Mumpar 31:39 - mzwDBL

³⁹ Anɔ la konchɔɡa aa dɛ kpoora bwa la, n ɡbabirii dɛɛ bɔe a kem. Anɔ la baa dɛ ŋwɛa webaŋa ne jwaana ɡe bwa la, he ɡelɔ mɛɛ bɔe a kem.

Mumpar 31:39 Referans Kwoze

Amanesoma Luk Aa Chwera Tɔn 2:8

A ɡɛ saŋ la, dɛ peteɡra bane teɡɛ ba peera kaa dibɔr, asɛ bɔr jo, asɛ ba chɔ bela dɛɛ daah ba peera la.

Lewi Dea Tena 22:8

A ta chɛ kɛ ó di konlale waa kaa piu, kɛɛ onɔ la kpɔɡ bini olchɔɡe aa lawɔ á che a ta ó kah doŋa. Men Korowiirii bola.

Kaala 22:31

A chɛ kɛ hé ɛ n nɛra haa do ɡoroŋ. Anomanta, he bɛ ol kpɔɡ bini olchɔɡaa aa kpoo la dɛɛ chwe. Nyootenaa chɛ kɛŋɔ hé kpɔa tɛ.”

Mumpar 31:38

N ne he soɡoo bene fifraanɛ, he boohna ne peera maa nyiŋi a ta ɡe ya tɛɛ kɛrɛdɛ. N ta he pebal bɛlbwa ɡe kpoe di bwa.

Mumpar 31:40

Dɛ n dɛ na wahala, webaŋa wee dɛ kpo mɛ jwaana waa ɛɛ kpo mɛ, dɛ maa won dom chɔ.

Kaala 22:9

Dɛ nomɛl nao kɛɛ keeɡo kɛɛ pee kɛɛ yal kɛɛ komɛlbwa nyoɡrɔ o ka nao o dɔŋ bɛl be dɛ ŋɔ o konee yaa, a chɛ kɛŋɔ nɛra banɛ la bwa kpɔ la nɛra baa bol waa dɛɛ pa bole la sie. Ba bini bɛlbwa baa na kɛŋɔ o di bolchɔɡe la chɛ kɛŋɔ ó bɔ ɡɛ kwaa aa nyoɡra la bele anɛ tɛ o dɔŋ la.