Mumpar 38:24 - mzwDBL

²⁴ Dɛ ɛ korobie atoro habɔɔ nomɛl ba ŋɔ Juda be ŋɔ, “He helahaah kaa bɔ jwamane dɛ kpoŋe tea.” Belaa o ŋɔ, “He lawɔ le dɛ́ ka fuuh!”

Mumpar 38:24 Referans Kwoze

Lewi Dea Tena 21:9

Dɛ sɔfo bihaah dɛ bɔ jwamane dɛ kah doŋa aa, dɛ o mɛɛ wɛɛ do sihiih la. A chɛ kɛ bá fuuh.

Hosia 2:5

Ba nya le n habɔɔ, dɛ ka di sɛm lolɛ sihihbii. O ŋɔ, ‘Mɛɛ teŋɛ banfala nɛɛ dɛ́ kpɔ n te tɛɛ ba, ásɛ ba tɛ mɛ kondikwaa ne ne, ne pee pona yale ne yapondɛɛɡa, ne ɔleve noo dɛ sen.’

Ɛsekeɛl 23:44

Baala la teŋɔ la Ohola ne Oholiba baa ɛ jwamane tena la be, ba ne ba ka chɔ.

Ɛsekeɛl 23:19

Oholiba ta ɡelɛ a maɡre ɡɛ, o teŋɔ bɔ jwamane ɡɛ o toli saŋ o fa aa lɔ Ijipt harɛ ta la.

Ɛsekeɛl 23:5

Ohola le n habɔɔ, dɛ kaa teŋɛ Asiiria baala nɛ.

Sitɔɔla 19:2

Haah la le baa la habɔɔ dɛ ka chɔ banfale be, dɛ berɛ le o sɛno la be dɛ kaa Bɛtlɛham ka so o mɛɛ dem korobie anaarɛ.

Tɔn Pɔɔl Aa Chwerɛ Rom Tena 14:22

Gɛ he liire aa dɛ ɛɛ kondikwaa dii be pera la, kpoŋe a bini ɡɛ, ásɛ a do he ne Korowii ɡbo baah ta. Nomɛlbwa waa dɛ ɛ wobɛlbwa dɛ jemɛ kɛŋɔ aŋwɛnɛ taa wɛɛ ɛa, aa wola o liire bini aahna aahna ɛ la, o na som!

Hosia 4:15

A lole kɛŋɔ he Israel tena le n habɔɔ, he bɛ ɡel Juda tena ɛ ɡɛ dɛ́ di a bolchɔɡe. He bɛ Gelɡal la, he bɛ Bɛt Avɛn ɡe la. He bɛ men dɛɛ ŋwɛɛ ŋɔ men Korowii ta aa lole!

Hosia 3:3

Asɛ n ŋɔ o be ŋɔ, “Gel n ne he so la sie, bɛ jwamane bɔ kpa, bɛ baa bɛlbwa nyin kpa.”

Ɛsekeɛl 16:41

Baa fuh he deenee, dɛ́ tɛr he deŋne haahna baa wara siwi ta. Mɛɛ ɡeloo he jwamane la bwa ba a jaɡa, haa won dɛɛ tɛ nɛra haa dɛ nyin ba la suuɡa kpa.

Ɛsekeɛl 16:28

He ɡarɔ bɔ jwamane Asiiria tena bini ɡe, a bwa habɔɔ kwaraa la, a ta he ne maɡrɛ.

Ɛsekeɛl 16:15

Kɛ he teŋɛ he wer kohona ne he nyanyini ta dɛɛ bɔ jwamane. Nomɛlbwa teŋo baa kaa dɛ he ne o kaa chɔ.

Jeremia 3:8

Israel jwamane la nomanta, n vɛoh dɛ tao ŋwɛnɛ o kaa. Kɛ Juda ta ɔmɛ, dɛ ɡe kaa bɔ jwamane.

Jeremia 3:6

Kooro Josia kora dii saŋee Korowii bol men Jeremia be ŋɔ, “He na waa Israel tena ba waa aa wola kasinteŋ dɔe kɛŋɔ hanjwamane aa ɛa kenɛ? Ba la deŋɡarere dor ne dajena mune kaa tomɛ voɡa.

Jeremia 3:1

Korowii ŋɔ, “Dɛ baa vɛh o haah asɛ haah la ka yalɛ banfale aa, baa la aa won ka kpɔɔ ba o dea kpa. Gɛ waa nɔ ɛɛ won kpɔ harɛchɔɡ tenten ba. Gɛ tentenee he teŋɛ voɡare nɛɛ kohona kɛŋɔ hanjwamane aa dɛ teŋɛ baala nɛ. He dɛ nyin he berɛ ba n be naa?

Jeremia 2:20

Israel tena, saŋ la bwaa he vɛh kɛ hɛɛ yer mɛ he dɔɔree, he vɛh n waa ta teŋa dɛ́ tom mɛ. Kasinteŋ, he ka dɛ tomɛ voɡa deŋɡarere dor ne dajena mune.

Wejereme 7:26

N na waane aa dɛ we dɛ ɡwaa seo, haah bɛl do kɛŋɔ bel baa dɛ harɔ. O bambile do kɛ nafuɡe, asɛ o nɔɔra do kɛŋɔ jɔɡrɔre, o kpɔ dɛɛ harɛ nɛra. Wejereme bɛlbwa o wa aa dɛ su Korowii siwi la, ɛɛ won chwa le o nafuɡere la ta, kɛ ɡɛne te, wɛɛ lawɔɔ.

2 Samoɛl 12:7

Belaa Netan ŋɔ Kooro Devid be ŋɔ, “Henee a ɡɛ nɛn la! Waa Korowii Israel tena aa dɛ tomɔ la aa dɛ bol laanee nɔ, ‘Menee lɛɛ le Kooro Sɔɔl nɔn ta, dɛ fuɡe noo do he nyu ta, dɛ cheɡe kora Israel harɛ ta.

2 Samoɛl 12:5

Kooro Devid aa no waa nɔ la, o baah di suuɡa te la nɛɛ kohona, dɛ ŋɔ Netan be ŋɔ, “N ŋwɛɛ Korowii waa lole kɛŋɔ, naate waa ɛ ɡɛ waa nɔ deno chɛ kɛŋɔ bá kpoo!

Mmarare 24:16

He bɛ nomɛlbwa ba kpo o bie wechɔɡa waa ɛa wa. Gɛɛ he bɛ bie ɡe ba kpo o mɛɛ wechɔɡa wa. Bɛlbwa chɛ kɛŋɔ ó sewɛ o wechɔɡa waa ɛa wa.

Lewi Dea Tena 20:10

Dɛ baa nyin o dɔŋ haah naa, dɛ ba bwa bɔ jwamane, a chɛ kɛ bá kpo baa la ne haah la bwa.

Mumpar 34:31

Anee ba chaŋe ŋɔ, “Yaa won so nyiŋi ba ɛ ya nimambie kɛŋɔ hanjwamane.”

Mumpar 20:9

Belaa o yerɛ Abraham dɛ bɔɔro ŋɔ, “Bɔkwa waa he ɛ yaa ken? Bɔkwa waa n den ɛɛ, asɛ he fe ɛɛ ba wechɔɡa damanta nɔ dɔŋa kpɔe ba ta n ne n nɛra nɛɛ nɔɔ? A ta chɛ kɛ he kpɔ a ɡɛ waa nɔ ɛɛ mɛ.

Mumpar 20:7

Anomanta, berɛ ɡel haah la kaa o jaa be, dɛkalkɛ n keamee o jaa la. Wɛɛ soŋ mɛɛ, ásɛ he dɔ he nyu. Kɛ dɛ he ta o haah la berɛ ka tɛo te naa, hee he ne kwaa haa dɔa bwa ɛɛ ba hee.”

Mumpar 20:3

Jwaana bɛl, Korowii ba o be deera ta, dɛ ba ŋɔ o be ŋɔ, “Na! Haah la haa kpɔɔ nomanta, hɛɛ sewɔɔ, dɛkalkɛ nomɛl haahnee.”

Mumpar 38:23

Belaa Juda chaŋe ŋɔ, “Gel laala la do o be. Ya bɛ a waa ta teŋɛ nɛra ba na dɛ mamɛ yaa. N lawɛ bombie tɛɛ ŋɔ he ka tɛo he ta on pue yaa, anee ɡɛ.”

Ɛsekeɛl 16:25

Fɔɡbaahna bwa taa he ma voɡa chɔŋɛ pwee ta, dɛ kpɔ chɔɡ he wer haa doa. He kpɔ he te dɛɛ tɛ nomɛlbwa waa teŋa baa kaa, dɛ na teŋɛ dɛɛ bɔ jwamane kohona.

Ɛsekeɛl 16:26

He ne Ijipt tena haa do jwɛh bwaa dɛɛ bɔ jwamane he ne baa chɔ. Ba ɛ nɛra jwamanwa aa dɛ lɛ ba sie kohona. He kpɔ ɡɛ waa nɔ dɛɛ muɡli n baah.