Mumpar 35:1 - mzwDBL

¹ Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”

Mumpar 35:1 Referans Kwoze

Mumpar 31:13

Menee Korowii maa kpɔ n te baɡle Bɛtel asɛ he kpɔ bwe bɛl pa bela, dɛ fuɡe noo ta o ta, dɛ kpɔ dɛɛ lii mɛ, dɛ baɡ mɛ nyoa la. Ir dɛ́ kpɔ he te dɛ́ berɛ kaa harɛ baa lolɛ o ta la ta.’ ”

Hosia 12:4

Jekɔb ne nyundua torome su luɡe asɛ Jekɔb pɔ o nɛ, o wio dɛ soŋe nyundua torome la ŋɔ ó sweero andɛɛɡa. Korowii ba o be Bɛtel dɛ bol waa o be bela.

Yela 91:15

Ba wio yer mɛ naa, mɛɛ no ba bee, wenaale puu ba ɡe aa, mɛɛ che ba habɔɔ. Mɛɛ lɛɛ baa dɛ́ tɛɛ ba jirima.

Mmarare 32:36

Korowii ɛɛ lɛ o nɛraa ɡɛ saŋ ba bokpeɡa aa ba tonɛ. Wɛɛ dɔ tedomaa tɛ nɛra baa dɛ tomɔɔ, ɡɛ saŋ baa wola nomɛlbwa dɔe ó cha ba.

Mumpar 35:7

Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.

Mumpar 31:3

Belaa Korowii ŋɔ Jekɔb be ŋɔ, “Berɛ kaa he lolanar bini, he naawa harɛ la ta. Mɛɛ teŋɛ he nɛɛ.”

Yela 47:4

Onee le ya harɛ yaa soɡe o ta nɔ cheɡ tɛ yaa, o ɡbabir nɛra Israel tena waa dɛ nyin yaa, dɛ kpɔ tɛ yaa o ɛ ya kapɛrɛ kon la.

Kaala 2:15

Ijipt kooro baa no waa la, dɛɛ nyin ŋwɛnɛre waa kpɔ a ta dɛ́ kpo Mosis, asɛ o chwa le bela dɛ ka so Midian harɛ ta.

Mumpar 22:14

Anomanta, o pa bela sɔn ‘Korowii Dɛɛ Tɛ.’ Dɛ ba le fini, ba dɛ bol bela waa ŋɔ, “Korowii ɛɛ tɛo o bwe la doa.”

Mumpar 16:8

Korowii nyundua torome la bɔɔro ŋɔ, “Sarai tolo Heeɡa, leperaa hɛɛ kaalɔ?” Asɛ o ŋɔ, “Chwae n chwa le n nya Sarai be.”

Mumpar 12:8

Waa le bela la, o kpɔ sie chaɡɛ Bɛtel wee leebɔr. Bela ɛ deŋɡarere harɛ. O kwaa bobɛl dɛ baŋre o tɛnte dea Bɛtel ne Ai baah ta, asɛ Bɛtel do wee cholibɔr, Ai ɡe do wee leebɔr. Belaa o ɛ kon baa kpo kwaa dɛɛ ɛ saraha o ta tɛ Korowii.

Neehum 1:15

Hé ha sie nyiŋi bwejena dor! Nɛn waa kpoŋe amanesoma dɛ valɛ bela, dɛɛ bol deŋnesɔɔhna wa. Juda tena, hé di he tɔpejena la, dɛ́ kpɔ kwaa haa baɡɛ Korowii nyoa la ba tɛo. Nyubinikpeɡ tena aa heyaa ba yo he harɛ ta kpa. Mɛɛ chɔɡ ba bwaa kwaraa.

Yela 46:1

Korowiirii ya chwa kaa marɛ wɛɛ tɛ yaa bokpeɡa ya wenaale bwa ta, o ja ya nɛ.

Mumpar 34:31

Anee ba chaŋe ŋɔ, “Yaa won so nyiŋi ba ɛ ya nimambie kɛŋɔ hanjwamane.”

1 Samoɛl 10:3

He le bela dɛɛ kaa laa, hɛɛ ka tel dajen bɛl waa lɔ bwɛɛ Tabɔ munii. Hɛɛ ka pu baala batoro bane baa dɛ kaa bwɛjen Bɛtel ka ɛ saraha tɛ Korowii. Ba bini bɛl lawɛ bombiire atoro teŋɛ o nɛ, nɛɛte kpoŋe paanoo atoro, asɛ toorote la ɡe kpoŋe sen aa lɔ oltɔn pur bini.

Mumpar 29:1

Jekɔb ŋwɛnɛ waa valɔ la, o kpɔ sie chaɡɛ wee leebɔr dɛ kaa bela harɛ la ta.

Mumpar 35:15

Dɛ pa bela sɔn Bɛtel.