Mumpar 28:20 - mzwDBL

²⁰ Asɛ Jekɔb baɡɛ Korowii nyoa ŋɔ, “Dɛ hɛɛ ja n nɛɛ dɛ́ kpɔ nɔn tɔ n nɛɛ n ŋwɛnɛ maa dɛ kaa nɔ ta, dɛ́ tɛ mɛ kondikwaa ne yal maa tɔ,

Mumpar 28:20 Referans Kwoze

1 Timoti 6:8

Anomanta, dɛ ya dɔ kwaa yaa di, dɛ dɔ yale dɛɛ tɔ aa, hé ɡel a maɡre ya ne.

2 Samoɛl 15:8

Gɛ saŋ he bonɔɔ fa aa lɔ Gesur Siiria harɛ ta la, n baɡɛ nyoa ŋɔ, ‘Dɛ Korowii wono berɛ kpɔ mɛ ba Jerusalam aa, mɛɛ tomɔɔ Hɛbrɔn.’ ”

Amanesoma Jɔn Aa Chwera Tɔn 1:16

Korowii chao kohona asɛ o ɡe na ya sum dɛɛ tɛ yaa andɛɛɡa saŋ bɛlbwa, waa wola ɡel bwa.

Yela 66:13

Mɛɛ kpɔ saraha kwaa baa fuah ba tɛɛ he Dea, dɛ́ chuɡri n nyobaɡa maa baɡɛ la.

Mumpar 31:13

Menee Korowii maa kpɔ n te baɡle Bɛtel asɛ he kpɔ bwe bɛl pa bela, dɛ fuɡe noo ta o ta, dɛ kpɔ dɛɛ lii mɛ, dɛ baɡ mɛ nyoa la. Ir dɛ́ kpɔ he te dɛ́ berɛ kaa harɛ baa lolɛ o ta la ta.’ ”

We-ɛɛla 18:18

A habɔɔ la, Pɔɔl soɡe Kɔrent asɔre tena la be biɡri, asɛ dɛ kal ba dɛ le bela kaa Keŋkrea. Dɛ o baɡɛ nyoa bɛl, anomanta, o fonɛ o nyu mɔɔ dɛ le Keŋkrea, asɛ o ne Akwela ne Presela kpɔ stiimae dɛɛ kaa Siiria harɛ.

Yela 132:2

O ŋwɛɛ ntam baɡle hen Korowii, Nemenɛ Korowii Jekɔb aa tomɛ la ŋɔ,

Yela 119:106

N ŋwɛɛrɔ kɛrɛdɛ kɛŋɔ mɛɛ teŋɛ he Mmarare aa toɡra la taa.

Yela 116:18

He nɛra warɔ dɛ cheme aa, belaa mɛɛ ba n nyobaɡa maa baɡɛ la chuɡra,

Yela 116:14

He nɛra warɔ dɛ cheme aa, belaa mɛɛ ba n nyobaɡa maa baɡɛ la chuɡra.

Yela 76:11

Hé kpɔ kwaa haa baɡɛ Korowii haa dɛ tomɔ nyoa la ba tɛo. Harɛre nɛra haa bɛna bwa, hé kpɔ koŋkɛɛla ba tɛo, onee chɛ kɛ nɛra bwa ɛɛ ɔmɛ.

Yela 61:8

Anee dɛ́ ɡel n ɡo yela kpɛɛ he sɔn saŋ bɛlbwa, dɛɛ chuɡri n nyobaɡa tɔpere bɛlbwa.

Yela 61:5

N Naa Korowii, he no nyoa maa baɡɛ la, dɛ tɛ mɛ kwaa haa kpɔa dɛɛ tɛ nɛra baa dɛ tomɛ.

Yela 56:12

N Naa Korowii, henee n baɡɛ nyoa, mɛɛ kpɔ n jam kwaa ba tɛɛ.

Aesaya 19:21

Korowii ɛɛ kpɔ o tenee baɡle Ijipt tena bá jemɔ awola, dɛ́ tomɔ dɛ́ kpoo kwaa tɛo, ásɛ dɛ kpɔ mea sarahare ɡe tɛo. Baa baɡɔ nyoa dɛɛ teŋɛ a ta.

Yela 22:25

Mɛɛ kpɛɛre nɛnlaa tenten baahnee, nɛra baa dɛ tomɛ siee mɛɛ ba kwaa kpoora ɛ saraha tɛɛ, ɡɛ maa baɡɛ nyoa la.

1 Samoɛl 14:24

Lɔr kpo Israel tena ba ɡwɛɡre awola, dɛkalkɛ dɛ Kooro Sɔɔl ŋwɛɛrɔ kɛŋɔ ba bini bɛlbwa waa di kondikwaa mɔɔ wee le la, nyotaahna lawɛ naate mɔɔ ó tɔ o dɔma wel. Anomanta, o laa tena la bɛlbwa ta kondikwaa dii.

1 Samoɛl 1:28

Le fini dɛɛ kaa, n leo cheɡ tɛ Korowii, wɛɛ ɛ Korowii konee o soɡa bini bwa.” Asɛ ba tomɛ Korowii bela.

1 Samoɛl 1:11

Belaa Hana baɡɛ Korowii nyoa ŋɔ, “Nemenɛ Korowii, na n sum, bɛ n waa soh. No he tolo wa, dɛ́ tɛ mɛ bibaa, ásɛ n leo cheɡ tɛɛ o soɡa bini bwa, baa o nyumpon beŋkpoŋ kwaraa fonɛ bwa.”

Mumpar 28:15

Berɛ lii kɛŋɔ mɛɛ teŋɛ he nɛɛ, dɛ́ tɔ he nɛɛ bobɛlbwa haa dɛ ba kaala, dɛ́ berɛ ba he ne harɛ nɔ ta ja. Maa hen ta bwa, nemenɛ n ɛ waa maa baɡɛ nyoa la.”

Mumpar 35:3

Ya dɛ ba bonɔ ira dɛ́ kaa Bɛtel ka so. Mɛɛ ɛ kon baa dɛ ɛ saraha o taa dɛɛ tɛ Korowii waa cha mɛ ɡɛ saŋ waa puu mɛ dɛ ja n nɛɛ bobɛlbwa maa laŋa la.”

1 Webena 4:10

Jabɛs wio no Korowii Israel tena aa dɛ tomɛ ŋɔ, “N Naa Korowii, swee mɛ andɛɛɡa, dɛ́ ɡel n harɛ do kan! Kpɔ nɔn tɔ n nɛ, dɛ́ lee mɛ waa aa kpɔ bonyɛɡa ba ta n nɛɛ ta.” Asɛ Korowii no o wesoŋa.