Mumpar 34:13 - mzwDBL

¹³ Sɛkem aa ɡuɡri ba nimambie Daena o ne o chɔ nomanta, Jekɔb bii la neɡre o ne o mɛɛ Hamɔ.

Mumpar 34:13 Referans Kwoze

1 Tesalonika 5:15

Hé nyiŋi kɛrɛdɛ dɛ bɛ ɡel bɛlbwa kpɔ wechɔɡa dɛɛ bɔ wechɔɡa kem, kɛ hé ɛ wedɛɛɡa dɛɛ tɛ he dɔŋa ne nomɛlbwa.

Tɔn Pɔɔl Aa Chwerɛ Rom Tena 12:19

Yabala, nɛra ɛ heyaa wechɔɡa aa, he bɛ ane ɛ dɛɛ bɔ kem. Hé kpɔ tɛ Korowii. O baah dɛ di ba nɛɛ taeh. On dɛ bɔ ba kem, dɛkalkɛŋɔ ba chwerɛ Korowii Tɔn bini ŋɔ, “Korowii bolɔ ŋɔ, ‘Mɛɛ tɔ a peɡee, mɛɛ bɔ ba a kemee.’ ”

Matiu 28:13

dɛ lɔ ba nyoa ŋɔ, “He ɛo waa, hé ŋɔ dɛ he chɔɔɡe doromi harambaŋa, asɛ o habɔteŋra la ba ŋwɛo kaa,

Maeka 7:2

Ba doŋi nɛra baa dɛ duu Korowii bwa le harɛ la ta, nomɛlbwa ta kae o waa toɡre kpa. Nɛra bwa chɔɔ dɛɛ kpa kɛŋɔ bá kpoo nɛra, bɛlbwa dɛ harɛ o dɔŋ bel dɛ́ dɔɔ lawɛ.

Aesaya 59:13

Ya ɛ deŋnekpeɡ, dɛ berɛ habɔɔ kpoe, dɛ vɛh he nɛɛ teŋa. Ya fiiɡi ya dɔŋa dɛ berɛ habɔɔ kpoe. Ya liire ne ya wobol bwa ɛ nyosone.

Sɛɡla 12:13

Nɛnchɔɡe nyoa wobolee dɛɛ lawɔ, kɛ nɛn o wa aa toɡra te dɛ́ le wahala ta.

Yela 12:2

Nyosonee bɛlbwa teŋe dɛɛ tɛ o dɔŋ, nyokpɛlee ba kpɔ dɛɛ neɡre dɔŋa.

Job Tɔn 13:7

Ɛrɛɛ hɛɛ teŋe nyosone nɔɔ? Hé dɛ lii kɛŋɔ ɡɛɛ dɛ́ won cha Korowii kɛɛ?

Job Tɔn 13:4

Hé kpɔ nyosone tɔ kasinteŋ ta, hé do kɛŋɔ tɛɛɡa te waa wola won chah weela!

Sitɔɔla 15:3

Anee Samsen ŋɔ ba be ŋɔ, “Taraken te n dɔ ŋwɛnɛ ń so Filisti tena nɛ, mɛɛ ɛɛ ba tomaa kɛrɛdɛ.”

Mumpar 34:12

Hé chaɡle kwaa haa ŋɔ ń kpɔ ba ɛ haah la bwara wa. Hé baɡle ɡɛ bwa haa dɛ ba lɛɛ, ásɛ n bɔ tɛ heya, he sɛoh kɛŋɔ n moo ɡbosoroo tenaa.”

Mumpar 34:14

Ba ŋɔ ba be ŋɔ, “Yaa won ɛ ɡɛ. Yaa sɛh ya nimambie yalɛ baa waa wola o pen teŋe. A ɡɛ waa nɔ ɛ sihihwa dɛ tɛ yaa.