Mumpar 25:34 - mzwDBL

³⁴ Ate, Jekɔb tɛ Esɔ paanoo ne kwaa waa daala la o di, dɛ nyɔ nee dawɛ dɛ ir chiɡ ŋwɛnɛ ta kaa o bɔr. Kenii Esɔ koh kondikwaa wa, dɛ kpɔ o nomonome ta.

Mumpar 25:34 Referans Kwoze

1 Kɔrent 15:32

Gɛ nɛra fa aa ɛɛ mɛ Ɛfesos la do kɛŋɔ n ne kpɔɡ bini ola aa yoa ken. Dɛ harɛ nɔ ta waa ɡbo waa n ne ba yo aa, bɔkwa tɔnɔɔ n dɔ a ta nɔ? Dɛ nɛra aa seo taa iraa, ya fe ɛɛ ŋɔɔ, “Hé ɡel ya ir dɛ́ di kwaa dɛ́ lɛ sie, dɛkalkɛŋɔ tɔpebɛl yaa sewɔɔ.”

Aesaya 22:13

Kɛ he kpoo nae ne peera dɛɛ di kwa, dɛ nyɔ sene dɛɛ hɛlɛ dɛɛ lɛ he sie. Hé ŋɔ, “Hé ɡel ya di kwaa dɛ nyɔ sen. Kere ɡbo dɛ ya serewɔ.”

We-ɛɛla 13:41

‘He nɛra haa nyiŋi nɛra dɛɛ vah dɛɛ mamɛ nɛra la, hé nyiŋi waa maa dɛ ɛ nɔ kɛrɛdɛ. Aa ba kpo he nyoa he serewe. Waa maa dɛ ɛ fini nɔ ɛ waane, dɛ nɛn baɡle a bini tɛ heyaa kwara naa, haa wola yarada!’ ”

Matiu 26:15

dɛ ka pɛɛ ba ŋɔ, “Dɛ n ba Yeesu ne ba tɛ heyaa aa, aŋwɛnɛɛ hɛɛ ba n tɛɛ yɔ?” Anee Sɔfonomonome la kure suuɡapoŋa fifraatoro do o nɔn ta.

Matiu 22:5

A bwa pɛpɛrɛ nɛ, ba vɛoh dɛ kaa ba tomare ta. Bɛl kaa o koo, bɛl ɡe kaa o bonadibɔr,

Sekaria 11:13

Asɛ Korowii ŋɔ n be ŋɔ, “Kpɔ do kon baa kpɔ suuɡa dɛɛ do o bini n Dea bela la bini.” Asɛ n kpɔ suuɡapoŋa fifraatoro baa kpɔa tɛ mɛ, dɛɛ lii kɛŋɔ a kan kohona la ta kon la bini.

Wejereme 8:15

Anomanta, n liiree kɛŋɔ a wer kɛ nɛwɛnyini di kondikwaa dɛ́ nyɔ sen lɛ o sie harɛ nɔ ta. Gɛɛ dɛ́ ɡel o dɔ silɛɛ o toma ne o tɔpera Korowii aa kpɔa tɛo o so harɛ nɔ ta bwa.

Yela 106:24

A habɔɔ, ba vɛoh kɛ baa jo harɛpare ondɛɛɡe la taa, dɛkalkɛŋɔ ba ta he waa haa baɡ ba nyoa la yaradae.

Mumpar 25:29

Awola bɛl, Jekɔb dɛ daa kondikwaa ane, dɛ lɔr lawɛ Esɔ taeh o le kpɔɡ bini ba.

Mumpar 25:33

Asɛ o nime la ŋɔ, “Ŋwɛɛ kɛŋɔ hɛɛ kpɔ he nomonomee tɛ mɛ fini.” O ŋwɛɛ dɛ kpɔ tɛo.

Mumpar 26:1

Asɛ lɔr bɛl chole harɛ la ta. Gɛ lɔr nɔ korɛ Abraham saŋ lɔr la ta. Anee Aesek ir kaa Filisti tena Kooro Abemɛlɛk be Gerar.

Mumpar 27:32

Belaa o mɛɛ bɔɔ ŋɔ, “Umee hen ɔ?” O chaŋe ŋɔ, “Menee he binomoa Esɔ.”