Mumpar 29:1 - mzwDBL

¹ Jekɔb ŋwɛnɛ waa valɔ la, o kpɔ sie chaɡɛ wee leebɔr dɛ kaa bela harɛ la ta.

Mumpar 29:1 Referans Kwoze

Sitɔɔla 6:3

Saŋ bɛlbwa Israel tena la aa parɛ ba kooni dɛ du kwaa la, ɡɛɛ Midian ne Amalɛk tena dɛ harɛre aa lɔ wee leebɔr nɛra yon ka jo harɛ la ta dɛ́ lɛ dɔɔh.

Sitɔɔla 6:33

Midian ne Amalɛk tena dɛ nɛra baa soɡe wee leebɔr la bwa pɛo, dɛ ka baŋre ba tɛnte deene Jɔɔdan Moo baŋ Jesreel Fɛlembɔjen bini.

Hosia 12:12

Ya nabaa Jekɔb chwao kaa Mɛsopoteemea harɛ ta. Waa dɛ nyin haah dɛ́ mo la, o kaa teɡɛ baa bɛl peera.

Wejereme 9:7

Kaa ka di kondikwaa dɛ́ nyɔ sen silɛɛ ne, kɛ taraken Korowii sie dɛ lɛ waa haa dɛ ɛ ta.

Yela 119:60

Mɛɛ ɛ waranee maa wola hɛlɛ, dɛ́ɛ teŋɛ waa haa do mɛ a ta la.

Yela 119:32

Mɛɛ swɛɛ siwii dɛɛ teŋɛ he webaɡla ta, dɛkalkɛŋɔ he cha mɛ, dɛ ɡel mɛɛ no waa mun kɛrɛdɛ.

Nɛra Kura 23:7

Balam bol waa Korowii aa bola la dɛ ŋɔ, “Kooro Balak kaa kpɔ mɛ le Siiria harɛ ta, Moab harɛ ta wee leebɔr bwejena bɔr. Dɛ ŋɔ n ba tomɛ Israel tena toma tɛo, ba chɔɡ Israel tena tɛ mɛ.

1 Koranar 4:30

Kasinteŋ, dɛ o dɔŋ toole wejema dɔe ta wee leebɔr harɛre ta ba kaa Ijipt harɛ bwa ta.

Sitɔɔla 8:10

Dɛ Seba ne Salmuna laa tena baa kaa la lɔ kaɡboŋa fi dɛ banue ba ne ba do Kaakɔ. Banee kaa dɛ le wee leebɔr laa tena la bini, asɛ laa tena kaɡboŋa lafa fifraanɛ ɡe serewe.

Sitɔɔla 7:12

Dɛ Midian ne Amalɛk tena ne wee leebɔr tena la su fɛlembɔjen la bini pirim kɛŋɔ tontombɛ ken. Ba nyoɡmare ɡe warɛ kɛŋɔ mpo nyoa hɛŋle ken, haa won kur ba.

Mumpar 25:20

Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie.

Mumpar 24:10

Belaa bonɔɔ la kpɔ o nomoa nyoɡmare fi, dɛ kpɔ nomoa la laaladɛɛɡa bwa soo siwi ja, dɛ chiɡ ŋwɛnɛ ta kaa Neehɔ bwɛ, Mɛsopoteemea harɛ ta.

Mumpar 25:6

Waa soɡe le waa wola sewɛ mɔɔ la, o kɛ bii o ne o sɛnanar bane aa bera dɔ ja la koŋkwaare, asɛ dɛ ta ba ŋwɛnɛ ba kaa wee leebɔr pera dɛ le Aesek jwɛh.

Mumpar 35:1

Anee Korowii ŋɔ Jekɔb be ŋɔ, “Ir kaa Bɛtel ásɛ dɛ ka so bela. Dɛ́ ɛ kon baa dɛ ɛ saraha o ta la tɛ men Korowii maa kpɔ n te baɡle ɡɛ saŋ haa chwaa dɛ le he dɔɔ Esɔ be la.”

Mumpar 35:7

Asɛ dɛ ɛ kon baa dɛ ɛ saraha o ta tɛ Korowii bela, dɛ pa bela sɔn El Bɛtel. O munii Bɛtel Korowii. Dɛkalkɛ Korowii kpɔ o te baɡlo ŋwɛnɛ ta ɡɛ saŋ waa chwaa dɛɛ le o dɔɔ be la.