Mumpar 38:9 - mzwDBL

⁹ Dɛ Onan jemɔ kɛŋɔ a ɡɛ bii la aa won ɛ o kwa, anomanta, o ne haah la chɔɔ waa, o bane aa dɛ ba la, ɡɛɛ o ɡel a ba ta harɛ, ásɛ o bɛ won kpoŋe tea, dɛ́ lolɛ bii ba ɛ o dɔɔ kwa.

Mumpar 38:9 Referans Kwoze

Jems 4:5

Kɛ he dɛ lii kɛŋɔ pɛɛpɛɛ Korowii Tɔn la ŋɔ lileo Korowii aa kpɔa do ya bini la dɛ mee la?

Jems 3:16

Anomanta, bela bɔweela ne n ɡbo dɔ aa lole la, belaa wesaɡasaɡare ne wedoŋa bwa do.

Taetos 3:3

Ya ɡbabir fa ɡɛnɔ. Ya fa ɛ deŋnekpeɡ tena. Ba fa neɡre yaa, pɛlchɔɡa bwa soo siwi ne bodia kpɔ yaa berɛ yoma. Meesɔɔh ne bɔweela bwa nee ya faa so. Nɛra fa hah yaa, ya ɡe hah dɔŋa.

Jems 3:14

Dɛ he dɛ nyin kɛ he ɡbo dɔ, dɛ dɔ bɔweela ne sibeɡra he bambile bini naa, amɔ he bɛ sɔn dɛ́ɛ nyin dɛ́ɛ ŋɔ he dɔ wejema. Dɛ he dɛ ɛ ɡɛ naa, dɛ he ta kasinteŋ dɔe.

Sɛɡla 27:4

Nɛn o baah aa dɛ di wɛɛ tɔ waa wel la, o nyu bini kpeɡri dɛɛ chɔɡ wa, kɛ bɔweela te ɡwaalo.

Job Tɔn 5:2

Bandia dɛ kpo ɡɛne, sibeɡra ɡe ɛɛ kpo nɛn waa wola wobɛlbwa jemɛ.

Rut Tɔn 4:10

N berɔ dɔ Maalɔn luhaah Rut la ó ɛ n haah, ásɛ ya won lolɛ bie, dɛ́ ɡel ya lole waa sewa la sɔn bɛ he dea nɔ ta. Fini a ɛ he bwa siwi ta wa.”

Mmarare 25:6

Biloɡle haah la aa lolɔ la, hé kpɔ o jaa la aa sewa la sɔn pa bie la, ásɛ baa la sɔn bɛ Israel harɛ ta he.

Rut Tɔn 1:11

Anee Naomi chaŋe ŋɔ, “N bii, hé berɛ kaa he bwɛ. N ne he kaala mun ɔ? N lol tonɔ, mɛɛ won berɛ lolɛ bii bá kpɔ heyaa mo ja aa?

Mumpar 38:10

Korowii be la, dɛ a ɡɛ liire nɔ ɛ wechɔɡa, asɛ dɛ kpo o ɡe.

Mmarare 25:5

Dɛ bɛl ne o nime kɛɛ dɔɔ soɡo, bɛl mo haah o ta bie dɔe dɛ sewɛ ɡel haah la aa, luhaah la bɛ nomɛl waa wola o jabene la nime kɛɛ dɔɔ ɛɛ yalɛ. O jabene la nime kɛɛ o dɔɔree chɛ kɛŋɔ ó mo haah la, dɛ́ lolɛ bie tɛ onɔ la waa sewa la.