Mumpar 31:12 - mzwDBL

¹² Anee o ŋɔ, ‘Ha sie dɛ nyiŋi na, bombala bwa aa dɛ jwee la peeɡɔ dɛ lɛɡre. Dɛkalkɛ n na ɡɛ Laban aa dɛ ɛɛ bwa.

Mumpar 31:12 Referans Kwoze

Kaala 3:7

Anee Korowii ŋɔ, “N na sibeɡra kohona baa dɛ do n nɛra baa lɔ Ijipt. N no ba wii, dɛ le ba dɔɔranar tonchɔɡa baa dɛ do ba la ta, anomanta, ba waa hiah mɛ kohona.

Mmarare 24:15

Tɔpebir toma waa ɛ tɛɛ la, bɔɔ kem dɛ bɛ ɡel wee jo a ta, dɛkalkɛŋɔ a hiaoh, a taa o sie dawɛ. Dɛ he ta on tɛɛ yaa, wɛɛ wiu no Korowii ta he nɛ, ásɛ a ɛ wechɔɡa tɛɛ.

Mumpar 31:42

Korowii n nabaa Abraham ne n mɛɛ Aesek aa tomɔ la laa teŋɛ n nɛɛ aa, he fe ɡelɔ n kpɔ nɔŋɡbala kaa. Kɛ Korowii na n wenaale ne n toma maa ɛa, a waa dɛ jwaana ne o ba pa bole la.”

Ɛfesos 6:9

Dɔɔranar, hɛ́ɛ ɛ he bonɔɔna ne toli ɡe kɛrɛdɛ, dɛ́ ɡel ba fiiɡa. He jemɔ kɛŋɔ he ne ba bwa Dɔɔ lɔ beŋkpoŋ nyundua. Waa bane nyine dɛɛ ɡwaa bane.

We-ɛɛla 7:34

N na fiiɡa Ijipt tena aa dɛ fiiɡi n nɛra Ijipt harɛ ta, dɛ no ba wii baa dɛ wi la bwa ɡe. A balaa n ba ŋɔ ń ba lɛɛ ba ta la. Anomanta, n dɛ ba he toma Ijipt harɛ.’

Wejereme 5:8

He na nomɛl waa nyaa, baa wola o waa bolɛ dɛɛ tɛo aŋwɛnɛ ta, dɛɛ fiiɡu harɛ la ta naa, bɛ ɡel á kpo he nyoa. Nomoa bɛlbwa lɔ o dɔŋ waa ɡwaalo lɔɡa, asɛ ba bwa habɔɔ, nomonome bane ɡe ɡwaa ba.

Yela 139:3

Dɛ n chɔɔ kɛɛ n iro dɛ valɛ dɛɛ kaa laa, he te jemɛ anɔ la maa dɛ ɛ bwa.

Yela 12:5

N Naa Korowii ŋɔ, “Mɛɛ bao, fiiɡa baa dɛ fiiɡi nɛŋɡwɛɡra, ne pɛma nyaara aa dɛ pɛmɛ la wa. Mɛɛ lɛɛ ba so deŋnesɔɔhna ta.”

Lewi Dea Tena 19:13

Hɛ́ɛ berɛ he dɔŋa faahra, kɛɛ dɛ́ ŋwɛo. He bɛ ɡel nɛn ɛ he toma ásɛ he di o kem tɔɔ per a ta.

Kaala 3:9

Taraken Israel tena wii la tel n be, asɛ n na ɡɛ Ijipt tena la aa dɛ ɛɛ ba hɔhɔrɔwa.

Mumpar 31:10

Peera la teene kpoŋa saŋ la, n deero dɛ na kɛŋɔ bombala aa dɛ jweera la peeɡɔ dɛ lɛɡre.

Yela 10:14

N Naa Korowii, he dɛ na nɛra siswɛm ne lokua wa, dɛ yon dɛɛ cha ba. He nɔn taa nɛŋɡwɛɡra kpɔ ba nyu dɛɛ do, hɛɛ cha ba saŋ bɛlbwa.