Mumpar 31:19 - mzwDBL

¹⁹ Laban kaa o peera pona fona, asɛ Rakɛl ŋwɛ ba dem voɡa aa lɔ o mɛɛ be.

Mumpar 31:19 Referans Kwoze

1 Samoɛl 19:13

Mikal kpɔ yal fɔrɔwe ba buse bela voɡ dɛ kpɔ bil mpa ta, dɛ kpɔ booh pona bil o nyu bɔr.

Hosia 3:4

Gɛɛ Israel tena ɛɛ ba soɡa biɡri baa wola kooro kɛɛ nomoa bɛlbwaa dɔ. Baa saraharee ɛ, dɛ paaɡe bwea dɛɛ duura, ba sɔfore aa batakaareborii do, baa voɡaa cheɡ dɛɛ toma kpa.

Mumpar 31:30

N jemɔ kɛŋɔ he sie cheɡɛ chiŋ hɛɛ nyin bɔr dɛ́ kaa he bwɛ. Aah dɛ ɛrɛ waa he berɛ ŋwɛ n voɡa nɔɔ?”

Ɛsekeɛl 21:21

Babelɔn kooro cheɡɛ ŋwɛnɛ chɛchɛre la ta, dɛ kpɔ o hɛma bil daa, dɛ́ jemɛ ŋwɛnɛ waa kpɔ o ta. O kpɔ o voɡa bil dɛ kpɔ kondɛɛre waa kpoa pwɛ dɛɛ nyiŋi o ta.

Mumpar 35:2

Anomanta, Jekɔb ŋɔ o haahna ne o bii ne nɛra baa ja o nɛɛ la be ŋɔ, “Hé kpɔ harɛfala voɡa haa dɔa la bwa ta, dɛ́ sɔ he doŋa bɛlbwa ta, dɛ́ charɛ he laala.

Mumpar 31:34

Ajaah dɛ onee kpɔa do kon baa kpɔa dawɛ nyoɡma ta dɛɛ so o ta la lɔɡa dɛ so a ta. Dɛ Laban kaa nyiŋi o dea kɛ o ta an nae.

Mumpar 31:32

Nyiŋi, nomɛlbwa haa na voɡa la o be la, a chɛ kɛ bá kpoo. Ya nɛra nɔ ɡe lɔ bonɔ dɛ́ di yaa danseɛ, komɛlbwa waa ɛ he kon la, ásɛ he kpɔ.” Dɛ Jekɔb ta jemɛ kɛŋɔ Rakɛlee ŋwɛ o mɛɛ Laban voɡa la.

Sitɔɔla 18:31

Gɛ saŋ Korowii Tɛnte Dea aa lɔ Silo la bwa, dɛ ba ta teŋɔ dɛɛ tomɛ voɡa Maeka aa ɛa la.

Josua 24:2

Asɛ Josua ŋɔ ba be ŋɔ, “Korowii ya Israel tena aa dɛ tomɔ la ŋɔ, ‘A saŋ la, he nabaala fa soɡe Yufretis Moo la baŋ le dɛɛ tomɛ voɡa. Ba bini bɛlee Tɛɛra waa ɛ Abraham ne Neehɔ bwa mɛɛ.

Mumpar 31:20

Jekɔb ta ɡelɛ Laban jemɛ kɛŋɔ o dɛ kaa o bwɛ.

Mumpar 31:35

Asɛ Rakɛl ŋɔ o mɛɛ be ŋɔ, “N poori n mɛɛ, bɛ ɡel he baah di. Maa won ir che he sie, dɛkalkɛ n le dahara.” Laban nyiŋi o tɛnte dea bini kɛ wɛɛ na voɡa laanee, kɛ o ta an nae.

1 Samoɛl 15:23

Dɛ he ɛ Korowii deŋnekpeɡ aa, a do kɛŋɔ haa dɛ tomɛ voɡa ken, bambikpeɡ ɡe do kɛŋɔ voɡa toma. Haa vɛh Korowii waa la nomanta, o ɡe vɛɛh kooro.”

2 Koranar 23:24

Waa aa jaa laanee kɛŋɔ, Kooro Josia le nɛra baa dɛ yerɛ lala, ne tɛɛɡa tena ne deremi voɡa, dɛ voɡa baa ɛa cheɡ, dɛ kii kwaa waa naa Juda harɛ ta ne Jerusalam bwa ne. Gɛ aa ɛ ásɛ tɔn waa nyoɡre Korowii Dea sɔfo Hilkia ka nao la waa won ɛ kasinteŋ.

Mumpar 24:38

kɛ ka mo haah le n mɛɛ dea tɛo.’

Mumpar 38:13

Belaa nomɛl ŋɔ Taama be ŋɔ, “He helabaa dɛ ba ba kaa Temna dɛ ka fonɛ o peera pona.”

1 Samoɛl 25:2

Dɛ baa bɛl lɔ bela dɛ bɛne bwɛɛ bɛl baa dɛ yerɔ Kaamɛl dɛ dɔ suuɡa ne harɛ kohona. O berɔ dɔ boohna kaɡboŋ, dɛ peera ɡe kaɡboŋa atoro dɛɛ fonɛ a pona Kaamɛl bela.

2 Samoɛl 13:23

Bene anɛ habɔɔ la, Absalɔm nɛra baa dɛ fonɛ o peera lɔ bwɛɛ bɛl baa dɛ yerɔ Baal Hasɔ. O bɛne Efrem dea harɛ jwɛh ta, asɛ o ta nɔn yerɛ kooro bibaala bwa ŋɔ bá ba bela.