Mumpar 33:4 - mzwDBL

⁴ Esɔ aa nao la, o chwao dɛ ka ɡbaaro pɛl o te dɛ kpɔ o nɔɔra dawɛ o vaama ta dɛ mo o lwɛɛma, ba bwa berɛ wi.

Mumpar 33:4 Referans Kwoze

Yela 34:4

N soŋe Korowii, asɛ o chaŋ mɛ, dɛ lɛɛ mɛ le ɔmewa bɛlbwa ta.

Amanesoma Luk Aa Chwera Tɔn 15:20

Bie la aa lii ɡɛ la, o iro chiɡ ŋwɛnɛ ta dɛɛ kaa o mɛɛ be. Waa dɛ kaa o mɛɛ be la, o mɛɛ lɔ dem dɛ nao bojaŋ, asɛ o tea domɔ, o chwa chemo dɛ ka ɡbaaro pɛl o bambile.

Mumpar 32:28

Asɛ baa la berɛ ŋɔ, “He sɔne laa Jekɔb kpa. He ne Korowii ne nɛwɛnyina yoo, ba ta wone pɔ he nɛ, anomanta, he sɔne Israel.”

We-ɛɛla 20:37

Baa ira la, ba lawɔ ɡbaa ba bambile, dɛ kpɔ wii dɛ kalo.

Sɛɡla 16:7

Dɛ nɛn waa dɛ su Korowii siwi aa, o ɡelɔ deŋnesɔɔhna ɛɛ ba o ne o dɔma kwaraa baah ta.

Mumpar 46:29

Josef jo o kon waa do kɛŋɔ torɔɡo la bɛl bini, asɛ dɛ ka cheme o mɛɛ. Baa chema la, Josef ɡbaaro pɛl o te dɛ wi taeh.

Mumpar 45:2

O wio kohona, asɛ Ijipt harɛ tena la no, kooro dem tena la bwa no.

Job Tɔn 2:12

O daamanar la aa dɛ ba, dɛ che bojaŋ nao la, ba ta on jemɛ. Ba wio kohona, dɛ laa ba laala kɛɛ, dɛ ɛ tɔɔ do ba nyuune ta, a baɡle kɛ ba loo kuu.

Nehemia 1:11

Cheɡ deŋne no n wesoŋa ne he bonɔɔna baa dɛ nyin ba kpɔ duure tɛɛ la wesoŋa. Gel a chiɡ mɛ kɛrɛdɛ fini, dɛ́ ɡel koojen na n sum.” Gɛ saŋ dɛ menee dɛɛ do Koojen Atasɛksɛs sen.

Mumpar 43:30

Nyina Josef aa dɛ nyin o nime la kohona nomanta, o haŋrɔ kahonɛ, dɛ le bela warane, dɛ ka jo o dea dɛ wi.

Sɛɡla 21:1

Kooro bɛlbwa liire lɔ Korowii nɔn ta, kɛŋɔ nɛn yon pere bɔr tɛ nee wɛɛ kpɔ o ta la.

Mumpar 43:34

Ba kpɔ Josef kondikwaa la ane ba bɔne ba. Ba tɛ Bɛnjamen bɔre anue, dɛ ɡwaa ɡɛ baa tɛ ba kar la. Ba di kondikwaa la dɛ vaɡre, dɛ nyɔ sen lɛ ba sie.

Mumpar 29:11

Asɛ dɛ ka ɡbaa Rakɛl pɛl o bambile, dɛ mo o lwɛɛma dɛ wi.

Mumpar 29:13

Laban aa no o manaara Jekɔb waa la, o chwao ka chemo dɛ ɡbaaro pɛl o te dɛ ba o ne dem. Asɛ Jekɔb bɔ o amaneɛ bwa.

Mumpar 32:11

N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.

2 Samoɛl 14:33

Anomanta, Joab la Kooro Devid be dɛ ka bol waa nɔ baɡlo. Belaa o yerɛ Absalɔm o ba ɡuŋi o sie, asɛ kooro jaamo dɛ ɡbaaro pɛl o te.

1 Samoɛl 20:41

Bie la aa kaala la, Devid iro le Esal bwetal o fa aa kaa sɔh o ta la ta, dɛ ba ɡuŋi Jonatan sie, dɛ kpɔ sie pi harɛ kera atoro. Asɛ ba ɡbaa dɔŋa pɛl ba te, dɛ bwa ɛɛ wi, kɛ Devid wii laanee ɡwaala.