Mumpar 32:4 - mzwDBL

⁴ Jekɔb do toroma la ŋɔ bá ka ŋɔ o be ŋɔ, “He bonɔɔ Jekɔb ŋɔ, o kaa so Laban be, belaa o do dɛ ba le fini,

Mumpar 32:4 Referans Kwoze

1 Pita 3:6

Dɛ ɡɛɛ Abraham haah Saara ɡe do. O pwɛr o te tɛ o jaa dɛ faa yerɔ o dɔɔ. He waa toɡrɔ, haa ɔmɛ ɡe aa, ate Saara biirii heya.

Amanesoma Luk Aa Chwera Tɔn 14:11

Nomɛlbwa waa dɛ maŋkura o te la, Korowii ɛɛ ba o ne harɛɛ, asɛ nomɛlbwa waa dɛ pwɛr o te la, Korowii ɛɛ ɛo nɛnjenii.”

Wejereme 10:4

Dɛ kooro baah di he nɛɛ aa, bɛ ŋɔ he dɛ vɛh toma waa kpɔa do he nɔn ta. Bambile lawa ɛɛ won sɔɔh he wechɔɡa haa ɛa nyoa.

Sɛɡla 15:1

Tahaah dɛ sɔɔh bandia, takpeɡ ɡe ɛɛ ir bwaawee.

Sɛɡla 6:3

N bie, a ba ɡɛ naa, dɛ he nɔn lɔ he dɔŋ la nyoa, ɛ warane la o be dɛ́ ka soŋo, dɛ́ dɔ he te.

1 Koranar 20:32

Ate, ba kpɔ lweyale mile chara dɛ kpɔ ɡboɡbie vɔrɔwe nyuune, dɛ la Israel Kooro Ahab be dɛ ka ŋɔ, “He bonɔɔ Kooro Bɛn Hadad dɛ soŋe ŋɔ he ɡel ó dɔ o nyu.” Anee Israel Kooro Ahab chaŋe ŋɔ, “N lolee, o ta lole naa?”

1 Samoɛl 26:17

Kooro Sɔɔl jemɛ Devid taa dɛ ŋɔ, “Henee nɔ naa, n bibaa Devid?” Asɛ Devid chaŋe ŋɔ, “Menee, n naa kooro.”

Kaala 32:22

Anee Arɔn chaŋo ŋɔ, “N dɔɔ, bɛ ɡel he baah di. He ɡbabir jemɛ ɡɛ baa dɛ nyin wechɔɡa ɛɛ.

Mumpar 33:8

Esɔ bɔɔro ŋɔ, “Nɛra maa chem ba ba kpɔ kondɛɛra damanta dɛɛ kaa la ɡe sɛ?” Anee Jekɔb chaŋe ŋɔ, “N kpɔa dɛɛ ba ba tɛɛ ásɛ he sie lɛ n nɛ.”

Mumpar 32:18

he chaŋe ŋɔ, ‘He bonɔɔ Jekɔb kwaa. O lawa ŋɔ ń kpɔ ka tɛ o dɔɔ Esɔ. O ɡe lɔ mun ta dɛɛ ba.’ ”

Mumpar 32:5

o dɔ nae ne keeɡore, ne boohna ne peera dɛ nɛndɔɔla baala ne haahna bwa. Taraken, o dɛ tomɛ nɛra ŋɔ ba ba bol hen haa ɛ o dɔɔ be, ásɛ he jemɛ o waa dɛ́ lɛo silɛɛ ne.”

Mumpar 27:37

Belaa Aesek chaŋo ŋɔ, “N dɔɔ kpɔɔ ɛ he nomoa, dɛ kpɔ he lolanar bwa ɛ o bonɔɔna. N tɛo hɛɛra ásɛ o konduula bwa do wer o dɔ kondikwaa ne senfala kohona. Bɔkwaa kaa ń soŋe tɛɛ jaɔ?”

Mumpar 27:29

Harɛre nɛra ɛɛ tomɛɛ, dɛ́ ɡuŋii harɛ. Hɛɛ ɛ nomoa he nya bii bwa nɛɛ, ásɛ ba ɡuŋi harɛ. Nomɛlbwa waa taahnee la, á berɛ ɡure o nyu ta, ásɛ nomɛlbwa waa soŋe andɛɛɡa tɛɛ la, ó ɡe dɔ andɛɛɡa.”

Mumpar 23:6

“Nomoa, dɛɛ no, nomonjenii hen ya bini bonɔ. Yaa won vɔmɛ lalbɔɔ ŋɔ he bɛ he lale huɡe. He won o huɡa ya lalbɔɔne nɔ bɛlbwa he tea aa too o ta bini.”

Mumpar 4:7

Wedɛɛɡaa he ɛa, he sie ɛɛ lɛo. Kɛ haa ɛ anɔ la aa wola were la nomanta, wechɔɡa dɛ yoi. Kɛ a chɛ kɛŋɔ hé won le a ta.”

Mumpar 31:41

Dɛ kenii mɛɛ na bene fifraanɛ la bwa n ne haa soɡa. Bene fi dɛ anaarɛɛ n ɛ toma dɛ dɔ he bihaahna banɛ, asɛ bene anumɛl ɡe n ɛ toma dɛ dɔ kondɛɛra. Anɔ bwa habɔɔ la, he beɡre n kembɔr kera fi.

Sɛɡla 25:15

Bambile dɔe ne tahaah won nomonjen liire bera, ɡɛɛ a won wekpeɡa ɡe sɔɔhna.

Mumpar 25:30

Belaa o ŋɔ Jekɔb be ŋɔ, “Ɛ warane dɛ́ tɛ mɛ he kondikonswɛɛma nɔ ane. Dɛkalkɛ lɔr dɛ kpo mɛ taeh. Anomanta, ba kpɔɔ dɛɛ yerɛ Edom. O munii kɛŋɔ konswɛm.”

Mumpar 33:14

Amɔ tɔ sie ásɛ n ɡe ne n nae nɔ ne n bii nɔ valɛ tama tama ka tel kɛŋɔ yaa ba he be Edom.”

Mumpar 36:8

Asɛ Esɔ ka so Edom harɛ ta deŋɡarere ta.

Mumpar 36:9

Kenii Esɔ waa ɛ Edom tena naa la bii ne o naanar teŋɛ dɔŋa nɛ.

Sitɔɔla 5:4

N Naa Korowii, haa le Sɛɛ Bwejen ta Edom harɛ ta la, harɛ jiɡro baama tɔ, asɛ bwaala nee fuɡe le nyundua.

Aesaya 21:11

Waa aa chiɡ Edom harɛ ta Korowii bol baɡle Aesaya chaahna ta laanee nɔ. Nomɛl lɔ Edom dɛ pɛɛ ŋɔ, “Nɛn haa dɛ daah, aa biɡruu mɔɔ bɔr chaah naa?”