Mumpar 31:28 - mzwDBL

²⁸ He ta ɡelɛ n mo n bii ne naanar lwɛrɛme dɛ ta ba ŋwɛnɛ. Gɛnewaa he ɛ ɡɛ la!

Mumpar 31:28 Referans Kwoze

Mumpar 31:55

Tɔ aa pera chɔmbibi la, Laban mo o bihaahna ne o naanar la lwɛrɛme, dɛ swee andɛɛɡa tɛɛ ba dɛ berɛ kaa o bwɛ.

We-ɛɛla 20:37

Baa ira la, ba lawɔ ɡbaa ba bambile, dɛ kpɔ wii dɛ kalo.

1 Koranar 19:20

Elaesa ɡel nae la dɛ chwa teŋɛ Elaeja nɛɛ dɛ ŋɔ, “Gel ń ka kal n nya ne n mɛɛ dɛ́ ba n ne he kaa.” Anee Elaeja ŋɔ, “Hɛɛ won berɛ kaa, kɛ lii anɔ la bwa maa ɛa tɛɛ.”

Rut Tɔn 1:14

Asɛ ba berɛ wi anɔ ɡe ta ja. Belaa Ɔpa mo o lwɛɛma dɛ kalo. Kɛ Rut te ta lawɔ kpoŋe dɛ ŋɔ waa on ta.

1 Kɔrent 2:14

Nomɛlbwa Korowii Domadɛɛɡe aa wola toole o nɛɛ la, o dɛ vɛh o Domadɛɛɡe la wa. A ɛ wesale tɛ naate, waa a mun no, dɛkalkɛŋɔ Korowii Domadɛɛɡe ɡboo ɡela nɛn ɛɛ no Korowii waa mun.

2 Webena 16:9

Korowii sie lɔ harɛ nɔ ta bwa, wɛɛ nyiŋi nɛra ba wa aa dɔ kasinteŋ tɛo, dɛ tɛɛ ba kpeɡri. He ɛ ɡɛnewa, le fini dɛɛ kaa, laa ɡboo hɛɛ ba dɛɛ yoi.

1 Samoɛl 13:13

Samoɛl ŋɔ o be ŋɔ, “He ɛ ɡɛnewa. He ta Korowii haa dɛ tomɔ doe waa doe la kpɔe ɛ toma ɡɛ aa chɛa. He fe teŋɛ ɡɛ waa doe la ta naa, o fe ɛɛ ɡeloo he ne he naanar di kora Israel harɛ saŋ bɛlbwa dɛɛ la.

Rut Tɔn 1:9

Korowiirii dɛ́ cha heya, ásɛ bɛlbwa berɛ dɔ jaa dɛ́ dɔ bodɛɛɡe so.” Belaa o ka mo ba lwɛɛma dɛ kal ba. Asɛ ba pa mun dɛɛ wi,

Kaala 4:27

Anee Korowii ŋɔ Arɔn be ŋɔ, “Ir la pua hɛŋle ɡbo harɛ ta, dɛ́ ka cheme Mosis.” Asɛ o ir dɛ la ka chemo Korowii bwe waa do ɡoroŋ ta dɛ jaamo.

Mumpar 31:24

Korowii ba Laban be deera ta awola jwaana, dɛ ba ŋɔ o be ŋɔ, “Nyiŋi kɛrɛdɛ dɛ bɛ Jekɔb ba aah ŋwɛnɛ bɛlbwa ta.”

Mumpar 31:13

Menee Korowii maa kpɔ n te baɡle Bɛtel asɛ he kpɔ bwe bɛl pa bela, dɛ fuɡe noo ta o ta, dɛ kpɔ dɛɛ lii mɛ, dɛ baɡ mɛ nyoa la. Ir dɛ́ kpɔ he te dɛ́ berɛ kaa harɛ baa lolɛ o ta la ta.’ ”

Mumpar 31:3

Belaa Korowii ŋɔ Jekɔb be ŋɔ, “Berɛ kaa he lolanar bini, he naawa harɛ la ta. Mɛɛ teŋɛ he nɛɛ.”

Mumpar 29:13

Laban aa no o manaara Jekɔb waa la, o chwao ka chemo dɛ ɡbaaro pɛl o te dɛ ba o ne dem. Asɛ Jekɔb bɔ o amaneɛ bwa.

Mumpar 31:29

N fe dɔ ŋwɛnɛ kɛŋɔ ń won ɛɛ wechɔɡa, kɛ dɛ jwaana ne la, Korowii he mɛɛ aa tomɔ la kah mɛ ŋɔ n bɛ hen aah ŋwɛnɛ bɛlbwa ta.

Mumpar 32:1

Jekɔb chiɡ ŋwɛnɛ ta dɛɛ kaa, asɛ nyundua toroma ba chemo.