Mumpar 29:17 - mzwDBL

¹⁷ Dɛ Lea sibie aa were kɛrɛdɛ, kɛ dɛ Rakɛl te wer tolo kohona.

Mumpar 29:17 Referans Kwoze

Mumpar 12:11

Baa dɛ kaa a ka tama ba tel Ijipt la, o ŋɔ o haah Sarai be ŋɔ “Gɛ haa wera tolo nɔ,

Matiu 2:18

O bolɔ ŋɔ, “Nomɛl lɔ bwɛɛ bɛl baa dɛ yerɔ Rama dɛɛ wi. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Jeremia 31:15

Korowii ŋɔ, “Ba no taa bɛl le Rama. Lokua wii naate ɛɛ wi. Rakɛl dɛ wi o bii wa, ba larawo kahonɛ, dɛkalkɛ o bii bwa serewɔ.”

Sɛɡla 31:30

Tolwaa te dɛ neɡre nɛn, wer ɡe ɛɛ tu, kɛ haah waa dɛ ɔmɛ Korowii la chɛ kpɛɛra.

1 Samoɛl 10:2

He le n be bonɔ fini dɛɛ kaa laa, hɛɛ cheme baala banɛ bane Rakɛl ŋwam taa, o lɔ Sɛlsa ne Bɛnjamen dea harɛ jwɛh ta. Baa ŋɔ he bee ŋɔ, ‘Keeɡore aa nyoɡra hɛɛ ɡaaɡe a bɔr la, ba naa. A waa laa bera hiah he mɛɛ kpa, o dɛ bɔɔ bela waa nae.’

Mumpar 48:7

He nya Rakɛl waa mɛɛ ɛ ɡɛ la. Maa le Mɛsopoteemea harɛ ta dɛɛ ba la, o baa sewɛ Keenan harɛ ta. Bela lɔ Efrat ŋwɛnɛ nyoa asɛ n huɡo bela.” Ba berɔ dɛɛ yerɛ Efrat la, Bɛtlɛham fini.

Mumpar 39:6

Pɔtefa kpɔ komɛlbwa do o nɔn ta dɛ laa liire kpɔ a ta. Kwaa waa dɛ lii a waa kondikwa waa di ɡbo. Dɛ Josef mao kɛrɛdɛ dɛ do wer bonɔɔ ɡe.

Mumpar 35:24

Rakɛl ɡe bibaalaa nɔ, Josef ne Bɛnjamen.

Mumpar 30:22

Korowii no Rakɛl wa dɛ no o wesoŋa dɛ tɛo lol.

Mumpar 29:18

Bii la bwa bini la, dɛ Rakɛl nɛɛ Jekɔb sie ɛɛ lɛ, anomanta, o ŋɔ Laban be ŋɔ, “Hɛɛ tɛ mɛ Rakɛlee n mo te naa, mɛɛ ɛ he tomaa tɛɛ bene anuanɛ.”

Mumpar 24:16

Rebɛka wer tolo kɛrɛdɛ. Waa baa jemɛ bwa. O kaa dɔ nee dɛɛ ba.

Mumpar 12:14

Abram aa jo Ijipt harɛ ta la, ba na o haah la kɛ o wer kpela.

Mumpar 26:7

Asɛ bela tena bɔɔro o haah wa, anee o chaŋ ba ŋɔ, “N nimambiee.” Dɛ o dɛ ɔmɛ kɛŋɔ o bol ŋɔ o haahnee. Gɛ laa aa, Rebɛka wer waa doo la nomanta, bela tena ɛɛ kpoo.

Mumpar 29:16

Dɛ o dɔ bihaahna banɛ. Nomoa la sɔne Lea asɛ bechala la ɡee Rakɛl.

Mumpar 29:30

Jekɔb lawɛ Rakɛl ɡe o ne o chɔ. Dɛ o dɛ nyinu dɛ ɡwaa Lea dɛ koh a waa dɛ tomɛ Laban bene anuanɛ ja.