Mumpar 25:26 - mzwDBL

²⁶ Ba lola bini la, dɛ muŋkaa la lawɛ sitɔte la kpoŋe. A waa ba pa o sɔn Jekɔb. O munii kɛŋɔ nalume kpoŋri. Baa lol ba la, dɛ Aesek dɔ bene fifraanumɛl.

Mumpar 25:26 Referans Kwoze

Mumpar 27:36

Anee Esɔ ŋɔ, “O sɔn Jekɔb la maɡre o ne. O munii neɡra. Anɔɔ jaa nɛɛtena waa faah mɛ. O lɛ n nomonome, asɛ dɛ lɛ soŋa he fe aa soŋe tɛ mɛ la ɡe ja.” Dɛ berɛ bɔɔro ŋɔ, “Amɔ he ta wobɛlbwa dɔe dɛ́ soŋe Korowii andɛɛɡa tɛ mɛ kpa aa?”

Hosia 12:3

Ba nabaa Jekɔb ta aa lɔ o nya tea bini la, dɛ o lawɛ o kpar dɔŋ Esɔ nalume baa vuuɡi dɔŋa. Waa baa kpeɡ la, o ne Korowii su luɡe.

We-ɛɛla 7:8

Asɛ Korowii baɡle Abraham ŋɔ wɛ́ɛ teŋe o bii pena, ásɛ a ɡɛ waa la ɛ nawee dɛ́ che tɛ o ne Abraham fɔo la baa fɔwa la wa. A waa Abraham aa lolɛ o bie Aesek o dɔ yawanyoa beŋkpoŋ la, ba teŋe o pen. Aesek ɡe aa baa lolɛ o bie Jekɔb la, o teŋe o pen. Asɛ Jekɔb ɡe teŋe o bii fi dɛ banɛ baa ɛ ya deene nomonome la bwa pena.

Mumpar 25:20

Waa di bene fifraanaarɛ la o mo Rebɛka. Bɛtoɛl waa le Mɛsopoteemea harɛ dɛ ɛ Aram te la bihaahnee, asɛ o ɛ Laban nimambie.

Mumpar 35:28

Aesek di bene lafa fifraanuatoro

Josua 24:4

asɛ Aesek lolɛ Jekɔb ne Esɔ. N kpɔ Edom deŋɡarere harɛ tɛ Esɔ, asɛ Jekɔb te ne o bibaala kaa Ijipt harɛ ta.

1 Webena 1:34

Abraham lolɛ Aesek. Aesek ɡe bibaala waa lol ba laanee, Esɔ ne Jekɔb.

Mumpar 21:5

Baa lolɛ Aesek la, dɛ Abraham dɔ bene lafa.

Nɛra Kura 20:14

Kades belaa Mosis tomɛ toroma Edom kooro be ŋɔ, “He lolanar Israel tenaa yaa, he jemɛ ya wenaale yaa lɔ a ta wubwa la.

Mmarare 23:8

Le ba naanar baa teŋa bele batoro ta, dɛɛ kaa la ken ɛɛ ba ja Korowii nɛra nɛɛ.”

Hosia 12:4

Jekɔb ne nyundua torome su luɡe asɛ Jekɔb pɔ o nɛ, o wio dɛ soŋe nyundua torome la ŋɔ ó sweero andɛɛɡa. Korowii ba o be Bɛtel dɛ bol waa o be bela.

Malakae 1:2

Korowii ŋɔ o nɛra Israel tena be ŋɔ, “Men Korowii, saŋ bɛlbwaa mɛɛ nyin heya.” Kɛ he dɛ bɔɔ ŋɔ, “Bɔkwaa chaɡla kɛ he dɛ nyin yaa ɔ?” Asɛ Korowii chaŋe ŋɔ, “Jekɔb dɔɔree Esɔ, kɛ n nyin Jekɔb ne o naanar,