Mumpar 25:5 - mzwDBL

⁵ Abraham ɡel o kapɛrɛ waa dɔa bwa tɛ Aesek o di.

Mumpar 25:5 Referans Kwoze

Mumpar 24:36

N dɔɔ Abraham haah Saara lolɛ bibaa tɛo o hanjeni bini. Asɛ Abraham kpɔ o komɛlbwa waa dɔa tɛ bie la.

Hibru 1:2

Fini tɔpera nɔ aa ka mun nɔ te, o Bie nɛɛ o che dɛɛ bol waa ya be. Korowii Bie nɔɔ o kpɔ cheɡ kɛŋɔ o toole naa, onee lole dɛ dɔ komɛlbwa. O nɛɛ Korowii che dɛ ta komɛlbwa.

Kolosi 1:19

Korowii tetooraa o Bie Yeesu ɛ o ɡbaɡba.

Galaasia 4:28

Yabala, ɡɛ Korowii aa baɡɛ Abraham nyoa dɛ ɡel o lolɛ Aesek la, ɡɛɛ o baɡɛ nyoa ya ɡe ɛ o bii.

Galaasia 3:29

Dɛ he ɛ Yeesu Kristo nɛra te naa, ate Abraham naanaree heya. Kon Korowii aa baɡɛ Abraham nyoa la, he ɡee dɔɔ.

Tɔn Pɔɔl Aa Chwerɛ Rom Tena 8:32

Nɛn waa wola yaa o Bie kwaraa vɔmɛ, dɛ koh ya bwa waa kpɔɔ do nɛwɛnyina nɔn ta ba kpoo la, bɔkwaa bala waa wola tea ta dɛ́ tɛ yaa komɛlbwa dɛ ja o Bie la nɛɔ?

Tɔn Pɔɔl Aa Chwerɛ Rom Tena 8:17

Yaa ɛ Korowii bii nomanta, dɛ ya sɛoh dɛ na wahala Yeesu Kristo aa naa la aa, ya ɡee di o kapɛrɛɛ kɛŋɔ Yeesu Kristo aa dɛ di la, ásɛ Korowii kpɛɛ yaa ɡɛ waa kpɛɛ Yeesu Kristo la.

Amanesoma Jɔn Aa Chwera Tɔn 3:35

Korowii nyin o Bie la taeh, dɛ kpɔ wobɛlbwa kpeɡri do o nɔn ta.

Matiu 28:18

Yeesu tel ba jwɛh dɛ ŋɔ, “Korowii kpɔ nyundua ne harɛ nɔ ta bwa kpeɡri do n nɔn ta.

Matiu 11:27

Belaa Yeesu berɛ ŋɔ, “N Mɛɛ kpɔ wobɛlbwa do n nɔn ta. Nomɛlbwa aa men Korowii Bie jemɛ, nemenɛ n Mɛɛ la ɡbo. Gɛɛ nomɛlbwa ɡe aa wola n Mɛɛ la jemɛ, nemenɛ n ne nɛra maa dɛ nyin kɛ ń ɡel ba jemɔ la.

Yela 68:18

O teehnɔ kaa nyundua, dɛ lawɛ nɛra waa laɡ ba laa ta kaa, asɛ deŋnekpeɡ tena kpɔ koŋkɛɛla baa tɛo dɛ ŋɔ, Korowii ɛɛ ba so belaa.

Amanesoma Jɔn Aa Chwera Tɔn 17:2

He tɛ mɛ kpeɡri nɛra bwa nɛ, asɛ n won kpɔ mkpa aa wola jaɡa dɔe tɛ nɛra haa kpɔ ba tɛ mɛ la.

Mumpar 24:35

Korowii ɛ n dɔɔ andɛɛɡa kohona dɛ tɛo kondɔɔh. O tɛo peera ne nae ne suuɡapoŋa dɛ suuɡaswɛm, dɛ tɛo yombaala ne yomhaahna ne nyoɡmare dɛ keeɡore.

Mumpar 25:4

Midian bibaalaa Efa ne Efar ne Hanɔk ne Abida dɛ Ɛldaa. Ketura naanaree banɔ bwa.

Mumpar 26:14

O dɔ kondɛɛra ne bonɔɔna kohona, asɛ Filisti tena la sie beɡre o nɛ.