔ tontombɛ ken. Haa won kure ba ne ba nyoɡmare. Ba dɛ so harɛ la ta dɛ́ chɔɡ ba kwaa bwa.

Mumpar 22:17

mɛɛ tɛɛ hɛɛra tentenee. Mɛɛ ɡeloo he naanar warɛ kɛŋɔ weweela ne mpo nyoa hɛŋle. He naanar ɛɛ yoo lɛ ba dɔma bwɛɛre dɛɛ di a kpeɡri,

Jeremia 33:22

Mɛɛ ɡeloo n bonɔɔ Devid naanar, ne Lewi dea tena baa ɛ n Dea sɔfore mun ya kohona, ásɛ ba bɛ won kur ba, kɛŋɔ baa wola won kure weweela kɛɛ mpo nyoa hɛŋle la.”

Job Tɔn 1:3

dɛ dɔ peera kaɡboŋa anuanɛ, nyoɡmare kaɡboŋa atoro ne nae kaɡboŋ baa kpɔa dɛɛ parɛ, ne keeɡore lafraanue, dɛ dɔ bonɔɔna ne toli ɡe kohona. Job aa dɔ kwaa kohona nomanta, dɛ onee suuɡate dɛ ɡwaa nɛra baa lɔ wee leebɔr harɛ la bwa ta.

Mumpar 41:48

asɛ Josef ɡel ba boa kondikwaa aa bala bene anuanɛ la ta la nyoa cheɡ bwɛjena ta. Bwɛɛre aa bar bwɛjen bɛlbwa kondikwaa la, ba dɛ cheɡa bwɛjen la ta.

Mumpar 41:50

Sɔfo Pɔtefɛra waa le bwɛjen On bihaah Asenat lolɛ bibaala banɛ tɛ Josef mɔɔ lɔrchɔɡe la ba.