Mumpar 4:17 - mzwDBL

¹⁷ A habɔɔ, Keen ne o haah kpoŋe tea dɛ lolɛ bibaa dɛ pa o sɔn Enɔk, asɛ dɛ vɔrɔwe bwɛjen dɛ kpɔ bie la sɔn pao.

Mumpar 4:17 Referans Kwoze

Yela 49:11

Ba lalbɔɔne ɛɛ ber ba deenee bá chɔ a bini, a lole kɛŋɔ dɛ ba fa dɔ harɛre, baa do belaa saŋ bɛlbwaa dɛɛ la.

Daneɛl 4:30

O ŋɔ, “Bwɛjen Babelɔn waa do kan ken nɔ, menee doo o ɛ n koobwɛ, dɛ́ kpɔ baɡle n kpeɡri kohona ne n jirima maa dɔa.”

2 Samoɛl 18:18

Absalɔm fa aa soɡe le la, o ma komɛl dɛ kpɔ tɛ o te ba kpɔ dɛɛ liiru bobɛl baa dɛ yerɔ Kooro Fɛlembɔjen ta. O liiro ŋɔ, “N ta bibaa lolɛ á che o nɛɛ ń dɔ sɔn.” O kpɔ kon la sɔn pa o te, anomanta, ba le fini ba dɛ yerɛ kon la Absalɔm Kon Baa Kpɔ Dɛɛ Liiru.

Mumpar 11:4

Belaa ba yerɛ dɔŋa dɛ ŋɔ, “Amɔ hé ɡel ya pɛ nyoa, dɛ́ vɔrɔwe bwɛjen dɛ́ ma dejaŋ o ka tel nyundujaɡla, ásɛ a ɛ sɔn tɛ yaa ya bɛ lɔ peɡre harɛ nɔ ta.”

Mumpar 5:22

A habɔɔ la, o ne Korowii kpɔ darame bene lafraatoro dɛ lolɛ o bibaala ne bihaahna bane ɡe.

Mumpar 5:18

Jarɛd ɡe baa kpeɡ. O bene lafa fifraanumɛl dɛ anɛ ta la, o lolɛ bibaa dɛ pa o sɔn Enɔk.

Mumpar 4:16

Belaa Keen le Korowii sie, dɛ ka so harɛ bɛl waa lɔ Eden wee leebɔr bobɛl baa dɛ yerɔ Nɔd.

Mumpar 4:18

Enɔk ɡe aa kpeɡa la, o lolɛ bie dɛ pa o sɔn Irad. Irad aa baa kpeɡ la, o lolɛ Mahujael. Asɛ Mahujael ɡe aa ira la, o lolɛ Metusael. Asɛ Metusael ɡe aa baa kpeɡ la, o lolɛ Lamɛk.

Yela 49:12

Nɛra dɔ kondɔɔh ɡɛ bɛlbwa kwaraa naa, aa won lɛɛ ba ba bɛ sewɛ, baa serewoo kɛ ola ken.