Mumpar 41:45 - mzwDBL

⁴⁵ O kpɔ Ijipt harɛ sɔn pao ŋɔ baa yerɔ Safenat Panea, dɛ mo haah ɡe tɛo. O haah la sɔne Asenat. Sɔfo Pɔtefɛra bihaahnee. Dɛ sɔfo nɔ soɡe bwɛjen On, o sɔn bɛl ɡee Hɛleopɔles. Asɛ Josef ka ɡaaɡe Ijipt harɛ ta bwa.

Mumpar 41:45 Referans Kwoze

Mumpar 46:20

Josef aa lɔ Ijipt la, o lolɛ bibaala banɛ. Banee Manasɛ ne Efrem. Haah o ne waa lol ba la sɔne Asenat waa ɛ sɔfo Pɔtefɛra bihaah, dɛ o soɡe On. O sɔn bɛl ɡee Hɛleopɔles.

Ɛsekeɛl 30:17

Baa kpoo bonɔɔna baa lɔ bwɛjena Hɛleopɔles ne Bubastis laa taa, ásɛ dɛ lawɛ bwɛjena la nɛra bane kaa.

Kaala 2:16

Dɛ kɔlɔŋ bɛl lɔ bela, asɛ awola bɛl, Mosis la ka so o nyoa. Dɛ Midian sɔfo bɛl sɔne Jetro, o bihaahna banuanɛ ba ba viine ne dɛ́ ba dɔ nee tɛ ba mɛɛ peera ne boohna a nyɔ bela.

We-ɛɛla 11:28

Dɛ ba bini bɛl sɔne Aɡabus. Korowii Domadɛɛɡe la ir o nɛ, asɛ o ir che dɛ na chaahna dɛ ŋɔ lɔrchɔɡe bɛl dɛ́ ba ba harɛ la ta bala. Kpela, a ɡɛ waa nɔ balɔ Klɔdeɔs kara dii saŋ.

Amanesoma Luk Aa Chwera Tɔn 2:1

A ɡɛ saŋ la Rom Koojen bɛl baa dɛ yerɔ Ɔɡɛstas la do mmara ŋɔ bá kure nɛra baa lɔ harɛ bobɛlbwa.

2 Samoɛl 20:26

dɛ Ira waa ɛ Jɛɛ te ɡe ɛ Kooro Devid sɔfore la bɛl.

2 Samoɛl 8:18

Jehoiada bibaa Bɛnaya ɡe ɛ Kɛrɛt ne Pɛlet tena baa dɛ daah kooro la nomoa, asɛ Kooro Devid bibaala ɛɛ ja kooro o waa ta.

Mumpar 14:18

Belaa Salɛm Kooro Mɛlkesɛdɛk, waa ɛ Nemenɛ Korowii sɔfo la kpɔ paanoo ne sen ba tɛo,

Mumpar 41:50

Sɔfo Pɔtefɛra waa le bwɛjen On bihaah Asenat lolɛ bibaala banɛ tɛ Josef mɔɔ lɔrchɔɡe la ba.

Jeremia 43:13

Wɛɛ kuuɡi bwea baa paaɡa dɛɛ duura Hɛleopɔles Ijipt harɛ ta laanee, dɛ́ fuh Ijipt voɡa deene ɡe bwa.’ ”

Daneɛl 1:7

Babelɔn koodem nomoa la tɛɛ ba sɔnfala. Daneɛl sɔne Bɛltesasa, Hanania sɔne Sadrak, Mesael sɔne Mesak, asɛ Asaria ɡe sɔne Abɛdnɛɡo.