Mumpar 32:30 - mzwDBL

³⁰ Belaa o ŋɔ, “N na Korowii siwi ne dɛ ta so mkpa ta.” Anomanta, o pa bela sɔn Pɛneɛl.

Mumpar 32:30 Referans Kwoze

Nɛra Kura 12:8

N ne o bol wa dɔŋa be, a bini chɔ kɛrɛdɛ, wobobeela laa. O dɛ na ɡɛ maa doa kɛrɛdɛ. Ɛrɛ waa haa wola ɔmɛ kɛŋɔ he bol n bonɔɔ Mosis waa nɔɔ?”

Mumpar 16:13

Korowii aa bol waa Heeɡa be la nomanta, o pa bie la sɔn ŋɔ, “Korowii haa dɛ na mɛ,” dɛ ŋɔ, “Korowiirii n na dɛ ta so le nɔ naa?”

Aesaya 6:5

Anee n ŋɔ, “Akwe! N na wa. Wechɔɡa ɡboo n nyoa wobol bwa, asɛ n so nɛra wechɔɡa aa lɔ ba nyoo baah ta, dɛ berɛ na Koojen, Nemenɛ Korowii nɔ.”

Mmarare 5:24

dɛ ba ŋɔ, ‘Korowii ɡelɔ ya na o jirima ne ɡɛ waa do kan, ya no o taa nii la ta. Fini ya nao kɛŋɔ Korowii bol waa nɛn be naa, naate ta won o nyu dɔe dɛ́ ta so le.

Amanesoma Jɔn Aa Chwera Tɔn 1:18

Nomɛlbwa ta Korowii nae bwa. O Bibeŋkpoŋ waa pɛlo la, on ɡela nɛwɛnyini jemɔ.

Hibru 11:27

Waa dɛ yarada Korowii la waa waa wola Ijipt kooro bandia ɔmɛ dɛ le bela, a do kɛŋɔ waa dɛ na Korowii baa wola on na la ken, o ta habɔɔ berɛ.

2 Timoti 1:10

Kɛ tarakenii ya ta che ya Lɛɛ Yeesu Kristo bala waa ba harɛ bonɔ la ta, dɛ jemɛ ɡɛ waa nɔ. O ɡelɔ seo ta kpeɡri dɔe kpa, dɛ berɛ che Amanesoma la ta baɡle yaa ɡɛ yaa dɛ ba o mkpa aa wola jaɡa dɔe bwa dɔe.

Ɛfesos 1:17

Ásɛ n soŋe ya Dɔɔ Yeesu Kristo Mɛɛ Korowii waa dɔ jirima kɛrɛdɛ ɡa la, ó ja heyaa wejema, dɛ́ chaah he sie ásɛ he won dɛɛ jemɛ o waa saŋ bɛlbwa,

Kaala 33:14

Belaa Korowii chaŋo ŋɔ, “Mɛɛ ja he nɛɛ n ne he kaa, ásɛ he dɔ bambisɔɔhna.”

Kolosi 1:15

Yaa won Korowii na. Gɛ Korowii aa doa la, ɡɛɛ o Bie ɡe do. O Bie la lole mɔɔ o ta komɛlbwa.

Galaasia 1:6

He waa ɛɛ mɛ anebɛlbwa. Korowiirii le heya. Yeesu Kristo aa sune he nɛɛ dɛ lɛ heyaa la waa Korowii le heya. Kɛ he deno dɛɛ vɛh Yeesu Kristo Amanesoma la dɛɛ teŋɛ wefale ta.

2 Kɔrent 4:6

Korowii waa pere bochaah le biro ta, dɛ ɡel bɔr chaah la, onee ɡela o nii chaah ya bambile ne ya sie, asɛ ya won jemɛ ɡɛ o jirima yaa naa Yeesu Kristo be la aa doa.

2 Kɔrent 3:18

Anomanta, komɛlbwa ta ya te sie tɔe. Ya Dɔɔ Yeesu jirima chaah ya nɛ, dɛɛ beɡre yaa asɛ yaa do ɡɛ waa doa, jirima yaa dɔa la ɛɛ ja. Ya Dɔɔ Yeesu waa ɛ Domadɛɛɡe la bee a bwa le.

1 Koranar 12:25

Kooro Jɛroboam ɡelɔ ba ma danjwɛkpeɡ bar bwɛjen Sɛkem waa chɔ Efrem deŋɡarere ta dɛ lɛo cheɡ. O le bela dɛ berɛ ka ma danjwɛkpeɡ bar Pɛnoɛl ɡe.

Sitɔɔla 8:17

O berɔ la dɛ ka kuuɡi dejaŋ waa lɔ Pɛneɛl la dɛ kpoo baala baa lɔ bwɛɛ la ta.

Sitɔɔla 8:8

Waa le bela la, o la Pɛneɛl tena ɡe be, dɛ ka soŋ ba ɡɛ waa nɔ tenten, asɛ ba ɡe chaŋo ɡɛ Sukot tena aa chaŋo la.

Mmarare 34:10

Mosis habɔɔ la, Korowii keame bɛlbwa ta berɛ le Israel kɛŋɔ on kpa, dɛkalkɛŋɔ dɛ o ne Korowii dɛ bol wa.

Mumpar 28:19

Dɛ pa bela sɔn Bɛtel. Wubwa la dɛ o sɔne Lus.

1 Kɔrent 13:12

Gɛ tentenee ya waa do taraken. A do kɛŋɔ yaa dɛ nyiŋi diɡi waa wola na kɛrɛdɛ ta ken. Dɛ tɔpere bɛl telaa, yaa naa kɛrɛdɛɛ kɛŋɔ a chɔ ya sie. Anɔ la bwa yaa jema taraken nɔ, anjena ta lɔ mun ta. Kɛ tɔpere la telaa, mɛɛ jemɛ wobɛlbwa ɡɛ Korowii aa jem mɛ la.

Josua 5:13

Awola bɛl, Josua ne Israel tena dɛ bɛne bwɛjen Jeriko, asɛ o na baa bɛl o kpoŋe kere dɛ che o sie. Josua la o be dɛ ka pɛɛro ŋɔ, “Ya bini bɛlee hen kɛɛ ya dɔmee hen ɔ?”

Mumpar 35:9

Jekɔb aa le Mɛsopoteemea ba la, Korowii berɔ kpɔ o te baɡlo dɛ swee andɛɛɡa tɛo.

Sitɔɔla 13:17

Manoa berɔ bɔɔro ja ŋɔ, “He sɔne ɛrɔɔ? Gɛ aa ɛ dɛ he waa haa bola nɔ baa ɛ kpela aa, yá tɛɛ duure.”

Sitɔɔla 13:18

Korowii nyundua torome la ŋɔ, “Ɛrɛɛ hɛɛ bɔɔ mɛ n sɔn nɔɔ? A mun noe ɡwaa he liire ta.”

Aesaya 9:5

Laala baa doa dɛɛ yo laa, ne kon te bɛlbwa chal aa ɛo la, baa kpɔa do nii ta a fuh, baa kpɔa mar nii.