Biblia Todo Logo
Bib sou entènèt

- Piblisite -




Mumpar 32:6 - mzwDBL

6 Toroma la aa bera ba la, ba baa bol o be ŋɔ, “Ya kaa bol he dɔɔ Esɔ be. Baala lafraanaarɛ ja o nɛ do ŋwɛnɛ ta taraken dɛɛ ba dɛ́ ba cheme.”

Gade chapit la Kopi




Mumpar 32:6
14 Referans Kwoze  

Jekɔb aa dɛ kaa la, o ha sie dɛ na kɛŋɔ Esɔ ne o bonɔɔna lafraanaarɛ aa dɛ ba, asɛ Jekɔb bɔne o bii la bini tɛ o haahna Lea ne Rakɛl dɛ ba toli banɛ la.


Aa ɛo kɛŋɔ nɛn aa dɛ chwa nyujente dɛ ka cheme sisire ken. Aa doo kɛŋɔ nɛn aa jo o dea dɛ kpɔ nɔn dawɛ danjwɛɛ ta, asɛ harɛkon domɔ.


N dɛ soŋe kɛŋɔ he lɛɛ mɛ le n dɔɔ Esɔ nɔn ta. N dɛ ɔmɛ kɛŋɔ o bɛ yaa ba yo, dɛ́ kpoo n ne n haahna ne bii bwa.


O liiro kɛŋɔ dɛ Esɔ ba dɛ yo baŋ bɛl nɛra aa, ba kar la ɛɛ won dɔ bɔr dɛ́ chwa kaa.


Jekɔb aa no ɡɛ la, o ɔmɔ kohona o bwara yɔr, asɛ dɛ bɔne o nɛra la ne peera ne nae, dɛ nyoɡmare la bini bɔre anɛ.


dɛ kpɔ o kondɛɛra waa dɔa Mɛsopoteemea harɛ ta bwa, ne komɛlbwa waa dɔa ɡe ja dɛɛ kaa o mɛɛ Aesek be Keenan harɛ ta.


Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?” Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”


Anee Esɔ ŋɔ, “Amɔ mɛɛ ɡel n bonɔɔna nɔ bini banee tɛɛ he ne baa ba.” Asɛ Jekɔb ŋɔ, “Bonɔɔna la ɡela dɛ tɛ mɛ te waa ta hiaeh. Nyinaa mɛɛ nyin kɛŋɔ he sie lɛ n nɛ.”


Asɛ Sɛkem ŋɔ Daena mɛɛ ne o dɔɔranar be ŋɔ, “Hɛ́ɛ sɛoh dɛ́ ɛ ɡɛ tɛ mɛ naa, komɛlbwa haa lɛ la, mɛɛ tɛ heyaa.


Asɛ ba chaŋe ŋɔ, “Nomoa, he lɛ ya nyu dɛ nyiŋi yaa kɛrɛdɛ. Yaa ɛ kooro bonɔɔnaa.”


Awola bɛl, Rut ŋɔ Naomi be ŋɔ, “N poori, tɛ́ mɛ ŋwɛnɛ ń la nomɛlbwa waa na n sum koo ta dɛ́ ka kuuh mea.” Anee o sɛh dɛ ŋɔ, “N bie, kaa.”


Anee Rut ŋɔ, “N dɔɔ, a lole kɛŋɔ n ta he tom-ɛɛra la bɛl ɛɛ te, kɛ he nyin n waa kohona, dɛ larawe n bwara ɡe.”


Hana chaŋe ŋɔ, “N dɔɔ, ɡel he sie lɛ he bitolo nɛ.” Asɛ o le bela kaa, dɛ ka nyin kondikwaa di, asɛ bambichɔɡ la bwa kaa.


Swiv nou:

Piblisite


Piblisite